|
|
 |
| (GMT+08:00)
2006-09-12 17:03:58
|
 |
|
ກຳປູເຈຍກຽມໃຫ້ເດັກນ້ອຍທັງຫມົດເຂົ້າໂຮງຮຽນຟີໃນປີ 2015
cri
Author: sayvanny
ຕາມຂ່າວຈາກເວັບໄຊຂອງຂ່າວສານຊີນຮວາ: ຫນັງສືພິມຮວາຊ່າງຢື້ປ້າວຂອງກຳປູເຈຍສະບັບວັນທີ 12 ກັນຍາລາຍງານວ່າ, ລັດຖະບານກຳປູເຈຍໄດ້ກຳນົດເປົ້າຫມາຍໃຫ້ເດັກນ້ອຍທັງຫມົດເຂົ້າໂຮງຮຽນຟີໃນປີ 2015,ພ້ອມກັນນັ້ນກຽມຫລຸດອັດຕາກຶກຫນັງສືຂອງຜູ່ໃຫຍ່ໃຫ້ຫນ້ອຍລົງຢ່າງຫລວງຫລາຍ.
ວັນທີ 11 ກັນຍາ,ໃນກອງປະຊຸມກ່ຽວກັບບັນຫາຍິງຊາຍສະເຫມີພາບກັນໃນຂົງເຂດການສຶກສາຂອງພາກພື້ນອາຊີອາຄະເນແລະອະນຸພາກພື້ນອາຊີໃຕ້ທີ່ຈັດຂຶ້ນຢູ່ພະນົມເປັນ,ເລຂາທິການລັດຖະການຂອງກະຊວງສຶກສາທິການກຳປູເຈຍເວົ້າວ່າ, ລັດຖະບານກຳປູເຈຍພວມພະຍາຍາມສ້າງໂຮງ ຮຽນໃຫມ່ຢູ່ບ່ອນມໍ່ເຂດຄຸ້ມເຮືອນຢູ່,ເພື່ອສ້າງຄວາມສະດວກໃຫ້ແກ່ເດັກຍິງເຂົ້າໂຮງຮຽນ,ຊ່ອຍຍົກອັດຕາເຂົ້າໂຮງຮຽນຂອງເດັກຍິງໃຫ້ສູງຂຶ້ນ.ນອກນີ້,ລັດຖະບານຍັງຈະໃຫ້ບູລິມະສິດແກ່ຜູ່ຍິງ, ເຮັດໃຫ້ຜູ່ຍິງມີໂອກາດເປັນຄູສອນໃນໂຮງຮຽນປະຖົມແລະໂຮງຮຽນມັດທະຍົມ.
ກອງປະຊຸມເທື່ອນີ້ຈັດເປັນເວລາຫນຶ່ງມື້, ຜູ່ແທນຂອງກຳປູເຈຍ ຈີນ ສ.ເກົາຫລີ ຍີ່ປຸ່ນ ຫວຽດນາມ ລາວ ບັງກຼາເດັດແລະອົງການຢູເນສໂກສະຫະປະຊາຊາດໄດ້ເຂົ້າຮ່ວມກອງປະຊຸມເທື່ອນີ້.
|
|
|
