|
ຍ້ອນວ່າວັນປິດຮັບຄຳຕອບຂອງການເສັງຄວາມຮູ້"ຂ້ອຍກັບCRI"ໃກ້ຈະຮອດແລ້ວ,ຫວ່າງມໍ່ໆມານີ້,ໃບຕອບຄຳຖາມແລະຈົດໝາຍທີ່ຜູ້ຟັງຝາກມານັ້ນເພິ່ມຂຶ້ນຢ່າງວ່ອງໄວ,ອັນນີ້ສະແດງໃຫ້ເຫັນວ່າ,ຜູ້ຟັງຫຼາຍທ່ານພວມຕິດຕາມຮັບຟັງລາຍການຂອງພວກເຮົາຢູ່,ທ່ານອາດຈະຄ່າວຽກຫຼາຍທຸກມື້ ຈົນ ບໍ່ມີເວລາຂຽນຈົດໝາຍເຂົ້າມາຮ່ວມມ່ວນຊື່ນນຳພວກເຮົາ,ສະນັ້ນ,ຖ້າຫາກທ່ານໃດໄດ້ສະຫຼະເວລາອັນມີຄ່າຂຽນຈົດໝາຍເຂົ້າຮ່ວມການເສັງຄວາມຮູ້ຂອງພວກເຮົາ,ກໍ່ຖືວ່າໄດ້ສະໜັບສະໜູນແລະເປັນກຳລັງໃຈໃຫ້ຄະນະຈັດທຳລາຍການຂອງພວກເຮົາແລ້ວ,ນະທີ່ນີ້,ພວກເຮົາຂອບໃຈຫຼາຍໆ.
ຫວ່າງມໍ່ໆມານີ້, ນ້ອງທອງຄຳວື່ທີ່ຢູ່ບ້ານຄອນວັດ ເມືອງຮົ່ມ ແຂວງວຽງຈັນໄດ້ຝາກຈົດໝາຍມາຍັງພວກເຮົາ,ຂຽນວ່າ,"ເທື່ອນີ້ແມ່ນເທື່ອທຳອິດທີ່ນ້ອງໄດ້ຂຽນຈົດໝາຍເຂົ້າມາແລະເສັງຄວາມຮູ້ກັບວິທະຍຸຊີອາໄອ.ໃນບົດຕອບຄຳຖາມຂອງນ້ອງແມ່ນຕອບຫຍໍ້ໆ,ເຖິງວ່າບໍ່ຖືກໃນ 4 ພາກຄຳຖາມ,ນ້ອງກໍ່ບໍ່ເສຍໃຈ,ນ້ອງມີແຕ່ດີໃຈຫຼາຍ,ເພາະນ້ອງກໍ່ແມ່ນເພື່ອນມິດຜູ້ຟັງຂອງວິທະຍຸຊີອາໄອຜູ້ໜຶ່ງຕະຫຼອດມາ.ຊີອາໄອຍັງແມ່ນໂຮງຮຽນມະຫາວິທະຍາໄລສອນພາສາລາວແລະຈີນໃຫ້ເພື່ອນມິດຜູ້ຮຽນໂດຍບໍ່ໄດ້ເສຍຄ່າ."
ນ້ອງທອງຄຳວື່ກໍ່ແມ່ນຝາກຈົດໝາຍແລະເຂົ້າຮ່ວມການເສັງຄວາມຮູ້ຂອງພວກເຮົາເປັນເທື່ອທຳອິດ,ເຊື່ອວ່າຄົງຈະບໍ່ເປັນສະບັບສຸດທ້າຍຕໍ່ເນາະ,ຖ້າວ່າທ່ານມັກຟັງລາຍການຂອງພວກເຮົາ,ກໍ່ຂໍໃຫ້ທ່ານສົ່ງຈົດໝາຍມາຫາພວກເຮົາ,ລາຍການ"ຂົວທາງອາກາດ"ແມ່ນປ່ອງຢ້ຽມທີ່ພວກເຮົາກັບຜູ້ຟັງທັງຫຼາຍຕິດຕໍ່ພົວພັນກັນ,ລາຍການຂອງພວກເຮົາຍິນດີຕ້ອນຮັບທ່ານມາເຂົ້າຮ່ວມທຸກເວລາ.
ຂອບໃຈຜູ້ຟັງທີ່ຮັກແພງທຸກທ່ານ ກໍ່ຄືນ້ອງທອງຄຳວື່,ໃນຕອນທ້າຍຂອງລາຍການມື້ນີ້,ພວກເຮົາຂໍຈັດເພງມ່ວນໆເພງໜຶ່ງມອບໃຫ້ທ່ານ,ເພງນີ້ຊື່ວ່າ"ຢົງເຮີງເຕີອີ້ທ່ຽນ",ແປວ່າ"ວັນຕະຫຼອດການ".
|
