|
ທ່ານຜູ່ຟັງທີ່ໂຄລົບ, "ອ່າວພາກເໜືອ"ຕັ້ງຢູ່ເຂດຊາຍແດນພາກຕາເວັນຕົກສຽງໃຕ້ຂອງຈີນ. ປັດຈຸບັນ, ການຮ່ວມມືທາງເສດຖະກິດລະຫວ່າງຈີນກັບອາຊຽນໄດ້ເຮັດໃຫ້ຄົນທັງຫຼາຍສົນໃຈນຳເຂດອ່າວພາກເໜືອຫຼາຍກວ່າເກົ່າ. ໃນລາຍ ການແຈ້ງຂ່າວເສດຖະກິດຈີນພາກນີ້, ພວກເຮົາຈະສະເໜີການຮ່ວມມືທາງເສດຖະກິດຢູ່ເຂດອ້ອມອ່າວພາກເໜືອທີ່ນັບມື້ນັບຫຼາຍສູ່ທ່ານຟັງ.
ອ່າວພາກເໜືອແມ່ນອ່າວທະເລທີ່ເປັນຮູບໂຄ້ງ ເຊິ່ງອ້ອມຮອບໂດຍດິນແດນຂອງຈີນຫວຽດໜາມແລະເກາະໄຫຫລຳຈີນ, ເຂດປົກຄອງຕົນເອງເຜົ່າຈ້ວງກວາງຊີຢູ່ລຸ່ມຂອງອ່າວພາກເໜຶອແມ່ນເຂດໜຶ່ງຂອງຈີນມີຊົນເຜົ່າສ່ວນໜ້ອຍຫຼວງຫຼາຍ, ຢູ່ອ້ອມຂ້າງມີ 6 ປະເທດອາຊຽນ, ເຊັ່ນ, ມາເລເຊຍ ອິນໂດເນຊີແລະບຣູໄນເປັນຕົ້ນ. ຄຽງຄູ່ກັບການສ້າງເຂດການຄ້າເສລີຈີນ-ອາຊຽນໄດ້ກ້າວໄປໜ້າຢ່າງບໍ່ຢຸດຢັ້ງ, ເຂດອ່າວພາກເໜືອທີ່ຢູ່ແລວເສດຖະກິດທະເລຂອງຈີນເລີ່ມເຮັດໃຫ້ຄົນທັງຫຼາຍສົນໃຈນຳ.
ຫວ່າງມໍ່ໆມານີ້, ເວທີປາໄສການຮ່ວມມືທາງເສດຖະກິດເຂດອ້ອມອ່າວພາກເໜືອຄັ້ງທຳອິດໄດ້ຈັດຂຶ້ນຢູ່ນະຄອນນານນິງ ເມືອງເທດສະບານຂອງເຂດປົກຄອງຕົນເອງເຜົ່າຈ້ວງກວາງຊີ. ເຈົ້າໜ້າທີ່ ນັກວິຊາການ ຜູ້ຊ່ຽວຊານແລະຕົວແທນຂອງວີສາຫະກິດທີ່ມີຊື່ສຽງ 160 ກວ່າຄົນທີ່ມາຈາກຈີນ ບຣູໄນ ອິນໂດເນເຊຍ ມາເລເຊຍແລະປະເທດອື່ນໆໄດ້ເຂົ້າຮ່ວມກອງປະຊຸມເພື່ອປຶກສາບັນຫາການຮ່ວມມືຢູ່ເຂດອ້ອມອ່າວພາກເໜືອ. ເວທີປາໄສໄດ້ອອກຖະແຫຼງການວ່າ, ເຂດອ້ອມອ່າວພາກເໜືອໃນຖານະເປັນຂົວຂ້າມ ທະເລເຮັດໃຫ້ຈີນຫັບອາຊຊຽນຕິດຈອດ, ຈະຮ່ວມມືກັນຢ່າງສະໜິດແໜັ້ນ ໃນການຂົນສົ່ງວັດສະດຸບໍລິການ ການຜະລິດ ການຄ້າແລະການລົງທຶນເປັນ ຕົ້ນ, ພ້ອມກັນຊຸກຍູ້ເຂດນີ້ເລັງລັດພັດທະນາ.
