|
|
 |
| (GMT+08:00)
2006-09-06 17:48:22
|
 |
|
ຊີມອາຫານອີຕາລີໃນຮ້ານອາຫານນ້ອຍນະຄອນປັກກິ່ງ(ສຽງ)
cri
Author: lm
|
ໃນຫຼາຍປີມານີ້,ປິດຊາຮັດໄດ້ເຂົ້າສູ່ບັນດາຕົວເມືອງຂອງຈີນ,ປິດຊາຮັດທີ່ຂາຍດິບຂາຍດີເຮັດໃຫ້ພໍ່ຄ້າທີ່ສະຫຼາດຫຼາຍຄົນຖືເປັນໂອກາດການທຸລະກິດ.ສະນັ້ນ ຢູ່ບັນດາຕົວເມືອງໃຫຍ່ແລະຕົວເມືອງຜ້ານກາງຂອງຈີນໄດ້ມີຮ້ານອາຫານອີຕາລີປະກົດຕົວອອກຢ່າງຫຼວງຫຼາຍ.ຢູ່ນະຄອນປັກກິ່ງ ກໍມີຮ້ານອາຫານດັ່ງກ່າວບໍ່ໜ້ອຍ,ບາງຮ້ານອາຫານຍັງເຊີນຄົນອີຕາລີມາເປັນພໍ່ຄົວໃຫຍ່.
ໃນລາຍການສີສັນແດນມັງກອນມື້ນີ້ ຂ້າພະເຈົ້າຈະແນະນຳຮ້ານອາຫານສອງຫຼັງທີ່ມີເອກະລັກຂອງຕົນແລະມີຊື່ສຽງຢູ່ນະຄອນປັກກິ່ງສູ່ທ່ານຟັງ.
ຮ້ານອາຫານທາຟີບໍ່ໃຫຍ່ປານໃດ,ແຕ່ແຈ້ງສະຫວ່າງ,ສະບາຍຫຼາຍ.ຮ້ານອາຫານນີ້ຕົ້ນຕໍແມ່ນຂາຍອາຫານອີຕາລີ,ແຂກສ່ວນຫຼາຍແມ່ນນັກສຶກສາຕ່າງປະເທດ.ນາງໂອຮິກາຊິ ຊີຮາຣຸ ນັກສຶກສາຍີ່ປຸ່ນທີ່ກຳລັງຮຽນຢູ່ມະຫາວິທະຍາໄລພາສາຕ່າງປະເທດປັກກິ່ງກໍແມ່ນຂາປະຈຳຂອງຮ້ານນີ້,ນາງເຫັນວ່າ,ທ່າແຮງຂອງຮ້ານນີ້ຕົ້ນຕໍແມ່ນລາຄາ. ( 2 )
"ຢູ່ຮ້ານອາຫານນີ້ ມີແຂກບໍ່ຫຼາຍແລະບໍ່ໜ້ອຍ,ຮູ້ສຶກສະບາຍຫຼາຍ.ນອກນັ້ນ ຜູ້ບໍລິການໃນຮ້ານນີ້ບໍລິການດີ,ແຂກຮູ້ສຶກອຸ່ນໃຈຫຼາຍ,ລາຄາກໍຍ່ອມເຍົາ."
ສິ່ງທີ່ນັກສຶກສາມັກທີ່ສຸດແມ່ນອາຫານບຸບເຟຕອນທ່ຽງຂອງຮ້ານນີ້ແຕ່ລະມື້,ກິນຄາບໜຶ່ງມີແຕ່ 29 ຢວນ,ຖືກຫຼາຍ.
ເຖົ້າແກ່ຮ້ານທາຟີແມ່ນຄົນຍີ່ປຸ່ນ,ຊື່ອີມາບາຊິ ມີຊີຮີໂຣ ,ພໍ່ຄົວແມ່ນຄົນຈີນ.ທ່ານອີມາບາຊິ ມີຊີຮີໂຣເວົ້າວ່າ,ເຖິງວ່າເພິ່ນແລະພໍ່ຄົວລ້ວນແຕ່ບໍ່ແມ່ນຄົນອີຕາລີກໍຕາມ,ແຕ່ຊຳນິຊຳນານປຸງແຕ່ງອາຫານອີຕາລີໝົດທຸກຄົນ. ( 3 )
"ຕອນຢູ່ຢູ່ຍີ່ປຸ່ນ ຂ້າພະເຈົ້າກໍປຸງແຕ່ງອາຫານອີຕາລີ,ສາມາດເວົ້າໄດ້ວ່າມີບົດຮຽນ.ເພື່ອເຮັດໃຫ້ແຂກພໍໃຈ,ຂ້າພະເຈົ້າຍັງໄດ້ພະຍາຍາມຢ່າງຫຼວງຫຼາຍ."
