|
ຈີນປະກາດບົດລາຍງານໄລ່ລຽງ GDP ທີ່ໄດ້ປັບປຸງຕາມສະພາບເຊື່ອມພິດສິ່ງແວດລ້ອມເປັນຄັ້ງທຳອິດ
cri
Author: cai
ຕາມຂ່າວCRI:ວັນທີ 7 ກັນຍາ,ຈີນໄດ້ປະກາດບົດລາຍງານໄລ່ລຽງ GDP ທີ່ໄດ້ປັບປຸງຕາມສະພາບເຊື່ອມພິດສິ່ງແວດລ້ອມເປັນຄັ້ງທຳອິດ.ບົດລາຍງານດັ່ງກ່າວສະແດງໃຫ້ເຫັນວ່າ,ປີ 2004,ຈີນມີຄວາມເສຍຫາຍດ້ານເສດຖະກິດຍ້ອນການເຊື່ອມພິດສິ່ງແວດລ້ອມເຖິງ 511 ຕື້ 800 ລ້ານຢວນ,ກວມ GDP ໃນປີນັ້ນ 3,05%.
ວັນທີ 7 ກັນຍາ,ຢູ່ປັກກິ່ງ,ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນແລະກົມສະຖິຕິແຫ່ງຊາດຈີນໄດ້ປະກາດບົດລາຍງານດັ່ງກ່າວ,ໃຕ້ສະພາບທີ່ໄດ້ພິຈາລະນາເຖິງຄວາມເສຍຫາຍຍ້ອນການເຊື່ອມພິດສິ່ງແວດລ້ອມ,ບົດລາຍງານດັ່ງກ່າວໄດ້ໄລ່ລຽງຄືນໃໝ່ຕໍ່ຂໍ້ມູນທີ່ກ່ຽວພັນເຖິງ GDP ຂອງຈີນໃນປີ 2004,ພາກສ່ວນທີ່ກ່ຽວຂ້ອງຂອງຈີນໃຊ້ເວລາ 2 ປີຈຶ່ງໄດ້ຂຽນບົດລາຍງານສະບັບນີ້ໃຫ້ສຳເລັດ.
ບົດລາຍງານຊີ້ອອກວ່າ,ອີງຕາມລະດັບເຕັກນິກໃນປະຈຸບັນ,ຢາກປົວແປງການເຊື່ອມພິດສິ່ງແວດລ້ອມທີ່ເກີດຂຶ້ນໃນປີ 2004,ຕ້ອງການເງິນທຶນ 1080 ຕື້ຢວນ,ແຕ່ທຶນທີ່ໃຊ້ເຂົ້າໃນການປົວແປງການເຊື່ອມພິດໃນປີ 2004 ນັ້ນມີແຕ່ 190 ຕື້ຢວນເທົ່ານັ້ນ.
|
|
