|
|
 |
| (GMT+08:00)
2006-09-06 16:35:03
|
 |
|
ຈີນຢ້ຳຢາກໃຫ້ສະຫະພາບເອີລົບຍົກເລີກຄຳສັ່ງຫ້າມຂາຍອາວຸດໃຫ້ຈີນໂດຍໄວ
cri
Author: sayvanny
ຕາມຂ່າວ CRI: ຝ່າຍຈີນຫວັງໃຫ້ສະຫະພາບເອີລົບຈົ່ງປະຕິບັດຕາມຄຳຫມັ້ນສັນຍາທີ່ຈະຍົກເລີກຄຳສັ່ງຫ້າມຂາຍອາວຸດໃຫ້ຈີນໂດຍໄວ, ເພື່ອມີຜົນດີຕໍ່ການຂະຫຍາຍການພົວພັນລະຫວ່າງຈີນກັບສະຫະພາບເອີລົບຕື່ມອີກ.
ການພົບປະລະຫວ່າງຜູ່ນຳຈີນກັບສະຫະພາບເອີລົບຄັ້ງທີ 9 ຈະຈັດຂຶ້ນຢູ່ແຮນຊິງກີ ນະຄອນຫລວງແຟັງລັງໃນວັນທີ 9 ກັນຍານີ້.ບັນຫາຍົກເລີກຄຳສັ່ງຫ້າມດັ່ງກ່າວຈະແມ່ນຫົວຂໍ້ຫນຶ່ງຂອງຜູ່ນຳຂອງຈີນກັບສະຫະພາບເອີລົບຈະເຈລະຈາກັນ. ນີ້ແມ່ນກະຊວງການຕ່າງປະເທດເປີດເຜີຍໃຫ້ຮູ້ໃນກອງປະຊຸມຂ່າວທີ່ຈັດຂຶ້ນໃນວັນທີ 6 ກັນຍາ.
ກະຊວງການຕ່າງປະເທດຈີນກ່າວວ່າ,ຄຳສັ່ງຫ້າມຂາຍອາວຸດໃຫ້ຈີນຂອງສະຫະພາບເອີລົບແມ່ນສິ່ງກຳເນີດຂອງສົງຄາມເຢັນ,ມັນບໍ່ຖືກກາລະເທສະອີກແລ້ວ. ຝ່າຍຈີນຮຽກຮ້ອງໃຫ້ຍົກເລີກຄຳສັ່ງຫ້າມນີ້, ແມ່ນເພື່ອຍົກເລີກການດູຫມີ່ນຈີນທາງການເມືອງ,ຫາກບໍ່ແມ່ນເພື່ອຊື້ອາວຸດໃຫ້ຫລາຍຂຶ້ນຕື່ມ.
ສະຫະພາບເອີລົບໄດ້ຮັບຮູ້ຫລາຍເທື່ອແລ້ວວ່າຈະສືບຕໍ່ທຳຄວາມພະຍາຍາມເພື່ອກ້າວໄປສູ່ການຍົກເລີກຄຳສັ່ງຫ້າມດັ່ງກ່າວ.
|
|
|
