ສະຖານີວິທະຍຸສາກົນແຫ່ງປະເທດຈີນພະແນກພາສາລາວ
1/block/ad_banner _21.htm" -->
China Radio International
ຂ່າວ​ພາຍ​ໃນ​
  ປະ​ເທດ
ຂ່າວ​ຕ່າງປະ​ເທດ
   ການເມືອງ
   ເສດຖະກິດ
   ວັດທະນະທຳ
   ສັງຄົມ
   ຮຽນພາສາຈີນ

ຄວາມຈິງ 14 ມີນາຕິເບດ

ປາເລັສຕິນອິສຣາແອນ

ສະຖານະການອິຣັກ

ງານກິລາໂອລິມປິກ
ປັກກິ່ງປີ2008
ອ່ານຕໍ່...>>
(GMT+08:00) 2006-09-12 18:43:17    
ມີນ້ຳ​ແລ້ວ​ກໍ​ມີ​ທຸກ​ສິ່ງ​ທຸກ​ຢ່າງ(ສຽງ)

cri Author: sayvanny

       

ໜອງໂຊຊີຫູ                            ແມ່ນ້ຳຮວງພູຈຽງ 

ເມື່ອ​ເວົ້າ​ເຖິງ​ນ້ຳ,ຫຼາຍໆຄົນ​ກໍ​ຈະ​ຄຶດ​ຮອດ​ສັບພະ​ຄຸນ​ຂອງ​ນ້ຳ.

ນ້ຳຖືກ​ເອີ້ນ​ເປັນ​ໂລຫິດ​ຂອງ​ອຸດສາຫະກຳ. ນີ້​ແມ່ນ​ຍ້ອນ​ວ່າ​ນ້ຳ​ໄດ້​​ເຂົ້າຮ່ວມ​ຂອດ​ສຳຄັນ​ຕ່າງໆ​ໃນ​ການ​ຜະລິດ​ຂອງ​ວິ​ສາ​ຫະກິດ​ອຸດສາ​ຫະກຳ​ແລະ​ບໍ່​ແຮ່,​ໄດ້​​ເສີມ​ຂະຫຍາຍ​ບົດບາດ​ສຳຄັນ​ໃນ​ການ​ຜະລິດ,ປຸງ​ແຕ່ງ,​ລົດ​ຄວາມ​ຮ້ອນ,ຟອກ​ນ້ຳຟອກ​ອາກາດ,ປັບ​ອາກາດ​ແລະຊັກ​ຟອກ​ເປັນຕົ້ນ. ຕົວຢ່າງ​ຄື,ຢູ່​ໂຮງງານ​ຂາງ​ແລະ​ເຫຼັກກ້າ,ອາ​ໃສ​ນ້ຳມາ​ເຮັດ​​ໃຫ້​ອຸນຫະພູມ​ຕ່ຳລົງ​ເພື່ອ​ຮັບປະກັນ​ການ​ຜະລິດ; ການ​ໜີບ​ເຫຼັກກ້າ​ໃຫ້​ເປັນ​ອຸປະກອນ​ເຫຼັກກ້າ,ຕ້ອງ​ໃຊ້​ນ້ຳມາ​ເຮັດ​ໃຫ້​ມັນ​ເຢັນ​ລົງ; ຂີ້​ຝຸ່ນ​ສ່ວນ​ໜຶ່ງ​ໃນ​ເຕົາ​ຕ້ອງ​ອາ​ໃສ​ນ້ຳມາ​ເກັບກຳ; ຢູ່​ໃນ​ເຕົາ​ຍິ່ງປາສະ​ຈາກ​ນ້ຳບໍ່​ໄດ້, ​ຜະລິດ​ເຫຼັກ​ກ້າ​ໜຶ່ງໂຕນ​​ຕ້ອງ​ໃຊ້​ນ້ຳປະມານ 25 ​ໂຕນ. ຢູ່​ໂຮງງານ​ຜະລິດ​ເຈ້ຍ,ນ້ຳ​ແມ່ນ​ຢາ​ແຍກ​ທາດ,ສື່​ຊັກ​ຟອກ​ແລະ​ຂົນ​ສົ່ງ​ແລະ​ເປັນນ້ຳ​ລະລາຍ​ຢາ,ຜະລິດ​ເຈ້ຍ​​ໜຶ່ງໂຕນ​ຕ້ອງ​ໃຊ້​ນ້ຳ 450 ​ໂຕນ. ຢູ່​ໂຮງ​ງານ​ຜະລິດ​ໄຟຟ້າ​ດ້ວຍ​ແຮງ​​ໄຟ,ຕ້ອງ​ໃຊ້​ນ້ຳ​ຢ່າງ​ຫຼວງ​ຫຼາຍ​ມາ​ລົດ​ຄວາມ​ຮ້ອນ,ພ້ອມ​ກັນນັ້ນ ກໍ​ຕ້ອງ​ສິ້ນ​ເປືອງ​ນ້ຳສ່ວນ​ໜຶ່ງ. ຢູ່​ໂຮງງານ​ຜະລິດ​ເຄື່ອງກິນ,ການຄັ້ນ​ແປ້ງ,ຕົ້ມກັ່ນ,ຕົ້ມ​ໃຫ້​ຟົດ,​ເອືອບ​ແລະ​ໝັກ​ເຊື້ອ,ລ້ວນ​ແຕ່​ປາສະຈາກ​ນ້ຳບໍ່​ໄດ້,​ນ້ຳຊິ​ອິວ,​ນ້ຳສົ້ມ,​ນ້ຳອັ​ດລົມ​ແລະ​ເບຍ​ເປັນຕົ້ນກໍ​ແມ່ນ​ນ້ຳ.