ໃນເວລາຕ້ອນຮັບການເຂົ້າສຳພາດຂອງນັກຂ່າວ, ທ່ານ ວັນ ເດີ ລິນເດັນ ຜູ້ອຳນວຍການທະນາຄານພັດທະນາອາຊີຫຼື ADB ເວົ້າວ່າ, ທະນາຄານພັດທະນາອາຊີເອົາໃຈໃສ່ທີ່ສຸດຕໍ່ການເພີ່ມສ້າງສິ່ງກໍ່ສ້າງພື້ນຖານໂຄງລ່າງຢູ່ເຂດອ້ອມອ່າວພາກເໜືອ.ທ່ານເວົ້າວ່າ," ການຮ່ວມມືທາງເສດຖະກິດຢູ່ເຂດອ່າວພາກເໜືອມີຄວາມຫວັງສູງ. ສຳລັບເຂດກວາງຊີ, ທະນາຄານພັດທະນາອາຊີພວກຂ້າພະເຈົ້າໄດ້ລົງທຶນສ້າງທາງຫຼວງ, ເຊັ່ນ, ລົງທຶນສ້າງທາງຫຼວງແຕ່ນະຄອນນານນີງຮອດຊາຍແດນຫວຽດໜານ, ທາງເສັ້ນນີ້ສຳຄັນຫຼາຍໃນການເຊື່ອມຕໍ່ລະຫວ່າງຈີນ ຫວຽດໜາມ. ທະນາຄານພັດທະນາອາຊີຍິນດີລົງທຶນໃນແຜນພັດທະນາທາງຫຼວງຫຼືທ່າເຮືອ, ເພື່ອຊຸກຍ້ການພັດທະນາເຂດອ້ອມອ່າວພາກເໜືອ. "
ທາງດ່ວນທີ່ທ່ານວັນ ເດີ ລິນເດີນເວົ້າເຖິງນັ້ນແມ່ນທາງດ່ວນແຕ່ນະຄອນນານນິງ ເມືອງເທດສະບານເຂດປົກຄອງຕົນເອງເຜົ່າຈ້ວງກວາງຊີຫາດ່ານມິດຕະພາບຢູ່ຊາຍແດນຈີນຫວຽດ. ທາງເສັ້ນນີ້ເລີ່ມນຳໃຊ້ໃນເດືອນພະຈິກປີ 2005. ເປັນທາງດ່ວນເສັ້ນທຳອິດທີ່ເຊື່ອມຕໍ່ຈີນກັບປະເທດອາຊຽນ, ເຖິງວ່າມັນຍາວບໍ່ເຖິງ 180 ກິໂລແມັດກໍ່ຕາມ, ແຕ່ພາຍຫຼັງທາງເສັ້ນນີ້ເລີ່ມແລ່ນລົດແລ້ວ, ຂີ່ລົດແຕ່ເມືອງນານນິງໄປຮອດດ່ານມິດຕະພາບໃຊ້ເວລາພຽງສອງຊົ່ວໂມງເທົ່ານັ້ນ, ສັ້ນກວ່າແຕ່ກ່ອນປະມານເຄິ່ງໜຶ່ງ. ສຳຄັນກວ່ານັ້ນແມ່ນ, ທາງເສັ້ນນີ້ໄດ້ເປີດຊ່ອງທາງສາກົນແຕ່ຈີນໄປຫາອາຊີຕາເວັນອອກສຽງໃຕ້, ເຮັດໃຫ້ໄລຍະທາງລະຫວ່າງຈີນກັບອາຊຽນໃກ້ກວ່າເກົ່າຫຼາຍ.
ຕາມສະຖິຕິຂອງດ່ານພາສີ, ພາຍຫຼັງທາງດ່ວນແຕ່ນານນິງຫາດ່ານມິດຕະພາບເປີດບໍລິການແລ້ວ, ຍອດມູນຄ້າສິນຄ້າທີ່ສົ່ງອອກແລະນຳເຂົ້າຈີນໂດຍຜ່ານດ່ານມິດ ຕະພາບນັ້ນໄດ້ເພີ່ມຫຼາຍກວ່າໄລນະດຽວກັນຂອງປີກາຍ 38% , ບັນລຸລະດັບສູງສຸດໃນປະຫວັດສາດ. ທ່ານນາງເຊີນຊຽວຢີ່ງ ຜູ້ຮັບຜິດຊອບພາສີດ່ານມິດຕະພາບບອກນັກຂ່າວວ່າ, ແຕ່ກອ່ນ, ໝາກໄມ້ໄທບໍ່ເຄີຍຜ່ານດ່ານມິດຕະພາບເຂົ້າໄປຈີນຈັກເທື່ອ, ແຕ່ໃນທ້າຍປີກາຍໄດ້ຜ່ານດ່ານມິດຕະພາບເຂົ້າຈີນໄດ້ແລ້ວ.
