ຕາມ​ຂ່າວ CRI: ມື້ວານ​ນີ້(ວັນ​ທີ 31 ສິງຫາ), ​ເຈົ້າໜ້າ​ທີ່​ກະຊວງ​ພາຍ​ໃນ​ຂອງອີຣັກ​ກ່າວ​ວ່າ, ​ໃນ​ມື້​ດຽວ​ກັນ ຢູ່​ພາກ​ຕາ​ເວັນ​ອອກ​ນະຄອນ​ແບັກ​ແດັດ​ໄດ້​ເກີດ​ເຫດການ​ລະ​ເບີດ​ຫຼອນ​ໂຈມ​ຕີ​ຫຼາຍ​ຄັ້ງ, ພາ​ໃຫ້ 43 ຄົນ​ເສຍ​ຊີວິດ 126 ຄົນ​ບາດ​ເຈັບ.

ຜູ່​ສັນທັດ​ກໍລະນີ​ກະຊວງ​ພາຍ​ໃນຂອງ​ອີຣັກ​​ເປີດ​ເຜີຍ​ໃຫ້​ຮູ້​ວ່າ, ​ປະມານ 19 ​ໂມງ​ວັນ​ທີ 31 ສິງ​ຫາ, ຢູ່​ສອງ​ເຂດ​ພາກ​ຕາ​ເວັນ​ອອກ​ແບກ​ແດດ​ໄດ້​ເກີ​ດ​ເຫດການ​ລະ​ເບີດ 3 ຄັ້ງ​ຕິດໆ​ກັນ, ​ເຮັດ​ໃຫ້​ມີ​ຄົນ​ຕາຍ​ແລະ​ບາດ​ເຈັບ​ຢ່າງຫຼວງຫຼາຍ.

ຕອນ​ເຊົ້າມື້​ດຽວ​ກັນ, ຢູ່​ປ້ຳ​ນ້ຳມັນ​ແຫ່ງ​ໜຶ່ງ​ພາກ​ຕາ​ເວັນ​ອອກ​ແບັກ​ແດັດ​ໄດ້​ຖືກ​ຫຼອນ​ໂຈມ​ຕີ​ດ້ວຍ​ລະ​ເບີດລົດຍົນ​ແບບສະຫຼະຊີບ, ນອກ​ນີ້, ​ໃນ​ມື້​ດຽວ​ກັນ ​​ຮ້ານ​ອາ​ຫານ​ແຫ່ງ​ໜຶ່ງ​ຢູ່​ຖະ​ໜົນ​ປາ​ເລັສ​ຕິນ ພາກ​ຕາ​ເວັນ​ອອກ​ແບັກ​ແດັດ​ກໍ່​ຖືກ​ຫຼອນ​ໂຈມ​ຕີ​ເຊັ່ນ​ກັນ.