       

ຟອງໃຫຍ່ແມ່ນ້ຳສຽນຖາງ                   ຈອມພູຫິມະຈູມູລັງມາ      


ມະນຸດ​ເຮົາ​ໄດ້​ປະກົດ​ເຫັນ​​ນ້ຳມີ​ກຳລັງ​ຟູມາ​ແຕ່​ດົນ​ແລ້ວ,ສະນັ້ນ ​ເຮືອ​ກໍ​ໄດ້​ກຳ​ເນີ​ດເກີດ​ຂຶ້ນ,ຈາກ​ແພ​ໜັງ​ແກະ​ອັດ​ລົມ,ຮອດ​ເຮືອພາຍ,​ເຮືອ​ໃບ​ສວຍ​ງາມ​ທີ່ອາ​ໃສ​ແຮງ​ລົມ,ຮອດ​ກ່ຳ​ປັ່ນ​ໃຫຍ່​ທີ່​ບັນທຸກ​ພັນ​ຄົນ,ກ່ຳ​ປັ່ນ​ບັນທຸກ​ເຮືອ​ບິນ​ດ້ວຍ​ພະລັງ​ນິວ​ເຄຼຍ. ນ້ຳ​ໄດ້​​ແຍກ​ແຜ່ນດິນ​ອອກຢ່າງ​ໄຮ້​ຄວາມ​ປານີ,​ແຕ່​ເຮືອ​ພັດ​ເຮັດ​ໃຫ້​ໂລກ​ເຊື່ອມ​​ໂຍງ​ກັນ​ຢ່າງ​ແໜ້ນ​ແຟ້ນ. ​ໃນ​ສະ​ໄໝ​ລາຊະວົງ​ໝິງ​ຂອງ​ຈີນ ທ່ານ​ເຈີງ​ເຮີ​ເຄີຍ​ນຳພາ​ຂະ​ບວນ​ເຮືອ​ອັນ​ມະຫາສານ​ເດີນທະ​ເລທາງ​ໄກ 7 ​ເທື່ອ,​ໄກ​ທີ່​ສຸດ​ເຄີຍ​​ໄປຮອດ​ແຖວ​ໂຊ​ມາລີ​ຂອງ​ອາ​ຟິຼກາ. ການ​ຂົນ​ສົ່ງ​ທາງນ້ຳ​​ຖືກ​ກວ່າ​ການ​ຂົນ​ສົ່ງ​ທາງຫຼວງ​ແລະ​ທາງ​ລົດ​ໄຟ,ປະລິມານ​ຂົນ​ສົ່ງ​ກໍຫຼາຍ,ການ​ເດີນ​ເຮືອ​ກໍ​ທຸ່ນທ່ຽງ,​ທາງນ້ຳ​ຍັງ​ແມ່ນ​ທາງ​ຂົນ​ສົ່ງ​ທີ່​ບໍ່ຫ່ອນ​ຖືກ​ລະ​ເບີດ​ຂາດ. ບໍ່​ໜຳ,ຢູ່​ບາງແຫ່ງ​ແມ່ນ​ສ້າງ​ທາງ​ບໍ່​ໄດ້,ມີ​ແຕ່​ອາ​​ໃສ​ການ​ຂົນ​ສົ່ງ​ທາງນ້ຳ. ​ສະນັ້ນ ​ໃນ​ຂະ​ແໜງ​ການ​ຂົນ​ສົ່ງ,ປະລິມານ​ຂົນ​ສົ່ງ​ຜູ້​ໂດຍສານ​ແລະ​ສິນຄ້າ​ຂອງ​ການ​ຂົນ​ສົ່ງທາງ​ນ້ຳ​ລ້ວນ​ແຕ່​ກວມ​ມາດຕາ​ສ່ວນຫຼາຍ​ທີ່​ສຸດ. ການ​ພັດທະນາ​ການ​ຂົນ​ສົ່ງ​ທາງນ້ຳ,​​ໄດ້​ເຮັດ​ໃຫ້​ເສດຖະກິດ​ຈະ​ເລີ​ນຮຸ່ງ​ເຮືອງ,ຍັງ​ໄດ້​ເຮັດ​ໃຫ້​ທ່າ​ກ່ຳ​ປັ່ນ​ບາງ​ແຫ່ງ​ເຊັ່ນ​ຊຽງ​ໄຮ້,ທຽນ​ສິນ,ຮົງ​ກົງ,ນິວຢອກ​ແລະລັອກ​ແຕກ​ດາມເປັນຕົ້ນກາຍ​ເປັນ​ຕົວ​ເມືອງໃຫຍ່​ລະດັບ​ໂລກ.


       

