|
ແນະນຳຂໍ້ຄວນເອົາໃຈໃສ່5ຂໍ້ໃນດ້ານອາຫານການກິນສຳລັບຜູ້ເຮັດການ
cri
|
ຄຽງຄູ່ກັບຈັງຫວະຊີວິດການເປັນຢູ່ຂອງຄົນເຮົານັບມື້ນັບແຂ່ງຂັນກັບເວລາ, ການເຮັດວຽກງານໄດ້ກະທົບກະເທືອນເຖິງອາຫານການກິນຂອງຄົນເຮົານັບມື້ນັບຫຼາຍຂຶ້ນ, ເຊັ່ນການເລື່ອນເວລາເຮັດວຽກຫຼືບໍ່ສາມາດກິນເຂົ້າຖືກເວລາເປັນຕົ້ນ. ແຕ່ວ່າການກິນເຂົ້າບໍ່ຖືກເວລາຈະພາໃຫ້ກະທົບກະເທືອນເຖິງສຸຂະພາບຂອງເຮົາ. ເຮັດແນວໃດຈິ່ງຈະສາມາດຫຼີກເວັ້ນບັນຫາເຫຼົ່ານີ້, ໃນລາຍການມື້ນີ້, ພວກເຮົາຈະໃຫ້ຂໍ້ແນະນຳບາງຢ່າງສຳລັບດ້ານອາຫານການກິນ.
1, ເອົາໃຈໃສ່ອາຫານເຊົ້າ. ຕາມທຳມະດາແລ້ວ, ຄວນມີເຄື່ອງດື່ມຮ້ອນ, ມີອາຫານປະເພດນ້ຳນົມ, ໝາກໄມ້ແລະອາຫານປະເພດເຂົ້າ. ຜູ້ຊ່ຽວຊານດ້ານທາດບຳລຸງເຫັນວ່າພະລັງງານໃນມື້ໜຶ່ງທີ່ຄົນເຮົາຕ້ອງການນັ້ນມີ20-25%ແມ່ນໄດ້ມາຈາກອາຫານເຊົ້າ. ການບໍ່ກິນອາຫານເຊົ້າ, ຫຼັງຈາກຕື່ນນອນ2-3ຊົ່ວໂມງຈະພາໃຫ້ເປັນພະຍາດເລືອດຈາງຄືທາດນ້ຳຕານໃນເລືອດຕ່ຳໂພດ, ພາໃຫ້ຈິດໃຈບໍ່ສົດຊື່ນ, ອິດເມື່ອຍ, ເຈັບຫົວແລະຫິວແຮງ.
ຄຳວ່າບໍ່ຢາກກິນຫຼືວ່າບໍ່ມີເວລາແມ່ນຂໍ້ອ້າງທີ່ປະໝາດອາຫານເຊົ້າ. ສະນັ້ນ, ເພື່ອຮັກສາສຸຂະພາບຂອງທ່ານ, ດີທີ່ສຸດແມ່ນເມື່ອຮອດຫ້ອງການແລ້ວ, ຕ້ອງບັງຄັບຕົນເອງໃຫ້ກິນຂະໜົມໜ້ອຍໜຶ່ງຕາງອາຫານເຊົ້າ. ສະນັ້ນ, ໃນຕອນເຊົ້າ, ເວລາອອກເຮືອນ, ໃຫ້ທ່ານເອົາເຄື່ອງດື່ມແກ້ວໜຶ່ງ, ຫຼືວ່ານົມສົ້ມຈອກໜຶ່ງທີ່ເອົາອອກຈາກຕູ້ເຢັນກັບໝາກໄມ້ໜ່ວຍໜຶ່ງອາຫານເປັນໝາກໂປ້ມ, ໝາກກ້ຽງຫຼືໝາກໝັ້ນກໍ່ໄດ້, ຂະໜົມປັງຫໍ່ຫຼືອາຫານບຳລຸງອື່ນໆໃສ່ກະເປົ່າໄປນຳ, ເພື່ອໄປກິນຢູ່ຫ້ອງການ.
2, ຕ້ອງຈັດໃຫ້ມີເວລາກິນເຂົ້າທ່ຽງ. ເມື່ອຫຍຸ້ງນຳວຽກບໍ່ມີເວລາໄປກິນເຂົ້າກັບເພື່ອນຮ່ວມງານ, ທ່ານອາດຈະສັ່ງເອົາເຂົ້າໃສ່ກັບຫຼືເຂົ້າຈີ່ມາ, ກິນແບບຟ້າວຟັງເພາະຍັງມີວຽກທີ່ຫ້ອງການ, ແຕ່ເຮັດແບບນີ້ບໍ່ດີ. ດີທີ່ສຸດຄວນໃຫ້ຕົນເອງມີເວລາພັກຜ່ອນຢ່າງແທ້ຈິງ, ເຖິງວ່າມີເວລາໜ້ອຍ(ຢ່າງໜ້ອຍ20ນາທີ), ກໍຢ່າກິນອາຫານທ່ຽງໃນສະພາບຟ້າວຟັ່ງ. ໄປຊື້ອາຫານທ່ຽງມາແລ້ວໄປ, ນັ່ງກິນຢ່ບ່ອນໃດບ່ອນໜຶ່ງ, ທີ່ມີອາກາດດີໆບໍ່ຕ້ອງກິນແບບຟ້າວຟັງ, ຈິ່ງຍ່ອຍອາຫານໄດ້ດີ. ພ້ອມກັນນັ້ນ, ຢ່າລືມກິນນົມສົ້ມແລະໝາກໄມ້ຫຼັງອາຫານທ່ຽງ. ເຖິງວ່າທ່ານມີວຽກຫຼາຍປານໃດກໍຕາມ, ເມື່ອກິນເຂົ້າກໍຕ້ອງພະຍາຍາມກິນຊ້າແດ່, ຫຍ້ຳໃຫ້ແຫຼກດີ, ເພາະວ່ານ້ຳລາຍກໍຊ່ອຍລະລາຍອາຫານໄດ້.
3, ຢູ່ຫ້ອງອາຫານສ່ວນລວມໃຫ້ເລືອກກິນອາຫານຕາມຫຼັກວິທະຍາສາດ. ແຕ່ລະມື້, ຜູ້ເຮັດການສ່ວນຫຼາຍຈະກິນອາຫານທ່ຽງຢູ່ຫ້ອງອາຫານ. ແນ່ນອນ, ຖ້າທ່ານເລືອກກິນອາຫານໄດ້ດີ, ທາດບຳລຸງກໍອາດພຽງພໍກັບຄວາມຕ້ອງການຂອງຮ່າງກາຍ, ບໍ່ຄວນກິນຊີ້ນຮົມຄວັນໄຟ, ປີຊາແລະອາຫານປະເພດໝູແຮມ, ເຊິ່ງແມ່ນຂອງກິນທີ່ມີໄຂມັນຫຼາຍ, ອາຫານຫຼັກອາດເລືອກເອົາປາຫຼືຊີ້ນບາງຢ່າງ, ອາຫານທາດແປ້ງເລັກນ້ອຍແລະກິນຜັກສີຂຽວໃຫ້ຫຼາຍ. ສຸດທ້າຍກິນອາຫານປະເພດນົມເຍື່ອງໜຶ່ງເຊັ່ນ: ນົມສົ້ມ, ເຂົ້າໜົມນ້ຳມັນເນີຍເປັນຕົ້ນ, ໝາກໄມ້ຫຼືຊະລັດໝາກໄມ້, ດີແທ້, ຢ່າລືມເອົານົມສົ້ມແລະໝາກໄມ້ກັບເມືອ, ເພື່ອກິນຕອນບ່າຍ.
4, ດື່ມນ້ຳເລື້ອຍໆ. ເພາະອຸນຫະພຸມໃນຫ້ອງການສ່ວນຫຼາຍສູງກວ່າອຸນຫະພູມທາງນອກ, ການເພີ່ມນ້ຳໃສ່ຮ່າງກາຍແມ່ນສຳຄັນຫຼາຍເວົ້າສຳລັບຜູ້ເຮັດວຽກໃນຫ້ອງການ. ພວກເຮົາຂໍແນະນຳໃຫ້ທ່ານດື່ມນ້ຳຢ່າງໜ້ອຍມື້ລະ1ລິດເຄິ່ງ. ຖ້າເປັນໄປໄດ້, ຢ່າກິນນ້ຳອັດລົມເພາະມັນມີທາດນ້ຳຕານຫຼາຍໂພດແລະບໍ່ແກ້ຫິວນ້ຳ, ຖ້າກິນກາເຟຫຼາຍເກີນໄປອາດຈະພາໃຫ້ໃຈບໍ່ຕ້ອມ, ມີຄວາມກົດດັນທາງຈິດໃຈສູງຂຶ້ນ, ຄວາມດັນເລືອດສູງຂຶ້ນ, ແລະຍ້ອນມັນພາໃຫ້ຍ່ຽວດຸ, ຈະພາໃຫ້ຮ່າງກາຍເສຍນ້ຳຫຼາຍ.
5, ອາຫານຕອນບ່າຍ. ຂໍເຕືອນຜູ້ທີ່ມັກກິນຂອງກິນຫຼິ້ນເລື້ອຍໆນັ້ນ, ບໍ່ຄວນກິນຫຼາຍເກີນໄປ! ຊື້ຂອງກິນຫຼິ້ນເປັນກອງ, ຍັງບໍ່ມີຄຸນຄ່າທໍ່ຊື້ອາຫານບາງຢ່າງມາໄວ້ໃນລີ້ນຊັກໃນຫ້ອງການຫຼືຊື້ອາຫານທີ່ເຮັດດ້ວຍນົມມາໄວ້ໃນຕູ້ເຢັນ, ຍາມຫິວກໍກິນອາຫານຕື່ມອີກຄາບໜຶ່ງ ເຊັ່ນ: ຂະໜົມປັງ, ນົມສົ້ມ, ເຂົ້າໜົມທາດແປ້ງຫຼືໝາກໄມ້. ອາຫານຕອນບ່າຍບໍ່ພຽງແຕ່ແກ້ຫິວແລະຕື່ມພະລັງແຮງໃຫ້ຮ່າງກາຍເທົ່ານັ້ນ, ຫາກຍັງເຮັດໃຫ້ທ່ານບໍ່ຢາກກິນຂອງກິນຫຼີ້ນອີກດ້ວຍ.
|
|
