|
ລັດຖະບານມຽນມາປະກາດເຕືອນການໂຈມຕີຂອງພວກກໍ່ການຮ້າຍ
cri
Author: huachunmei
ຕາມຂ່າວສານຊິນຮວາ, ວັນທີ 30 ສິງຫາ, ໜັງສືພິມນິວ ໄລທ໌ ອັອຟ ມຽນມາແຈ້ງຂ່າວວ່າ, ພາກສ່ວນທີ່ກ່ຽວຂ້ອງຂອງລັດຖະບານມຽນມາຮຽກຮ້ອງໃຫ້ປະຊາຊົນຈົ່ງມີສະຕິລະວັງຕົວຕໍ່ພວກກໍ່ການຮ້າຍ, ພ້ອມກັນສະກັດກັ້ນການໂຈມຕີຂອງພວກກໍ່ການຮ້າຍ.
ໜັງສືພິມສະບັບນີ້ແຈ້ງຂ່າວວ່າ, ວັນທີ 28 ສິງກາ, ທິມກໍ່ການຮ້າຍທີ່ປະກອບດ້ວຍ 15 ຄົນໄດ້ອອກຈາກຄ້າຍ, ພວມລັກລອດເຂົ້າສອງເຂດຂອງແຂວງບາໂກຂອງມຽນມາ, ມີເຈດຕະນາຈະກໍ່ເຫດການລະເບີດ. ນອກນັ້ນ, ຍັງມີທິມກໍ່ການຮ້າຍອີກ 7 ຄົນກໍ່ລັກລອດເຂົ້າມຽນມາຈາກຕ່າງປະເທດ. ຂ່າວກ່າວເນັ້ນວ່າ, ລັດຖະບານ ປະຊາຊົນແລະທະຫານມຽນມາຈະຮ່ວມມືກັນ, ປົກປັກຮັກສາສັນຕິພາບແລະສະຖຽນລະພາບ ແຫ່ງຊາດ, ປ້ອງກັນຂະບວນຂ້ານຜ່ານປະຊາທິປະໄຕ.
ນີ້ແມ່ນລັດຖະບານມຽນມາປະກາດຂ່າວກ່ຽວກັບການໂຈມຕີຂອງພວກກໍ່ການຮ້າຍເທື່ອທີສອງໃນປີນີ້. ໃນຫຼາຍມື້ຜ່ານມາ, ທະຫານແລະຕຳຫຼວດໄດ້ເພີ່ມມາດຕະການປ້ອງກັນຄວາມປອດໄພຢູ່ນະຄອນຢາງກຸງແລະເຂດອື່ນໆ, ສະຖານະການຢູ່ນະຄອນຢາງກຸງຍັງສະຫງົບຢູ່.
|
|