ນາງເວົ້າວ່າ, " ແຕ່ກ່ອນ, ໝາກໄມ້ທີ່ຈາກໄທນຳເຂົ້າຈີນນັ້ນແມ່ນມາທາງທະເລ, ກິນເວລາອາທິດປາຍ. ຫຼັງຈາກໄດ້ສ້າງທາງຫຼວງສັ້ນນີ້ສຳເລັດແລະໃຫ້ແລ່ນລົດແລ້ວແມ່ນສະດວກແລະວ່ອງໄວທີ່ສຸດ, ຄືຕາມປົກກະຕິແລ້ວ, ໃຊ້ເວລາພຽງແຕ່ສາມຫາຫ້າມື້ເທົ່ານັ້ນ."
ທ່ານເຊີນອູ ຮອງປະທານເຂດປົກຄອງຕົນເອງເຜົ່າຈ້ວງກວາງຊີເວົ້າວ່າ, ເຂດກວາງຊີຈະອອກແຮງຂະຫຍາຍການຂົນສົ່ງທາງບົກລະຫວ່າງຈີນກັບອາຊຽນ. ທ່ານເວົ້າວ່າ, " ພວກຂ້າພະເຈົ້າມີແຜນການດັ່ງນນີ້, ຄື, ທາງລົດໄຟແລະທາງຫຼວງ ເຊິ່ງແຕ່ນະຄອນນານນີງເຂດກວາງຊີຫານະຄອນຫຼວງຮາໂນ້ຍຫວຽດນາມຕ້ອງເຊື່ອມຕິດຕໍ່ກັນຢ່າງແນ່ນອນໃນອະນາຄົດ, ແຕ່ຮາໂນ້ຍຮອດນະຄອນຫຼວງວຽງຈັນ, ຕໍ່ໃສ່ບາງກອກລົງໄປທິດໃຕ້, ຮອດມະເລເຊຍແລະສິງກະໂປ, ປະກອບເປັນເສັ້ນທາງໃຫຍ່ເຊື່ອມນະຄອນນານນີງຫາສິງກະໂປ. ພາຍຫຼັງເສັ້ນທາງເກິດຂຶ້ນແລ້ວ, ຈະມີຜົນດີທີ່ສຸດຕໍ່ການພັດທະນາເສດຖະກິດທາງຜ່ານແລະຕໍ່ການພັດທະນາປະເທດທີ່ຢູ່ລຽບທາງຜ່ານ."
ນອກຈາກການຂົນສົ່ງທາງບົກແລ້ວ, ການຂະຫຍາຍການຂົນສົ່ງວັດສະດຸຜ່ານທ່າກຳປັ່ນຂອງນະຄອນຕ່າງໆທີ່ຢູ່ເຂດອ້ອມອ່າວພາກເໜືອກໍ່ໄດ້ເຂົ້າສູ່ບາດກ້າວໃໝ່. ທ່າຟາງເຊີງແລະທ່າຊີນໂຈວເຂດກວາງຊີພວມສ້າງທ່າເຮືອສະເພາະເພື່ອເປັນທ່າຈອດຕູ້ບັນຈຸສິນຄ້າແລະທາງເດີນເຮືອນ້ຳເລິກ, ພ້ອມກັນນັ້ນ, ກໍ່ປັບປຸງລະບົບການຂົນສົ່ງຮ່ວມລະຫວ່າງທ່າກ່ຳປັ່ນ ທາງລົດໄຟແລະທາງຫຼວງ. ຢ່ອີກູຂ້າງໜຶ່ງຂອງອ່າວພາກເໜືອ, ທ່າກຳປັ່ນໄຊງ່ອນແລະທ່າກຳປັ່ນຮາຍຟອງຂອງຫວຽດນານກໍ່ພວມເລັງການກກໍ່ສ້າງຢູ່. ຝ່າຍທີ່ກ່ຽວຂ້ອງຄາດຄະເນວ່າ, ພາຍໃນ 3 ປີ, ປະລິມານຂົນຖ່າຍສິນຄ້າຂອງທ່າກຳປັ່ນຢູ່ເຂດອ້ອມອ່າວພາກເໜືອຈະບັນລຸ 200 ລ້ານໂຕນ, ຈະກາຍເປັນຕາໜ່າງການຄ້າທີ່ເອົາທ່າກຳປັ່ນເປັນບ່ອນອີງເພື່ອມຸງໜ້າໄປສູ່ອາຊຽນ.
