|
|
 |
| (GMT+08:00)
2006-09-10 18:55:03
|
 |
|
ຈີນມີຄວາມຕັດສິນໃຈອັນໝັ້ນໜຽວໃນການໂຈມຕີການລ່ວງລະເມີດສິດຊັບສິນທາງປັນຍາ
cri
Author: min
ຕາມຂ່າວCRI: ລັດຖະບານຈີນມີຄວາມຕັດສິນໃຈອັນໝັ້ນໜຽວໃນການໂຈມຕີການລ່ວງລະເມີດສິດຊັບສິນທາງປັນຍາ. ຈີນຫວັງໃຫ້ລັດຖະບານແລະວິສາຫະກິດຂອງປະເທດຕ່າງໆສະເໜີຂໍ້ສະເໜີກ່ຽວກັບການສ້າງແລະພັດທະນາລະບອບສິດຊັບສິນທາງປັນຍາຂອງຈີນ, ເພີ່ມທະວີການຕິດຕໍ່ພົວພັນ, ການແລກປ່ຽນ, ແລະການຮ່ວມມືໃນຂົງເຂດສິດຊັບສິນທາງປັນຍາ.
ທ່ານນາງມາຊິ້ວຮົງ ລັດຖະມົນຕີຊ່ອຍວ່າການກະຊວງການຄ້າຈີນໄດ້ເຜີຍໃຫ້ຮູ້ຂ່າວດັ່ງກ່າວໃນງານສຳມະນາເທື່ອໜຶ່ງທີ່ຈັດຂຶ້ນຢູ່ເມືອງເຊ້ຍເມີນ ພາກຕາເວັນອອກສຽງໃຕ້ຂອງຈີນໃນວັນທີ 9 ກັນຍາ.
ນາງແນະນຳວ່າ, ໃນບໍ່ທໍ່ໃດປີມານີ້, ລັດຖະບານຈີນໄດ້ຖືການເພີ່ມທະວີການປະຕິບັດກົດໝາຍເປັນຈຸດສຳຄັນຂອງວຽກງານສິດຊັບສິນທາງປັນຍາ, ໄດ້ໃຊ້ມາດຕະການຕ່າງໆທີ່ຕິດແທດຕົວຈິງແລະບັງເກີດຜົນເພື່ອ, ໂຈມຕີການກະທຳລ່ວງລະເມີດສິດຊັບສິນທາງປັນຍາຢ່າງເຂັ້ມງວດ.
ຕາມໄດ້ຊາບ, ຈີນບໍ່ພຽງແຕ່ໄດ້ອົບຮົມພະນັກງານວິຊາການທີ່ປະຕິບັດກົດໝາຍສິດຊັບສິນທາງປັນຍາ 4 ແສນກວ່າຄົນທໍ່ນັ້ນ, ຍັງໄດ້ພະຍາຍາມຖອດຖອນເອົາບົດຮຽນອັນກ້າວໜ້າຂອງປະເທດອື່ນໆ, ໂດຍສະເພາະແມ່ນປະເທດເອີລົບແລະອາເມລິກາ. ກະຊວງການຄ້າຈີນໄດ້ສ້າງສູນກ່າວຟ້ອງ 50 ແຫ່ງໃນທົ່ວປະເທດແລ້ວ.
|
|
|
