|
|
 |
| (GMT+08:00)
2006-09-11 18:29:27
|
 |
|
ລັດຖະມົນຕີການຕ່າງປະເທດອິສຣາແອນກ່າວວ່າອາດຈະບັນລຸສັນຕິພາບກັບປາເລັສຕິນໂດຍແບ່ງອອກເປັນຂັ້ນຕອນ
cri
Author: sayvanny
ຕາມຂ່າວສານຊີນຮວາ: ຫນັງສືພິມອິດີໂອທາລາໂນສຂອງອິສຣາແອນສະບັບວັນທີ 11 ກັນຍາລາຍງານວ່າ, ວັນທີ 10 ກັນຍາ,ທ່ານນາງລິຟນີ ລັດຖະມົນຕີວ່າການກະຊວງການຕ່າງປະເທດອິສຣາແອນເວົ້າວ່າ, ການປະທະກັນລະຫວ່າງອິສຣາແອນປາເລັສຕິນສາມາດແກ້ໄຂໂດຍແບ່ງອອກເປັນຂັ້ນຕອນ, ເພື່ອບັນລຸສັນຕິພາບຕາເວັນອອກກາງເປັນກ້າວໆ.
ທ່ານນາງລິຟນີເວົ້າວ່າ, ໃນເມື່ອປັດຈຸບັນ,ອິສຣາແອນບໍ່ສາມາດກ້າວເຖິງຂັ້ນເຊັນສັນຍາສັນຕິພາບສຸດທ້າຍກັບປາເລັສຕິນ, ກໍ່ສາມາດພິຈະລະນາການບັນລຸສັນຕິພາບໂດຍແບ່ງເປັນຂັ້ນຕອນ.ທ່ານນາງລິຟນີຍັງເວົ້າວ່າ, ລັດຖະບານປາເລັສຕິນທີ່ນຳພາໂດຍຂະບວນການຕໍ່ຕ້ານອິສຣາມປາເລັສຕິນຫລືຮາມາສຈະສາມາດເຂົ້າຮ່ວມຂະບວນວິວັດສັນຕິພາບອິສຣາແອນປາເລັສຕິນຫລືບໍ່ນັ້ນຊີ້ຂາດຢູ່ນຳເຂົາຮັບເອົາເງື່ອນໄຂ 3 ຂໍ້ທີ່ປະຊາຄົມໂລກສະເຫນີອອກມານັ້ນຫລືບໍ່ຄື ຢຸດຕິການເຄື່ອນໄຫວດ້ວຍກຳລັງຮຸນແຮງ, ຮັບຮອງສິດຊົງຕົວຂອງອິສຣາແອນ,ເຄົາລົບສັນຍາທີ່ສອງຝ່າຍອິສຣາແອນປາເລັສຕິນເຊັນກັນໃນເມື່ອກ່ອນ.
|
|
|
