ຕາມ​ຂ່າວໜັງສືພິມ​ຊາວ​ໜຸ່ມ​ປັກ​ກິ່ງ: ຫວ່າງ​ມໍ່ໆ​ນີ້ ກະຊວງ​ສາທາລະນະ​ສຸກ​ຈີນ​ໄດ້​ດັດ​ແປງ "ວິ​ທີ​ຄຸ້ມ​ຄອງການ​ລາຍ​ງານ​ຂໍ້​ມູນ​ຂ່າວສານ​ກ່ຽວ​ກັບ​ການ​ຕິດຕາມ​​ເຫດການ​ສາທາ​ລະ​ນະ​ສຸກ​ແລະ​ ​ພະ​ຍາດ​ຕິດ​ແປດ​ທີ່​ເກີດ​ຂຶ້ນຢ່າງ​ກະທັນຫັນ", ຮຽກຮ້ອງ​ໃຫ້ຫົວ​ໜ່ວຍ​ແລະ​ບຸກ​ຄົນ​ສ່ວນ​ຕົວ​ໃດໆ​ທີ່ປະກົ​ດ​ເຫັນ​ພະຍາດ​ຕິດ​ແປດ, ຕ້ອງ​ລາຍ​ງານ​​ໃຫ້ຂັ້ນ​ເທີງ​ພາຍ​ໃນ 2 ຊົ່ວ​ໂມງ.

"ວິທີ" ດັ່ງກ່າວ​ກຳນົດ​ໄວ້​ວ່າ, ນາຍໝໍ​​ຊົນນະບົດ​ແລະໝໍເອກະ​ຊົນ​ລ້ວນ​ແຕ່​ມີໜ້າ​ທີ່ຮັບ​ຜິດ​ຊອບ​ລາຍ​ງານ​ພະຍາດ​ຕິດ​ແປດ. ຖ້າ​ປະກົດ​ເຫັນ​ພະຍາດ​ຕິດ​ປອດຫຼືຜູ່​ປ່ວຍ​ທີ່​ຖືກ​ສົງ​ໄສ​​ເປັນ​ພະ​ຍາດ​ຕິດ​​ແປດ, ຄວນ​ລາຍ​ງານ​ໃຫ້​ຂັ້ນ​ເທີ​ງດ້ວຍ​ວິທີໄວທີ່​ສຸດພາຍ​ໃນ​ 2 ຊົ່ວ​ໂມງ. ພາກ​ສ່ວນ​ບໍ​ລິ​ຫານ​ສາທາລະນະ​ສຸກ​ທີ່​ໄດ້​ຮັບ​ການ​ລາຍ​ງານ​ຂໍ້​ມູນ​ຂ່າວສານ​ກ່ຽວ​ກັບ​ເຫດ​ການ​ສາ​ທາ​ລະນະ​ສຸກ​ທີ່​ເກີດ​ຂຶ້ນຢ່າງ​ກະທັນຫັນ, ຄວນ​ລາຍ​ງານ​​ໃຫ້​ອົງການ​ປົກ​ຄອງ​ທ້ອງ​ຖິ່ນ​ຕົນ​ພາຍ​ໃນ 2 ຊົ່ວ​ໂມງ, ​ພ້ອມ​ທັງລາຍ​ງານ​​ໃຫ້ພາກສ່ວນ​ບໍ​ລິ​ຫານ​ສາ​ທາ​ລະ​ນະ​ສຸກ​ຂັ້ນ​ເທີງ​ອີກ​ດ້ວຍ.

ບຸກຄົນ​ທີ່​ກ່ຽວຂ້ອງ​ຊີ້​ອອກ​ວ່າ, "ວິທີ" ສະບັບ​ດັດ​ແປງ​ດັ່ງກ່າວ​ນີ້ຈະ​​ປ້ອງ​ກັນ​ຢ່າງ​ບັງ​ເກີດ​ຜົນ​ແລະ​ຄວບ​ຄຸມຢ່າງ​ທັນ​ການ​ຕໍ່​ໄພ​ຄຸກ​ຄາມ​ຂອງ​​ເຫດການ​ສາທາລະນະ​ສຸກ​ແລະ​ພະ​ຍາດ​ຕິດ​ແປດທີ່​ເກີດ​ຂຶ້ນຢ່າງ​ກະທັນຫັນ​, ຮັບປະກັນ​ສຸກຂະພາບ​ແລະ​ຄວາມ​ປອດ​ໄພ​ດ້ານ​ຊີ​ວິດ​ຂອງ​ສາ​ທາ​ລະນະ​ຊົນ.