ທະເລເມກພູຮວງຊານ                ດອກໄຟນ້ຳແຂງ


ທັດສະນີ​ຍະສະ​ຖານ​ແລະ​ປູຊະນີຍະສະຖານ​ຕ່າງໆສ່ວນຫຼາຍ​ແມ່ນ​ຖື​ນ້ຳ​ເປັນ​ພະ​ເອກ. ຕົວຢ່າງ​ຄື​ຟອງ​ໃຫຍ່​ແມ່ນ້ຳສຽນ​ຖາງ,ຈອມພູ​ຫິມະ​ຈູ​ມູລັງ​ມາ,ນ້ຳໝອກ​ຂອງ​ພູ​ລູຊານ,ທະ​ເລ​ເມກ​ຂອງ​ພູ​ຮວງ​ຊານ,ດອກ​ໄຟ​ນ້ຳ​ແຂງ​ຂອງ​ເມືອງ​ຮາ​ເອີ​ປິນລ້ວນ​ແຕ່​ແມ່ນ​ນ້ຳທີ່​ປ່ຽນ​ຮູບ​ແລ້ວ. ຖ້າ​ສັງ​ເກດ​ຈາກ​ສາຍຕາ​ທໍລະນີສາດ​ແລ້ວ​ເຫັນ​ວ່າ,ພູ​ເຂົາ​ຂອງ​ເມືອງ​ກູ​ຍລິນ​ທີ່ຕັ້ງສະຫງ່າ,ປ່າ​ຫີນ​ທີ່​​ແປກ​ປະຫຼາດຂອງ​​ແຂວງ​ຢູນນານ,ຮອຍ​ແຕກ​ເປັນ​ພັນ​ເປັນໝື່ນ​ຂອງ​ພູ​ພຽງ​ດິນ​ເຫຼືອງ,ຫີນ​ຢູຮວາ​ຊືທີ່​ສວຍງາມ,ບ່ອນ​ໃດ​ກໍ​​ແມ່ນ​ຜົນງານ​ຂອງ​ນ້ຳ. ​ເມືອງ​ເວນ​ນິວສ໌,​ເມືອງຊູ​ໂຈ​ວ,​ເມືອງ​ຈີ​ນານ​ແລະ​ເມືອງ​ເຢຢາງ​ລ້ວນ​ແຕ່​ມີ​ຊື່​ສຽງ​ຍ້ອນ​ນ້ຳ,ໜອງ​ຊີ​ຮູ​ຂອງ​ເມືອງ​ຮາງ​ໂຈ​ວ,ໜອງ​ໂຊ​ຊີ​ຫູ​ຂອງ​ເມືອງ​ຢາງ​ໂຈ​ວ,ໜອງ​ຄຸນ​ມິ​ງຫູ​ຂອງ​ປັກ​ກິ່ງ,ສາມ​ເມືອງ​ຂອງ​ນະຄອນ​ອູ​ຮານ,​ແມ່ນ້ຳຮວງ​ພູ​ຈຽງ​ຂອງ​ນະ​ຄອນ​ຊຽງ​ໄຮ,​ແມ່ນ້ຳຈູ​ຈຽງ​ຂອງ​ນະຄອນ​ກວາງ​ໂຈ​ວ,ລ້ວນ​ແຕ່​ມີ​ສິ່ງ​ແວດ​ລ້ອມອັນ​ສວຍ​ງາມ​ຍ້ອນ​ນ້ຳ. ​ໃນ​ຊູ່​ມື້​ນີ້,ອ່າງ​ເກັບ​ນ້ຳ​​ແລະ​ຄອງ​ເໝືອງໄດ້​ກາຍ​ເປັນ​ບ່ອນ​ພັກຜ່ອນ​ອັນ​ສຳຄັນ​ຂອງ​ຄົນ​ທັງຫຼາຍ;ນ້ຳພຸ​ທຽມ,​ໂມງ​ນ້ຳ​​ແຈ້ງ​ເວລາ​ໄດ້​ກາຍ​ເປັນ​ທິວ​ທັດທີ່​ຈັບ​ໃຈ​ຄົນ​ກວ່າ​ໝູ່; ການ​ລອຍນ້ຳ,​ໂຕນ​ນ້ຳ,​ເຊີ​ຟ​ໄຣດິງແລະ​ພາຍ​ເຮືອ​ແມ່ນ​ກິລາ​ເທິງ​ນ້ຳທີ່​ຄົນ​ທັງຫຼາຍນິຍົມ​ຊົມ​ຊອບ​ກວ່າ​ໝູ່.


       

