|
|
 |
| (GMT+08:00)
2006-09-07 18:12:20
|
 |
|
ອົງການສະຫະປະຊາຊາດປະກາດບົດລາຍງານຮຽກຮ້ອງໃຫ້ປົກປ້ອງສິດທິມະນຸດຂອງຜູ້ຍົກຍ້າຍເພດຍິງ
cri
Author: cai
ຕາມຂ່າວCRI:ວັນທີ 6 ກັນຍາ,ອົງການມູນນິທິປະຊາກອນຂອງສະຫະປະຊາຊາດໄດ້ປະກາດບົດລາຍງານ"ສະພາບປະຊາກອນຂອງໂລກ"ປີ 2006ທີ່ພາດຫົວເລື່ອງວ່າ"ເສັ້ນທາງໄປສູ່ຄວາມຫວັງ:ແມ່ຍິງກັບຜູ້ຍົກຍ້າຍສາກົນ"ຢູ່ລອນດອນແລະນິວຢອກພ້ອມກັນ.
ບົດລາຍງານຂຽນວ່າ,ປະຈຸບັນ,ໃນທົ່ວໂລກລວມມີຜູ້ຍົກຍ້າຍເພດຍິງ 95 ລ້ານຄົນ,ກວມຍອດຈຳນວນຊາວຍົກຍ້າຍປະມານເຄິ່ງໜຶ່ງ.ເຖິງວ່າຊາວຍົກຍ້າຍເພດຍິງໄດ້ປະກອບສ່ວນຢ່າງຫຼວງຫຼາຍເຂົ້າໃນການພັດທະນາເສດຖະກິດແລະສັງຄົມຂອງປະເທດຊາດຂອງຕົນແລະປະເທດທີ່ອາໄສຢູ່ກໍ່ຕາມ,ແຕ່ສິດແລະຜົນປະໂຫຍດຂອງພວກເຂົາເຈົ້າພັດບໍ່ໄດ້ຮັບການຮັບຮອງແລະເອົາໃຈໃສ່ຈາກປະຊາຄົມໂລກ.
ນາງໂຊຣາຢາ ອາຮາເມັດ ໂອໄບດ໌ ປະທານບໍລິຫານງານຂອງມູນນິທິປະຊາກອນສະຫະປະຊາຊາດກ່າວເນັ້ນວ່າ,ບົດລາຍງານຮຽກຮ້ອງໃຫ້ລັດຖະບານແລະສ່ວນບຸກຄົນຮັບຮູ້ເຖິງການປະກອບສ່ວນຂອງຊາວຍົກຍ້າຍເພດຍິງທີ່ມີຕໍ່ສັງຄົມນັ້ນຢ່າງເຕັມທີ່,ຍົກສູງແລະເຄົາລົບສິດທິມະນຸດຂອງພວກເຂົາເຈົ້າ.
|
|
|
