|
|
 |
| (GMT+08:00)
2006-09-05 18:38:40
|
 |
|
ການນອນບໍ່ຫຼັບພາໃຫ້ເກີດພະຍາດຫຼາຍຢ່າງ
cri
|
ພະຍາດຊຳເຮື້ອຫຼາຍຢ່າງພາໃຫ້ນອນບໍ່ຫຼັບເລື້ອຍໆ, ຖ້າປົວພະຍາດຊຳເຮື້ອເຫຼົ່ານີ້ບໍ່ໄດ້ຜົນ, ກໍໃຫ້ປ່ຽນມາປົວອາການນອນບໍ່ຫຼັບໂດຍສະເພາະແມ່ນສຳຄັນຫຼາຍ.
ປະຈຸບັນນີ້ມີຫຼັກຖານສະແດງໃຫ້ເຫັນວ່າ, ປະດົງຄໍ່ພະຍາດກະເພາະອາຫານລຳໄສ້, ພະຍາດລະບົບຫາຍໃຈແລະພະຍາດເສັ້ນເລືອດຫົວໃຈແລະສະໝອງເປັນຕົ້ນລ້ວນແຕ່ອາດຈະມີອາການນອນບໍ່ຫຼັບ. ຖ້ານອນບໍ່ຫຼັບເລື້ອຍໆເປັນເວລາດົນນານ, ຍັງຈະພາໃຫ້ເລືອດດັນສູງ, ເປັນພະຍາດເບົາຫວານ, ອ້ວນພີເປັນໂຣກຫົວໃຈແລະເປັນລົມອຳມະພາດ. ນອນບໍ່ຫຼັບເລື້ອຍໆຍັງແມ່ນວີແວວທີ່ຈະເປັນພະຍາດດ້ານຈິດໃຈບາງຢ່າງ, ໂດຍສະເພາະແມ່ນພະຍາດອຸກອັ່ງໃຈ. ຖ້າຜູ້ໃດນອນບໍ່ຫຼັບດົນນານແລະບໍ່ໄດ້ຮັບການປີ່ນປົວ, ອັດຕາເປັນພະຍາດອຸກອັ່ງຫຼືພະຍາດທາງຈິດໃຈຂອງຜູ້ກ່ຽວກໍຈະສູງກວ່າຄົນທຳມະດາ2ເທົ່າຫາ10ເທົ່າ.
ອີງຕາມບົດລາຍງານສຳຫຼວດ6ຕົວເມືອງຂອງຈີນໃນປີນີ້ສະແດງໃຫ້ເຫັນວ່າ, ໃນປີໜຶ່ງ, ຜູ້ໃຫຍ່ມີ57%ເຄີຍນອນບໍ່ຫຼັບ, ໃນນັ້ນມີ53%ເຄີຍນອນບໍ່ຫຼັບເປັນປີກວ່າ. ແຕ່ວ່າ, ຜູ້ທີ່ເຄີຍບອກບັນຫານອນບໍ່ຫຼັບຂອງຕົນໃຫ້ນາຍໝໍຮູ້ນັ້ນມີພຽງ13%ເທົ່ານັ້ນ. ສາສະດາຈານຝານຕົງເຊິງທີ່ຮັບຜິດຊອບການຄົ້ນຄວ້າເທື່ອນີ້ກ່າວວ່າ, ນີ້ແມ່ນຍ້ອນວ່າຜູ້ປ່ວຍບໍ່ຮູ້ວ່າໂຕເອງນອນບໍ່ຫຼັບແມ່ນມີສ່ວນກ່ຽວຂ້ອງກັບພະຍາດຊຳເຮື້ອຂອງຕົນ, ການເອົາໃຈໃສ່ບັນຫານອນຂອງຜູ້ປ່ວຍຄວນແມ່ນໜ້າທີ່ຂອງນາຍໝໍ. ທ່ານໄດ້ອອກຫົວຄິດໃຫ້ຜູ້ນອນບໍ່ຫຼັບວ່າ, ຖ້າຜູ້ປ່ວຍມີອາການນອນບໍ່ຫຼັບບໍ່ກາຍ14ມື້, ອາດໃຊ້ສອງວິທີຄື: ໜຶ່ງແມ່ນບໍ່ຄວນນອນໃນໂມງທີ່ເຄີຍນອນ, ບໍ່ຕ້ອງນອນຫຼິ້ນຢູ່ເທິງຕຽງແລະປ່ອຍໃຫ້ຢາກນອນແຮງໆແລ້ວຈິ່ງເຂົ້ານອນ, ກໍຈະນອນຫຼັບເອງ; ສອງແມ່ນໄປຫານາຍໝໍ, ກິນຢານອນຫຼັບບາງຢ່າງ.
|
|
|
