|
ຝ່າຍອາເມລິກາຈະບໍ່ທວງໃຫ້ຝ່າຍຈີນກົດດັນສ.ປ.ປ.ເກົາຫຼີເພື່ອເຮັດໃຫ້ກັບຄືນສູ່ການເຈລະຈາ 6 ຝ່າຍ
cri
Author: cai
ຕາມຂ່າວສານຊີນຮວາ:ວັນທີ 5 ກັນຍາ,ຢູ່ປັກກິ່ງ,ທ່ານຮີວ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາເວົ້າວ່າ,ຈີນໄດ້ເຮັດວຽກງານຢ່າງຫຼວງຫຼາຍເພື່ອຟື້ນຟູການເຈລະຈາ 6 ຝ່າຍ,ຝ່າຍອາເມລິກາຈະບໍ່ທວງໃຫ້ຝ່າຍຈີນກົດດັນສ.ປ.ປ.ເກົາຫຼີເພື່ອໃຫ້ກັບຄືນສູ່ການເຈລະຈາ 6 ຝ່າຍ.
ທ່ານຮີວແມ່ນເດີນທາງມາຮອດປັກກິ່ງໃນຕອນບ່າຍວັນທີ 5 ກັນຍາ.ໃນເວລາໃຫ້ສຳພາດຕໍ່ນັກຂ່າວ,ທ່ານເວົ້າວ່າ,ຈຸດປະສົງຕົ້ນຕໍຂອງທ່ານໃນການຢ້ຽມຢາມຈີນເທື່ອນີ້ແມ່ນເພື່ອຫາລືກັບຝ່າຍຈີນກ່ຽວກັບເລື່ອງການພົວພັນລະຫວ່າງສອງຝ່າຍ,ແຕ່ພ້ອມກັນນັ້ນ,ທ່ານເວົ້າວ່າ,ຝ່າຍອາເມລິກາຫວັງຮັກສາການຕິດຕໍ່ພົວພັນແລະການຮ່ວມມືກັບຝ່າຍຈີນຢ່າງໃກ້ຊິດ,ເພື່ອຊຸກຍູ້ໃຫ້ຟຶ້ນຟູການເຈລະຈາ 6 ຝ່າຍໂດຍໄວເທົ່າທີ່ຈະໄວໄດ້.
ມື້ດຽວກັນ,ທ່ານຮີວໄດ້ພົບປະທ່ານຊຸ່ຍທ່ຽນຂາຍ ຜູ້ຊ່ວຍລັດຖະມົນຕີກະຊວງການຕ່າງປະເທດຈີນ,ສອງຝ່າຍໄດ້ເຈລະຈາກັນກ່ຽວກັບການພົວພັນຈີນອາເມລິກາແລະຫົວຂໍ້ທີ່ສົນໃຈນຳກັນ.
|
|
