|
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ້ຟັງທີ່ເຄົາລົບ,ລາຍການ"ຂົວທາງອາກາດ"ໄດ້ວຽນມາພົບກັບທ່ານອີກຕາມເຄີຍ,ມື້ນີ້ດວງພະຈັນເປັນຜູ້ຈັດລາຍການ.ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນ້ອງອ່ອນຄຳ ອິນແສງ ທີ່ບ້ານໂພທອງ ເມືອງບຸນໃຕ້ ແຂວງຜົ້ງສາລີ.ຈົດໝາຍຂອງນ້ອງທີ່ມີ12ໃບນັ້ນໄດ້ສະແດງຄວາມຄິດຄວາມເຫັນຂອງນ້ອງອ່ອນຄຳນັບແຕ່ນ້ອງໄດ້ຟັງລາຍການຂອງວິທະຍຸCRIພວກເຮົາມານີ້.ເມື່ອໄດ້ອ່ານຈົດໝາຍສະບັບນີ້,ພວກເຮົາທັງຮູ້ສຶກດີໃຈທັງຮູ້ສຶກພາກພູມໃຈ
ໃນຈົດໝາຍ,ນ້ອງອ່ອນຄຳ ອິນແສງຂຽນວ່າ,ນ້ອງກໍ່ແມ່ນຜູ້ໜຶ່ງເຊິ່ງເປັນພົນລະເມືອງລາວທີ່ຕິດຕາມຮັບຟັງວິທະຍຸCRIຂອງພວກອ້າຍເອື້ອຍມາໂດຍຕະຫຼາດ,ແຕ່ບໍ່ເຄີຍຂຽນຈົດໝາຍມາເຖິງCRIພາກພາສາລາວຈັກເທື່ອ,
ເທື່ອນີ້ເປັນເທື່ອທຳອິດ.ໃນຄວາມຮູ້ສຶກແລະຄວາມເຂົ້າໃຈຂອງນ້ອງຕໍ່CRIແມ່ນສະຖານີວິທະຍຸແຫ່ງໜຶ່ງທີ່ເປັນແຫ່ງສື່ຂໍ້ມູນຂ່າວສານ,ສື່ຄວາມຮູ້ໃຫ້ແກ່ນ້ອງກໍ່ຄືເພື່ອນມິດ
ນ້ອງອ່ອນຄຳແມ່ນຂຽນຈົດໝາຍມາຫາພວກເຮົາເປັນເທື່ອທຳອິດ,ນ້ອງໄດ້ຝາກໃບຕອບຄຳຖາມການເສັງຄວາມຮູ້ຂອງພວກເຮົາ,ແລະໄດ້ບັນລະຍາຍຄວາມຮູ້ອັນເລິກເຊິ່ງຂອງນ້ອງຕໍ່ຄຳຖາມທຸກຂໍ້,ນ້ອງຍັງບອກວ່າ:ຢູ່ເຂດຊົນນະບົດທ້ອງຖິ່ນທີ່ນ້ອງຮູ້ຈັກໃນຫຼາຍເມືອງ ບ້ານທີ່ນ້ອງໄດ້ລົງເຄື່ອນໄຫວວຽກງານມາຫຼາຍປີກໍ່ຮັບຮູ້ໄດ້ວ່າ,ມີຫຼາຍຄົນທັງຊາວໜຸ່ມ ນັກຮຽນແລະເຖົ້າແກ່ອາວຸໂສໄດ້ພາກັນເປີດຮັບຟັງວິທະຍຸCRIພາກພາສາລາວ,ເຂົາເຈົ້າເວົ້າວ່າ,ວິທະຍຸCRIແມ່ນດີຫຼາຍທີ່ໃຫ້ຄວາມຮູ້,ຜ່ານການຮັບຟັງແມ່ນເປັນຂໍ້ມູນຄວາມຮູ້ບອກໃຫ້ລູກໆຫຼານໆທີ່ບໍ່ຮູ້ຈັກໂລກ."
ເມື່ອໄດ້ອ່ານຈົດໝາຍສະບັບດັ່ງກ່າວ,ຮູ້ສຶກວ່າມີຜູ້ຟັງຫຼາຍຄົນໄດ້ຢືນຢັນຕໍ່ລາຍການຂອງພວກເຮົາ,ພ້ອມທັງເປັນການບອກພວກເຮົາວ່າຈະຕ້ອງເຮັດວຽກໃຫ້ໜັກແລະດີກວ່າເກົ່າເພື່ອຮັບໃຊ້ທ່ານຜູ້ຟັງພວກເຮົາຕ້ອງເຮັດລາຍການທີ່ຍິ່ງສອດຄ່ອງກັບຕົວຈິງ,ມີເນື້ອໃນຍິ່ງສົມບູນແລະມີຊີວິດຊີວາກວ່າເກົ່າຈິ່ງຈະບໍ່ເຮັດໃຫ້ຜູ້ຟັງຜິດຫວັງ,ແລະສາມາດຊ່ອຍຜູ້ຟັງຊອກຮູ້ໂລກໄດ້ຫຼາຍກວ່າເກົ່າ,ພວກເຮົາຈະພະຍາຍາມຕໍ່ໄປແລະຂໍໃຫ້ທ່ານຜູ້ຟັງຊ່ອຍເປັນກຳລັງໃຈໃຫ້ດ້ວຍ.
ໃນຕອນທ້າຍຂອງລາຍການມື້ນີ້,ພວກເຮົາຂໍຈັດເພງມ່ວນໆເພງໜຶ່ງທີ່ຂັບຮ້ອງໂດຍທ່ານລີວເຕີຮວາ ດາຣາຮ້ອງເພງດາຣາຮູບເງົາທີ່ມີຊື່ສຽງຂອງຈີນ,ເພງນີ້ຊື່ວ່າ"ຈ່າງຄ່າຍຢຽນຈີ່ງ",ແປວ່າ"ຈົ່ງມືນຕາຂຶ້ນ",ຟັງເພງນີ້ແລ້ວຫວັງວ່າລາຍການພວກເຮົາຈະສາມາດຊ່ອຍທ່ານໃຫ້ເບິ່ງກ້ວາງມອງໄກໄປໃນໂລກອັນໄພສານໄດ້ຫຼາຍກວ່າເກົ່າ.ເຊີນຟັງນຳກັນເລິຍ.
|
