|
|
 |
| (GMT+08:00)
2006-09-06 10:38:26
|
 |
|
ຈີນຈະປິດບໍ່ຖ່ານຫີນຂະຫນາດນ້ອຍເກືອບ 5 ພັນແຫ່ງໃນນີ້ແລະປີຫນ້າ
cri
Author: sayvanny
ຕາມຂ່າວສານຊີນຮວາ: ຈີນຈະປິດບໍ່ຖ່ານຫີນນ້ອຍ 4861 ແຫ່ງໃນປີນີ້ແລະປີຫນ້າ.
ກົມຕິດຕາມກວດກາຄວາມປອດໄພຂອງບໍ່ຖ່ານຫີນແຫ່ງລັດຈີນໄດ້ເຜີຍໃຫ້ຮູ້ຂ່າວດັ່ງກ່າວໃນຫວ່າງແລ້ວນີ້.ນັກວິເຄາະທີ່ກ່ຽວຂ້ອງເວົ້າວ່າ, ມາດຕະການດັ່ງກ່າວດ້ານຫນຶ່ງແມ່ນເພື່ອເຮັດໃຫ້ການພົວພັນລະຫວ່າງຄວາມຕ້ອງການກັບການສະຫນອງຖ່ານຫີນດຸ່ນດ່ຽງກັນ,ດ້ານຫນຶ່ງອີກແມ່ນພະຍາຍາມຫລຸດອຸປະຕິເຫດບໍ່ຖ່ານຫີນທີ່ເກີດຂຶ້ນເລື້ອຍໆນັ້ນໃຫ້ຫນ້ອຍລົງ.
ສະຖິຕິສະແດງໃຫ້ເຫັນວ່າ, ໃນ 6 ເດືອນຕົ້ນປີນີ້, ຄວາມຕ້ອງການກັບການສະຫນອງຂອງອຸດສາຫະກຳຖ່ານຫີນຂອງຈີນໄດ້ດຸນດຽງກັນໃນຂັ້ນພື້ນຖານ,ແຕ່ຢູ່ເຂດສ່ວນຫນຶ່ງ,ທ່າອ່ຽງການສະຫນອງຫລາຍກວ່າຄວາມຕ້ອງການນັ້ນນັບມື້ນັບເດັ່ນຊັດຂຶ້ນ.
ອີງການສຳຫລວດສະແດງໃຫ້ເຫັນວ່າ, ປັດຈຸບັນ, ຈີນຍັງມີບໍ່ຖ່ານຫີນນ້ອຍ 1 ຫມື່ນ 7 ພັນແຫ່ງ, ປະລິມານການຜະລິດຂອງບໍ່ຖ່ານຫີນຂະຫນາດນ້ອຍໄດ້ກວມ 1/3 ຂອງບໍ່ຖ່ານຫີນທົ່ວປະເທດ,ແຕ່ຈຳນວນຄົນຕາຍໃນອຸປະຕິເຫດພັດກວມ 2/3 ຂອງທົ່ວປະເທດ.ບັນຫາທີ່ບໍ່ຖ່ານຫີນນ້ອຍຂຸດເອົາຖ່ານຫີນຢ່າງຜິດກົດຫມາຍນັ້ນໄດ້ພົ້ນເດັ່ນຂຶ້ນ,ບໍ່ພຽງແຕ່ໄດ້ຝ່າຝືນລະບຽບການຜະລິດທຸລະກິດອັນເປັນປົກກະຕິທໍ່ນັ້ນ, ຍັງໄດ້ຄວາມອັນຕະລາຍອັນຫນັກຫນ່ວງອີກດ້ວຍ.
|
|
|