    ປ່າຫີນ                              ຫີນຢູຮວາຊື 


​ໃນ​ສິ່ງ​ແວດ​ລ້ອມ​ທຳ​ມະ​ຊາດແລະ​ສະພາບ​ແວດ​ລ້ອມ​ສັງຄົມ,ນ້ຳລ້ວນ​ແຕ່​ແມ່ນ​ປັດ​ໄຈ​ທີ່​ສຳຄັນ​ແລະ​ຄຶກຄັກ​ທີ່​ສຸດ. ນ້ຳ​ໃສພູງາມ,ດອກ​ໄມ້​ສົ່ງ​ກິ່ນ​ຫອມ,ນົກ​ຮ້ອງ​ນັນ​ແຊວ,ດິນ​ຟ້າ​ອາກາດ​ດີ,ຜົນ​ເກັບ​ກ່ຽວ​ອຸດົມສົມບູນ​ແມ່ນ​ສິ່ງ​ທີ່​ມະ​ນຸດ​ເຮົາ​ສະ​ແຫວ​ງຫາ,​ແລະກໍ​ແມ່ນ​ໝາກຜົນ​ທີ່​ມະນຸດ​ເຮົາ​ອອກ​ແຮງ​ງານ​ປະດິດ​ສ້າງ​ແລະ​ຮັກ​ຫອມ​ຢ່າງ​ພຽນ​ໃຈ. ນ້ຳ​ໄດ້ຫຼັ່ງ​ໄຫຼຢ່າງບໍ່​ຢຸດ​ບໍ່​ເຊົາ,ໃນ​ຮ່າງກາຍ​ຄົນ,ຢູ່​ນາ​ສວນ,ຢູ່​ໂຮງງານ,​ນ້ຳ​ໄດ້ເຮັດ​ໃຫ້​ໂລກ​ເຕັມ​​ໄປ​ດ້ວຍ​ພະລັງ​ຊີວິດແລະຊີວິດ​ຊີວາ​​,ສິ່ງ​ເປິ​ເປື້ອນຖືກ​ນ້ຳ​ເຊາະ​ໄຫຼ​ໄປ,​ເປື່ອ​ຍ​ເນົ່າ​ລະລາຍ,​ແລ້ວ​ຖືກ​ທຳ​ມະ​ຊາດ​ຮັບ​ເອົາ. ​ແຕ່​ວ່າ,ນ້ຳຫຼາຍ​ເກີນ​ໄປ,ໜ້ອຍ​ເກີນ​ໄປ,​ເປິ​ເປື້ອນ​ແລ້ວ​ກໍ​ຈະ​ພາ​ໃຫ້​ເກີດ​ມີຄວາມ​ບໍ່​ກົມກຽວ​ກັນຫຼາຍທີ່ສຸດ. ​ນ້ຳນອງ​ນ້ຳຖ້ວມ,ພາ​ໃຫ້​ແຜ່ນດິນ​ກໍ​ແລ່ນ​ເຮືອ​ໄດ້; ນ້ຳໜ້ອຍ​ເກີນ​ໄປ,​ເກີດ​​ໄພແຫ້ງ​ແລ້ງ,ພືດ​ພັນ​ທັນ​ຍາ​ຫານ​ໃນ​ນາ​ສວນ​ກໍ​ຈະຫ່ຽວ​ແຫ້ງ; ນ້ຳ​ເປິ​ເປື້ອນ​ເນົ່າ​​ເໝັນ,ທັງ​ໝົດ​ເຫຼົ່ານີ້​ລ້ວນ​ແຕ່​ແມ່ນ​ສິ່ງ​ທີ່​ພວກ​ເຮົາ​ບໍ່​ຢາກ​ເຫັນ,​ແຕ່​ວ່າ​ມັນ​ພັດມີ​ຢູ່​ຕົວ​ຈິງ,ຕ້ອງການ​ໃຫ້​ພວກ​ເຮົາ​ປະຕິບັດ​ຕໍ່​ຢ່າງ​ຕັ້ງໜ້າ. ສະນັ້ນ ຫຼາຍໆຄົນ​ຈຶ່ງໄດ້​ປຽບທຽບ​ວ່າ​ເມື່ອ​ມີນ້ຳກໍຈະ​ມີ​ທຸກ​ສິ່ງ​ທຸກ​ຢ່າງ.

   

    ໜອງຊີຮູ                    ພູເຂົາຂອງເມືອງກູຍລິນ

       

ນ້ຳໝອກຂອງພູລູຊານ                       ແມ່ນ້ຳຈູຈຽງ