|
ຕາມຂ່າວສານຊິນຮວາ: ກົດໝາຍວ່າດ້ວຍການສຶກສາພາກບັງຄັບສະບັບປັບປຸງຂອງຈີນຈະມີຜົນບັງຄັບໃຊ້ແຕ່ມື້ອື່ນ(ວັນທີ 1 ກັນຍາ)ເປັນຕົ້ນໄປ. ກົດໝາຍສະບັບປັບປຸງດັ່ງກ່າວໄດ້ກຳນົດໄວ້ວ່າ ຊັບພະຍາກອນການສຶກສາຄວນຕອບສະໜອງຄວາມຕ້ອງການຂອງຊົນນະບົດກ່ອນ.
ຈີນປະຕິບັດລະບອບການສຶກສາພາກບັງຄັບ 9 ປີ. ກົດໝາຍວ່າດ້ວຍການສຶກສາພາກບັງຄັບສະບັບປັບປຸງໄດ້ກຳນົດຢ່າງຈະແຈ້ງວ່າ ຈະບໍ່ເກັບຄ່າຮຽນແລະຄ່າອື່ນໆໃນໄລຍະພາກບັງຄັບ, ແລະກຳນົດວ່າ ລັດສ້າງກົນໄກຄ້ຳປະກັນທຶນການສຶກສາພາກບັງຄັບ. ຈະສະໜອງທຶນໃຫ້ໂຮງຮຽນຊົນນະບົດແລະໂຮງຮຽນອ່ອນແອໃນຕົວເມືອງກ່ອນ, ຊັກຊວນແລະປຸກລະດົມນັກສຶກສາທີ່ຈົບຮຽນແລະຄູໄປເຮັດວຽກຢູ່ຊົນນະບົດ.
ກົດໝາຍສະບັບປັບປຸງຍັງມີຂໍ້ກຳນົດເກືອດຫ້າມໂດຍແນໃສ່ສະພາບໃນຫຼາຍປີມານີ້ໂຮງຮຽນປະຖົມແລະມັດທະຍົມເກັບຄ່າແບບທົ່ວທີບ, ພ້ອມກັນນັ້ນ ຍັງສົ່ງເສີມໃຫ້ໃຊ້ປື້ມຮຽນຫຼາຍຄັ້ງເພື່ອປະຢັດ.
|