ທ່າແຮງຂອງການຮ່ວມມືທາງເສດຖະກິດຢູ່ເຂດອ້ອມອ່າວພາກເໜືອຍັງຢູ່ບ່ອນວ່າ, ຢູ່ເຂດນີ້ມີແຫຼ່ງທ່ອງທ່ຽວອັນອຸດົມສົມບຸນ. ຫວ່າງມໍ່ໆມານີ້, ຈີນກັບ 9 ນະຄອນຂອງຫວຽດໜາມໄດ້ເຊັນບົດບັນທຶກຄວາມເຂົ້າໃຈເພື່ອການຮ່ວມມືທ່ອງທ່ຽວຢູ່ວົງທ່ອງທ່ຽວອ່າວພາກເໜືອ, ໂດຍຕົກລົງວ່າ, ຈະສ້າງຕະຫຼາດທ່ອງທ່ຽວບໍ່ມີສິ່ງກີດຂວາງໃນເຂດດັ່ງກ່າວ. ປັດຈຸບັນ, ເສັ້ນທາງການທ່ອງທ່ຽວທາງູທະເລແຕ່ທະເລໄປໄຮຂອງຈີນຫາອ່າວຮາລັອງຂອງຫວຽດນາມໃນເຂດອ່າວພາກເໜືອໄດ້ກາຍເປັນເສັ້ນທາງທ່ອງທ່ຽວໄດ້ຜົນຫຼາຍທີ່ສຸດໃນການພັດທະນາເສດຖະກິດແລະການຮ່ວມມືທາງການທ່ອງທ່ຽວລະຫວ່າງຈີນຫວຽດນາມແລ້ວ.
ທ່ານຊາວຢຸ້ນຊູ ຮອງຫົວໜ້າຫ້ອງການພັດທະນາພາກຕາເວັນຕົກຂອງລັດຖະບານຈີນເຫັນວ່າ, ການພັດທະນາຮ່ວມມືທາງເສດຖະກິດຢູ່ເຂດອ້ອມອ່າວພາກເໜືອມີຄວາມໝາຍສຳຄັນທີ່ສຸດຕຕໍ່ການພັດທະນາເຂດພາກຕາເວັນຕົກຂອງຈີນ.
ທ່ານເວົ້າວ່າ, " ເພາະວ່າ, ອ່າວພາກເໜືອແມ່ນທາງອອກສູ່ທະເລແຫ່ງດຽວຢູ່ເຂດພາກຕາເວັນຕົກຈີນ. ປັດຈຸບັນ, ເບິ່ງໄປແລ້ວ, ເງື່ອນໄຂໃນດ້ານທ່າກຳປັ່ນແລະຄົມະນາຄົມຂົນສົ່ງຢູ່ແຫ່ງນີ້ຍັງບໍ່ທັນພຽງພໍ. ສະນັ້ນ, ການສ້າງເຂດເສດຖະກິດເຂດອ້ອມອ່າວພາກເໜືອໃຫ້ດີນັ້ນແມ່ນສຳຄັນທີ່ສຸດຕໍ່ການພັດທະນາພາກຕາເວັນຕົກຈີນ."
ນັກວິເຄາະເຫັນວ່າ, ໃນຕໍ່ໜ້າ, ການຮ່ວມມືທາງເສດຖະກິດຢູ່ເຂດອ້ອມອ່າວພາກເໜືອຄວນເສີມຂະຫຍາຍບົດຍາດຂອງຊ່ອງທາງທະເລຫຼາຍກວ່າເກົ່າ, ເພີ່ມການຮ່ວມມືຂົນສົ່ງວັດສະດຸຢູ່ທ່າກຳປັ່ນແລະແບ່ງງານຕາມຂະແໜງການ, ເພື່ອຊຸກຍູ້ການຄ້າແລະການລົງທຶນລະຫວ່າງຈີນກັບປະເທດອາຊຽນ; ພ້ອມກັນນັ້ນ, ຕ້ອງຮ່ວມມືພັດທະນາຊັບພະຍາກອນທາງທະເລ, ເລັ່ງພັດທະນານະຄອນທີ່ຢູ່ແຄມທະເລ. ສຳລັບຈີນກັບປະເທດທີ່ກ່ຽວຂ້ອງຂອງອາຊຽນແລ້ວ, ນີ້ຈະແມ່ນທາງເລືອກທີ່ຕ່າງຝ່າຍຕ່າງມີຜົນປະໂຫຍດ.
|
