ຕາມຂ່າວ CRI: ໃນກອງປະຊຸມຂ່າວທີ່ຈັດຂຶ້ນຢູ່ທີ່ປັກກິ່ງໃນວັນທີ 7 ກັນຍາ, ທ່ານສິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ການເຈລະຈາ 6 ຝ່າຍແມ່ນຊ່ອງທາງບັງເກີດຜົນໃນການແກ້ໄຂບັນຫານິວເຄຼຍໃນແຫຼມເກົາຫຼີໂດຍຜ່ານການເຈລະຈາ, ຈີນອາເມລິກາຈະສືບຕໍ່ພະຍາຍາມ, ແກ້ໄຂສະພາບບໍ່ໄປບໍ່ມາໃນປັດຈຸບັນ, ຊຸກຍູ້ໃຫ້ຟື້ນຟູການເຈລະຈາ 6 ຝ່າຍໂດຍໄວ.
ຕອນບ່າຍວັນທີ 5 ກັນຍາ, ທ່ານຮິວ ຜູ່ຊ່ອຍລັດຖະມົນຕີກະຊວງການຕ່າງປະເທດອາເມລິກາໄດ້ເດີນທາງມາຮອດປັກກິ່ງ. ໃນໄລຍະຢ້ຽມຢາມຢູ່ປັກກິ່ງ, ຈີນອາເມລິກາຕົ້ນຕໍໄດ້ຫາລືບັນຫາການເຈລະຈາ 6 ຝ່າຍ.
ທ່ານສິນກ່າງກ່າວວ່າ, ຝ່າຍຈີນບໍ່ເຫັນດີນຳການລົງໂທດ, ເຫັນວ່າຄວນຜ່ານການເຈລະຈາຢ່າງສັນຕິມາແກ້ໄຂບັນຫານິວເຄຼຍຂອງແຫຼມເກົາຫຼີ, ໃຫ້ແຫຼມເກົາຫຼີປາສະຈາກນິວເຄຼຍ, ປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.
|