ຕາມ​ຂ່າວ CRI: ຕອນ​ທ່ຽງ​ວັນ​ທີ 31 ສິງຫາ, ຢູ່​ຈັງຫວັດ​ຍະ​ລາ ທາງ​ພາກ​ໃຕ້​ຂອງ​ໄທ​ໄດ້​ເກີດ​ເຫດ​ການ​ລະ​ເບີດ 8 ​ເທື່ອ​ຢ່າງ​ລຽນຕິດ, ​ເຮັດ​ໃຫ້​ຜູ່​ໜຶ່ງ​ເສຍ​ຊີວິດ, ຫຼາຍສິບ​ຄົນ​ບາດ​ເຈັບ.

​ເວັບ​ໄຊ​ໜັງສືພິມ "​ເດີ​ເນ​ເຊິ​ນ" ຂອງ​ໄທ​ລາຍ​ງານ​ວ່າ, ​ເຈົ້າໜ້າ​ທີ່​ຕຳຫຼວດຈັງ​ຫວັດ​ຍະ​ລາ​ໄດ້​ເຜີຍ​ໃຫ້​ຮູ້​ວ່າ, ​ເຫດການ​ລະ​ເບີດ 8 ​ເທື່ອ​ນີ້​ໄດ້​ເກີດ​ຂຶ້ນ​ໃນ​ເວລາປະມານ 11 ​ໂມງ 30 ນາ​ທີ​ຕາມ​ເວລາ​ທ້ອງ​ຖິ່ນ, ບ່ອນ​ເກີດ​ເຫດ​ລະ​ເບີດ​ລ້ວນ​ແຕ່​ແມ່ນ​ທະນາຄານ​. ຜູ່​ກໍ່​ເຫດ​ໄດ້​ວາງ​​ເຄື່ອງ​ລະ​ເບີດ​ໄວ້​ຢູ່​ໜ້າ​ປະຕູ​ທະນາຄານ​ກ່ອນ, ​ແລ້ວ​ໃຊ້​ລີ​​ໂມດ​ຄວບ​ຄຸມໃຫ້​ລະ​ເບີດ. ມີ​ໜຶ່ງ​ຄົນ​ເສຍ​ຊີວິດ​ຢູ່​ກັບ​ທີ່, ຫຼາຍສິບ​ຄົນ​ບາດ​ເຈັບ.

​ແຕ່​ຕົ້ນປີ 2004 ຈົນ​ຮອດ​ປັດຈຸບັນ, ພວກ​ລັດທິແບ່ງ​ແຍກດິນ​ແດນ​ໄດ້​ກໍ່​ເຫດການໂຈມ​ຕີ​ດ້ວຍ​ກຳ​ລັງ​ຮຸນ​ແຮງ​ຢູ່​ຈັງຫວັດ​ປັດ​ຕາ​ນີ ຈັງຫວັດ​ນະລາ​ທິວາ​ດ​ແລະ​ຈັງຫວັດ​ຍະ​ລາ​ຢ່າງ​ລຽນ​ຕິດ, ​ໄດ້​​ເຮັດ​ໃຫ້ 1300 ກວ່າ​ຄົນ​ເສຍ​ຊີວິດ​ແລ້ວ.