ອາຫານຂອງຮ້ານອາຫານທາຟີນອກຈາກມີອາຫານອີຕາລີເຊັ່ນປິດຊາແລະສະປາເກັດຕີຫຼືໝີ່ອີຕາລີແລ້ວ,ຍັງມີຂະໜົມທີ່ຫອມແຊບຂອງອີຕາລີ.ເພື່ອຮັບປະກັນອາຫານເປັນລົດຊາດອີຕາລີອ້ອຍຕ້ອຍ,ເຄື່ອງປຸງແຕ່ງຂອງຮ້ານອາຫານນີ້ສ່ວນຫຼາຍແມ່ນນຳເຂົ້າຈາກອີຕາລີ.ແຕ່ສິ່ງທີ່ຕ່າງກັນກັບຮ້ານອາຫານຂອງຄົນອີຕາລີ,ພໍ່ຄົວຂອງຮ້ານທາຟີຍັງທົດລອງໃຊ້ຜັກຈີນມາເປັນເຄື່ອງປຸງແຕ່ງຂອງອາຫານ ອີຕາລີ,ຈົນກະທັ້ງຍັງໃຊ້ນ້ຳສະອິວຂອງຈີນ,ນີ້ໄດ້ເຮັດໃຫ້ອາຫານອີຕາລີຂອງຮ້ານອາຫານທາຟີມີລົດຊາດໃໝ່,ອັນໄດ້ຮັບຄວາມນິຍົມຊົມຊອບຈາກຜູ້ກິນ. ( 4 )
ຕໍ່ໄປ ຂ້າພະເຈົ້າຈະສະເໜີຮ້ານອາຫານອີຕາລີອີກຫຼັງໜຶ່ງທີ່ຊື່ວ່າ"ແອນນີ ກາເຟ",ຮ້ານນີ້ຕັ້ງຢູ່ບ່ອນມໍ່ສວນສາທາລະນະຊາວຢາງ ພາກຕາເວັນອອກຂອງນະຄອນປັກກິ່ງ,ມໍ່ກັບເຂດສະຖານທູດ,ຜູ້ກິນສ່ວນຫຼາຍແມ່ນຄົນຕ່າງປະເທດ.
ຮ້ານອາຫານຫຼັງນີ້ຖືກປະດັບປະດາເປັນລັກສະນະຊົນນະບົດ,ຝາເຮືອນໄດ້ທາສີໝາກກ້ຽງ,ໄດ້ປູຜ້າປົກໂຕະຮູບຕາ,ຄົນຮູ້ສຶກມີຄວາມອົບອຸ່ນຄືຢູ່ໃນເຮືອນຕົນເອງ.
ຮ້ານອາຫານຫຼັງນີ້ຕົ້ນຕໍແມ່ນຂາຍປິດຊາ,ມີ 20 ກວ່າຊະນິດ,ແຕ່ລະຊະນິດມີລົດຊາດພິເສດ.ທ່ານເຫີສຽວຕົງ ຜູ້ອຳນວຍການຮ້ານອາຫານນີ້ເວົ້ານຳນັກຂ່າວວ່າ,ອາຫານປະຈຳຮ້ານຂອງພວກເຂົາເຈົ້າແມ່ນ"ປິດຊາແອນນີ". ( 5 )
"ປິດຊາຊະນິດນີ້ແມ່ນຕັ້ງຊື່ຕາມຊື່ຂອງຮ້ານ,ແມ່ນພວກຂ້າພະເຈົ້າປະດິດແຕ່ງເອງ,ຄົນຈີນແລະຄົນຕ່າງປະເທດມັກຫຼາຍ,ເຄື່ອງປຸງແຕ່ງຍັງມີໝູເບຄອນ ໄສ້ກອກ ຊີ້ນໄກ່ແລະໝາກເຜັດແຫ້ງ."
ນອກຈາກປິດຊາແອນນີແລ້ວ,ປິດຊາ 4 ລະດູຂອງຮ້ານນີ້ຜູ້ກິນກໍຊົມເຊີຍຫຼາຍ.ໃນເວລາເຮັດປິດຊາຊະນິດນີ້,ພໍ່ຄົວຍັງຕ້ອງຕື່ມໝາກໂອລີບໃສ່ ສັດທະເລ ໄສ້ກອກອີຕາລີແລະເຫັດ,ໃນເວລາເສີບໃສ່ໂຕະ ຕ້ອງແບ່ງອອກເປັນ 8 ຕອນ,ຈະມີລົດຊາດຕ່າງກັນ.ທ່ານຈ້າງທ່ຽນໂຊ້ ນັກຮ້ອງເພງຜູ້ມີຊື່ສຽງຂອງຈີນກໍແມ່ນຜູ້ນິຍົມຄົນໜຶ່ງ. ( 6 )
"ຮ້ານນີ້ດີຫຼາຍ,ປາແຊ່ວມອນຮົມຄວັນ ຊີ້ນງົວຂົ້ວກັບເຫັດຕັບງົວ ໝີ່ກຸ້ງ ແລະປິດຊາລ້ວນແຕ່ແຊບຫຼາຍ."
ປິດຊາຂອງຮ້ານນີ້ແມ່ນເຮັດດ້ວຍຕົ້ນໄມ້ກິນໝາກຕາມວິທີດັ້ງເດີມຂອງອີຕາລີ,ແລະຂາຍຕາມສັ່ງໄດ້.ນອກນີ້,ຖ້າວ່າຜູ້ໃດສົນໃຈນຳ,ການປຸງແຕ່ງຍັງສາມາດເຮັດປິດຊາດ້ວຍຕົນເອງໃຕ້ການຊີ້ນຳຂອງພໍ່ຄົວ.
ທ່ານຜູ້ຟັງທີ່ໂຄລົບ,ຖ້າວ່າທ່ານມາເຮັດວຽກຫຼືທ່ອງທ່ຽວຢູ່ນະຄອນປັກກິ່ງ,ເມື່ອຢາກຊິມອາຫານອີຕາລີແລ້ວ,ຕ້ອງໄປກິນຢູ່ຮ້ານອາຫານເຫຼົ່ານີ້,ບໍ່ຕ້ອງເສຍເງິນຫຼາຍປານໃດກໍສາມາດຊີມລົດຊາດແຊບໆຂອງອີຕາລີໄດ້.
|
|
|
