|
ຈີນໄດ້ຍິງສົ່ງດາວທຽມບົ່ມເພາະແນວພັນ "ຊືຈ້ຽນເລກ 8" ຢ່າງສຳເລັດຜົນ
cri
Author: min
ຕາມຂ່າວສານຊິ່ນຮວາ: ເວລາ 15 ໂມງວັນທີ 9 ກັນຍາ, ຢູ່ສູນສົ່ງດາວທຽມຈິວຊວນ, ຈີນໄດ້ສົ່ງດາວທຽມບົ່ມເພາະແນວພັນ "ຊືຈ້ຽນເລກ 8" ຂຶ້ນສູ່ວົງໂຄຈອນທີ່ກຳນົດໄວ້ກ່ອນດ້ວຍລູກສອນໄຟ"ຊາງເຈິ່ງເລກ 2 ຄ." ຢ່າງສຳເລັດຜົນ.
ຜູ້ຮັບຜິດຊອບຂອງສູນບົ່ມເພາະແນວພັນຂອງສະພາບັນດິດວິທະຍາສາດກະສິກຳຈີນແນະນຳວ່າ, ຢູ່ໃນດາວທຽມໄດ້ບັນທຸກແນວພັນພືດກະສິກຳແລະເຫັດ 2000ກວ່າອັນ 215 ກີໂລຂອງ 9ປະເພດໃຫຍ່,ຄື, ສະບຽງອາຫານ, ຝ້າຍ, ນ້ຳມັນ, ຜັກ, ຕົ້ນໄມ້ກິນໝາກແລະດອກໄມ້ເປັນຕົ້ນ, ຈຳນວນແລະປະເພດແມ່ນຫຼາຍກວ່າໝູ່ແຕ່ຈີນເລີ່ມດຳເນີນການຄົ້ນຄວ້າການການບົ່ມເພາະແນວພັນໃນອະວະກາດເມື່ອປີ 1987 ນີ້. ເມື່ອໄດ້ເກັບຄືນແນວພັນແລ້ວ,ກະຊວງກະສິກຳຈະຈັດຕັ້ງໜ່ວຍງານຄົ້ນຄວ້າວິທະຍາສາດກະສິກຳການຄັດເລືອກແນວພັນ, ບົ່ມເພາະແນວພັນໃໝ່ດີເດັ່ນທີ່ມີຜົນຜະລິດຫຼາຍ, ຄຸນນະພາບດີ, ແລະມີປະສິດທິຜົນສູງ, ແລ້ວໂຄສະນາເຜີຍແຜ່.
|
|
