|
|
 |
| (GMT+08:00)
2006-09-10 18:24:25
|
 |
|
ຮ້ານວາງສະແດງຂອງງານເອກສ໊ໂປຈີນອາຊຽນເກີດມີສະພາບທີ່ຄວາມຕ້ອງການຫລາຍກວ່າການຕອບສະຫນອງ
cri
Author: sayvanny
ຕາມຂ່າວສານຊີນຮວາ: ຫວ່າງມໍ່ໆນີ້ ນັກຂ່າວໄດ້ຊາບຈາກສຳນັກເລຂາງານເອກສ໊ໂປຈີນອາຊຽນວ່າ, ງານເອກສ໊ໂປຈີນອາຊຽນຄັ້ງທີສາມ ມີຮ້ານວາງສະແດງ 3300 ຮ້ານ,ວິສາຫະກິດພາຍໃນແລະຕ່າງປະເທດໄດ້ສະເຫນີຊື່ເຂົ້າຮ່ວມງານວາງສະແດງຢ່າງຄຶກຄຶ້ນ,ຄວາມຕ້ອງການຮ້ານວາງສະແດງໄດ້ຫລາຍກວ່າການສະຫນອງ.
ງານເອກສ໊ໂປຈີນອາຊຽນຄັ້ງທີສາມຈະຈັດຂຶ້ນຢູ່ເມືອງນານນິງ ເຂດປົກຄອງຕົນເອງເຜົ່າຈ້ວງກວງຊີຂອງຈີນແຕ່ວັນທີ 31 ຕຸລາຫາວັນທີ 3 ພະຈິກ.ນັບມາຮອດປະຈຸບັນ, ວິສາຫະກິດແລະອົງການຈັດຕັ້ງຂອງພາຍໃນປະເທດຈີນແລະຕ່າງປະເທດທີ່ສະເຫນີຊື່ເຂົ້າຮ່ວມລວມມີ 1800 ຫລັງ, ຮ້ອງຂໍເອົາຮ້ານວາງສະແດງ 4019 ຮ້ານ.
ທ່ານເສີນອູ ຮອງປະທານເຂດປົກຄອງຕົນເອງເຜົ່າຈ້ວງກວງຊີຈີນເວົ້າວ່າ, ງານ ເອກສ໊ໂປຈີນອາຊຽນຄັ້ງທີ 3 ຈະໂຮມສູນວາງສະແດງສິນຄ້າໃນຂະແຫນງການທີ່ມີທ່າແຮງຂອງ 10 ປະເທດສະມາຄົມປະຊາຊາດອາຊີຕາເວັນອອກສຽງໃຕ້ຫລືອາຊຽນ,ຕົ້ນຕໍມີລົດຍົນແລະເຄື່ອງອາໄລ,ໄມ້,ຜະລິດຕະພັນໄມ້,ຜະລິດຕະພັນຢາງຕັງຕິ້ວ,ນ້ຳມັນປາມແລະຜະລິດຕະພັນນ້ຳມັນປາມ,ຍັງມີເຄື່ອງຫັດຖະກຳແລະຜະລິດຕະພັນກະສິກຳທີ່ມີສີສັນພິເສດຈຳນວນຫນຶ່ງ.
|
|
|
