ຕາມ​ຂ່າວ​ຈາກກະຊວງ​ການ​ຄ້າ​ຈີນ: ໜັງສືພິມ​ເຍີ່​ນ​ເຍີ່​ນຫວຽດນາມ​ສະບັບ​ວັນ​ທີ 7 ກັນ​ຍາ​ລາຍ​ງານ​ວ່າ, ກອງ​ປະຊຸມ​ຄະນະ​ກຳມະການຮ່ວມ​ສຳຫຼວດຊາຍ​ແດນ​ເທີ​ງບົກ​ຮອບ​ທີ 17 ​ຈີນ​ຫວຽດ​ນາມ​ໄດ້​ຈັດ​ຂຶ້ນຢູ່​ນະຄອນ​ໂຮ​ຈິ​ມິນຂອງ​ຫວຽດນາມ​ແຕ່​ວັນ​ທີ 24 ​ສິງຫາ​ເຖິງ​ວັນ​ທີ 4 ກັນ​ຍາ, ​ແລະ​ໄດ້​ຮັບ​ຜົນ​ເຕັມ​ເມັດ​ເຕັມ​ໜ່ວຍ.

ຂ່າວ​ແຈ້ງວ່າ, ກອງ​ປະຊຸມ​ໄດ້​ຈັດ​ຂຶ້ນ​ໃຕ້​ບັນຍາກາດ​ມິດຕະພາບ​ແລະ​ເປີດ​ອົກ​ເປີດ​ໃຈ, ສອງ​ຝ່າຍ​ໄດ້​ຕີ​ລາຄາ​ສູງ​ຕໍ່​ຜົນງານ​ຂອງວຽກ​ງານ​ສຳຫຼວດ​ແລະປັກຫຼັກ​ຊາຍ​ແດນ​ໃນ​ປີ 2006, ຮຽກ​ຮ້ອງ​ໃຫ້​ໜ່ວຍ​ສຳຫຼວດຮ່ວມ​ຕາງໆ​ຈັດຕັ້ງປະຕິບັດ​ສັນຍາ​ທີ່​ໄດ້​ຕົກລົງ​ກັນ​ຢ່າງ​​ເຄັ່ງ​ຄັດ, ​ເລັ່ງ​ລັດ​ເຮັດ​ວຽກ, ຮັບ​ປະກັນ​ເຮັດຫຼ້ອນໜ້າ​ທີ່​ສຳຫຼວດ​ແລະປັກຫຼັກຊາຍ​ແດນ​ຂອງ​ປີ 2006, ສ້າງ​ພື້ນ​ຖານ​ໃຫ້​ແກ່​ການ​ສຳ​ເລັດ​ວຽກ​ງານ​ສຳຫຼວດ​ແລະປັກຫຼັກ​ຊາຍ​ແດນ​ເທີ​ງບົກ​ຢ່າງຮອບ​ດ້ານ​ໃນ​ປີ 2008 ​ເຊິ່ງ​ແມ່ນ​ຜູ່​ນຳ​ປະ​ເທດ​ທັງ​ສອງ​ສະ​ເໜີ​ອອກ​ມາ.