|
ເດືອນສິງຫາ ຈີນປະສົບຄວາມເສຍຫາຍດ້ານເສດຖະກິດຍ້ອນໄພທຳມະຊາດເຖິງ60ຕື້ກວ່າຢວນ
cri
ຕາມໜັງສືພິມເຢິນມິນຢື້ປ້າວຂອງຈີນ, ເດືອນສິງຫາປີນີ້,ໄພທຳມະຊາດທີ່ເກີດຂຶ້ນຢູ່ຈີນສ່ວນຫຼາຍແມ່ນໄພແຫຼ້ງແລ້ງ,ລົມໃຕ້ຝຸ່ນແລະໄພນ້ຳຖ້ວມ.ທົ່ວປະເທດຈີນມີ120ລ້ານຄົນປະສົບໄພ,660ກວ່າຄົນເສຍຊີວິດ,ຄວາມເສຍຫາຍດ້ານເສດຖະກິດສູງເຖິງ60ຕື້ກວ່າຢວນ.
ເດືອນສິງຫາ,ແຜ່ນດິນໃຫຍ່ຈີນໄດ້ປະສົບລົມໃຕ້ຝຸ່ນພະພີຣຸນແລະລົມໃຕ້ຝຸ່ນຊາວມາຍ,ໃນນັ້ນ,ຊາວມາຍແມ່ນລົມໃຕ້ຝຸ່ນທີ່ແຮງກວ່າໝູ່ທີ່ພັດຖະຫຼົ່ມແຜ່ນດິນໃຫຍ່ຈີນໃນຮອບ50ປີມານີ້.ແຂວງເຈິ້ຈ່ຽງ,ແຂວງຟູຈ້ຽນແລະແຫ່ງອື່ນໆຂອງຈີນໄດ້ເກີດໄພນ້ຳຖ້ວມ,ຕີນພູເຈື່ອນແລະຫີນແກມຕົມໄຫຼ.
ເດືອນສິງຫາ,ຢູ່ພາກສ່ວນໜຶ່ງຢູ່ພາກຕາເວັນຕົກສຽງໃຕ້,ພາກຕາເວັນອອກຂອງເຂດຕາເວັນຕົກສຽງເໜືອແລະເຂດສ່ວນໜຶ່ງຂອງພາກຕາເວັນອອກສຽງເໜືອມີອຸ່ນຫະພູມສູງແຕ່ຝົນຕົກໜ້ອຍຢ່າງຕໍ່ເນື່ອງ,ເຊິ່ງເຮັດໃຫ້ບາງແຫ່ງປະສົບໄພແຫ້ງແລ້ງ,ໃນນັ້ນ,ນະຄອນຈຸ່ງກິ່ງແລະແຂວງເຊສວນໜັກໜ່ວງກວ່າໝູ່.
|
|
