|
|
 |
| (GMT+08:00)
2006-09-12 18:21:00
|
 |
|
ອົງການກອງທຶນເງິນຕາສາກົນເຫັນໄປໃສແງ່ດີຕໍ່ເສດຖະກິດຈີນ
cri
Author: sayvanny
ຕາມຂ່າວສານຊີນຮວາ: ວັນທີ 11 ກັນຍາ ,ອົງການກອງທຶນເງິນຕາສາກົນໄດ້ປະກາດບົດລາຍງານປະເມີນເສດຖະກິດຈີນປະຈຳປີ,ເຫັນວ່າ,ຖ້າຄວາມສ່ຽງແລະສິ່ງທ້າທາຍຍາງຢ່າງທີ່ເສດຖະກິດຈີນປະເຊີນໃນສະເພາະ ຫນ້ານີ້ໄດ້ຮັບການແກ້ໄຂ, ເສດຖະກິດຈີນຍັງຄົງຈະມີອະນາຄົດອັນດີງາມ.
ບົດລາຍງານກ່າວວ່າ, ເຈົ້າຫນ້າທີ່ຂອງອົງການກອງທຶນເງິນຕາສາກົນໄດ້ຕີລາຄາສູງຕໍ່ຜົນງານທີ່ລັດຖະບານຈີນໄດ້ຮັບໃນການຮັກສາໃຫ້ເສດຖະ ກິດເຕີບໂຕຢ່າງວ່ອງໄວ.ອົງການກອງທຶນເງິນຕາສາກົນຄາດວ່າ, ປີນີ້ ອັດຕາເຕີບໂຕຂອງເສດຖະກິດຈີນຈະຮັກສາຢູ່ປະມານ 10%.
ແຕ່ບົດລາຍງານກໍ່ຊີ້ອອກວ່າ, ບັດຖະບານຈີນຕ້ອງການໃຊ້ມາດຕະ ການຄວບຄຸມການເຕີບໂຕຂອງເສດຖະກິດ, ເພື່ອຫລີກເວັ້ນບໍ່ໃຫ້ເສດຖະກິດເກີດມີຮອບຈະລີນຮຸ່ງເຮືອງແລະຊຸດໂຊມ.ບົດລາຍງານເຫັນດີນຳຍຸດທະສາດປະຕິຮູບເສດຖະກິດໄລຍະກາງຂອງລັດຖະບານຈີນ,ໂດຍສະເພາະແມ່ນນະໂຍບາຍທີ່ເຮັດໃຫ້ການເຕີບໂຕຂອງເສດຖະກິດຈາກການອາໃສການລົງທຶນແລະການຂາອອກຫລາຍເກີນໄປນັ້ນຫັນມາເປັນການອາໃສນຳການບໍລິໂພກ.
ບົດລາຍງານກ່າວເນັ້ນວ່າ, ເຈົ້າຫນ້າທີ່ສ່ວນຫລາຍຂອງອົງການກອງ ທຶນເງິນຕາສາກົນເຫັນວ່ານະໂຍບາຍຂອງລັດຖະບານຈີນທີ່ຍຶດຫມັ້ນຊຸກຍູ້ການປ່ຽນແປງຂອງອັດຕາແລກປ່ຽນເງິນຕາດ້ວຍວິທີຄ່ອຍເປັນຄ່ອຍໄປແລະຄວບຄຸມໄດ້ນັ້ນແມ່ນເຫມາະສົມ.
|
|
|
