ຕາມ​ຂ່າວ CRI: ງານ​ວາງສະ​ແດງ​ຜະລິດຕະພັນກະສິກຳ​ສີສັນ​ພາກ​ກາງ​ແລະ​ພາກ​ຕາ​ເວັນ​ຕົກ​ຂອງ​ຈີນ​ຄັ້ງປະຖົມມະ​ເລີກ​ຈະ​ຈັດ​ຂຶ້ນຢູ່​ເມືອງ​ສາງ​ຊາ​ ທາງ​ພາກ​ກາງຂອງ​ຈີນ​ແຕ່​ວັນ​ທີ 29 ຕຸ​ລາ​ເຖິງ​ວັນ​ທີ 2 ພະຈິກ​ປີ​ນີ້.

ຫົວ​ຂໍ້ຫຼັກຂອງ​ງານ​ວາງສະ​ແດງ​ເທື່ອ​ນີ້​ແມ່ນ "ກະສິກຳ​ສີສັນ​ໃໝ່ ຊົນນະບົດ​ໃໝ່​ທີ່​ກົມ​ກຽວ​ກັນ", ມີຈຸດປະສົງວາງສະ​ແດງ​ຜະລິດ​ຕະພັນ​ກະສິກຳ​ທີ່​ຄຸນ​ນະພາ​ບດີ​ແລະ​ມີ​ສີ​ສັນ​ພິ​ເສດ​ຂອງ​ຈີນ​ແລະ​ຕ່າງປະ​ເທດ; ຊຸກ​ຍູ້ການ​ໄປມາຫາສູ່​ກັນ​ລະຫວ່າງ​ຕະຫຼາດກະສິ​ກຳ​ຂອງ​ປະ​ເທດ​ຕ່າງໆ.

​ໃນ​ໄລຍະ​ງານ​ວາງສະ​ແດງ, ວິ​ສາ​ຫະກິດ​ກະສິກຳຂອງ​ຈີນ ຣັດ​ເຊຍ​ແລະ​ມາ​ເລ​ເຊຍ​ເປັນ​ຕົ້ນ​ຈະ​ວາງ​ສະ​ແດງ​ອາຫານ​ທີ່​ປອດ​ສານ​ເຄມີ​ ​ອຸ​ປະກອນ​​ແລະ​ກົນ​ຈັກກະ​ເສດ ກາ​ນ​ລ້ຽງ​ສັດ​ແລະ​ການ​ປະມົງ​ເປັນຕົ້ນ. ນອກ​ນີ້, ຍັງຈະຈັດ​ໃຫ້​ມີ​ກິດຈະກຳ​ຕ່າງໆ ​ເຊັ່ນ ຊີມ​ຜະ​ລິດ​ຕະ​ພັນ​ກະ​ສິ​ກຳ​ທີ່​ມີ​ຄຸນ​ນະພາ​ບດີ​​ແລະ​ສີສັນພິ​ເສດ​ ​ປ່ອນ​ບັດ​ຄັດເລືອກຜະລິດ​ຕະ​ພັນ​ກະ​ສິ​ກຳ​ຄຸນ​ນະ​ພາບ​ດີ​ເປັນ​ຕົ້ນ.