|
ທ່ານຜູ້ຟັງທີ່ໂຄລົບ,ຫວ່າງມໍ່ໆນີ້,ການຢອກໄຍໃນອິນເຕີເນັດກາຍເປັນຈຸດຮ້ອນໃນຂົງເຂດວັດທະນະທຳຈີນ.ຫວ່າງມໍ່ໆນີ້,ມີຂ່າວໜຶ່ງທີ່ພາດຫົວຂໍ້ວ່າ"ກົມໃຫຍ່ວິທະຍຸ ຮູບເງົາແລະໂທລະພາບແຫ່ງຊາດຈີນຈະອອກກົດຂໍ້ກຳນົດ,ຫາງສຽງສັງຄົມໃຫ້ຄວາມສົນໃຈວ່າ,ຖ້າຜູ້ຫຼິ້ນອິນເຕີເນັດທີ່ສ້າງສັນສິ່ງຕ່າງໆເຂົ້ສໃນອິນເຕີເນັດໃນລັກສະນະຢອກໄຍເພື່ອການລື້ນເລີງນັ້ນຕ້ອງໄດ້ມີໃບອະນຸຍາດ,ມັນຈະເປັນການຈຳກັດຫົວຄິດປະດິດສ້າງຂອງຊາວໜຸ່ມຫຼືບໍ່.
ສຽງທີ່ທ່ານພວມຟັງຢູ່ນີ້ແມ່ນສຽງກະດິງໂທລະສັບມືຖືທີ່ມີຊື່ສຽງ,ກໍ່ແມ່ນການຢອກໄຍອັນໜຶ່ງທີ່ບໍ່ເໝາະສົມທີ່ເຜີຍແຜ່ຢ່າງກວ້າງຂວາງໃນອິນເຕີເນັດ,ສຽງນີ້ແມ່ນຮຽນແບບສຽງບັນຍາຍຂອງທ່ານຮວາງຈ້ຽນຊຽງ ໂຄສົກກິລາທີ່ມີຊື່ສຽງຂອງສະຖານີໂທລະພາບສູນກາງຈີນໃນເວລາຖ່າຍທອດສົດການແຂ່ງຂັນເຕະບານ.
ໃນການແຂ່ງຂັນເຕະບານຊິງຂັນໂລກປີນີ້,ທິມອີຕາລີກັບທິມອົສຕຼາລີແຂ່ງຂັນຍິງລູກໂທດ,ທ່ານຮວາງຈ້ຽນຊຽງໄດ້ລືມຕົວໃນຖານະທີ່ເປັນໂຄສົກຂອງໂທລະພາບສູນກາງຈີນ,ແຜດສຽງຮ້ອງຂຶ້ນວ່າ"ອີຕາລີໝັ້ນຍືນ",ການກະທຳຂອງທ່ານໄດ້ພາໃຫ້ເກີດມີການຖົກຖຽງກັນຢ່າງດຸເດືອດຢູ່ຈີນ,ຖັດມາໃນອິນເຕີເນັດກໍປະກົດມີເນື້ອໃນ30ຊະນິດແຕ່ການຮຽນແບບຮວາງຈ້ຽນຊຽງ.ຜູ້ໃຊ້ອິນເຕີເນັດໄດ້ລອກແບບສຽງທີ່ລືມຕົວຂອງທ່ານ,ແລ້ວເອົາຄຳອະທິປາຍຕ່າງໆ,ມາສຽດສີບາງປະກົດການທີ່ບໍ່ສົມເຫດສົມຜົນຂອງວິສາຫະກິດຕ່າງໆຄືບໍລິສັດໂທລະສັບມືຖື,ອຸດສາຫະກຳນ້ຳມັນເຊື້ອໄຟແລະເຄມີ,ບໍລິສັດພັດທະນາອະສັງຫາລິມະຊັບເປັນຕົ້ນ.ພ້ອມກັນນັ້ນ,ຍັງມີຄົນສວຍໂອກາດນີ້ປະດິດສ້າງສຽງສຽດສີທີ່ລອກແບບສຽງບັນຍາຍຂອງທ່ານຮວາງຈ້ຽນຊຽງເປັນສຽງກະດິງໂທລະສັບມືຖື,ໃນໄລຍະນັ້ນ,ເລື້ອງນັ້ນໄດ້ຮັບຄວາມນິຍົມຊົມຊອບຫຼາຍທີ່ສຸດໃນອິນເຕີເນັດ.
ການຢອກໄຍໃນອິນເຕີເນັດແມ່ນໝາຍເຖິງພາບວີດີໂທສັ້ນ,ດົນຕີ,ຮູບພາບ,ຕົວໜັງສືເປັນຕົ້ນທີ່ມີລັກສະນະສຳນວນລັບລົມຄົມໃນແລະສຽດສີທີ່ຜູ້ໃຊ້ອິນເຕີເນັດເຮັດເອົາເອງ.ຢູ່ຝ່າຍຕາເວັນຕົກ,ການກະທຳແບບນີ້ແມ່ນມີດົນແລ້ວຖືກເອີ້ນວ່າ"ເລື້ອງລະຄອນຕະຫຼົກຮຽນແບບ".ສ່ວນຢູ່ຈີນ,ເລື້ອງນີ້ເລີ່ມນິຍົມກັນແມ່ນເລີ່ມມາແຕ່ເດືອນມັງກອນປີນີ້ເປັນຕົ້ນມາ.ມີຊາວໜຸ່ມຜູ້ໜຶ່ງຊື່ວ່າຮູເກີໄດ້ເຮັດເລື້ອງສັ້ນຢູ່ໃນອິນເຕີເນັດທີ່ຊື່ວ່າ"ຄະດີນອງເລືອດທີ່ເກີດຈາກຂະໜົມໝານໂຖວກ້ອນໜຶ່ງ",ໂດຍຜ່ານຮູບແບບຂອງລາຍການກົດໝາຍທາງໂທລະພາບ,ສຽດສີຮູບເງົາເລື່ອງ"ອູຈີ"ທີ່ກຳກັບການສະແດງໂດຍທ່ານເສີນໄຂເກີ່ ຜູ້ກຳກັບການສະແດງທີ່ມີຊື່ສຽງຂອງຈີນ,ເລື່ອງສັ້ນພາບວີຕີໂອໃນອິນເຕີເນັດນີ້ໃຊ້ບຸກຄົນແລະຂໍ້ມູນຮູບເງົາຂອງອູຈີ,ແລ້ວປ່ຽນຖານະບໍ່ບັນຍາຍເນື້ອໃນຂອງຮູບເງົາແຕ່ອັດສຽງ,ຕັດຕໍ່ຟິມຮູບເງົາເທື່ອໃໝ່ແລ້ວເປັນເລື້ອງຕະຫຼົກໃໝ່ຄືເລືອງຕຳຫຼວດສືບສວນຄະດີຂ້າຄົນ.ພາຍຫຼັງເລື້ອງສັ້ນເຜີຍແຜ່ຢູ່ເທິງອິນເຕີເນັດແລ້ວ,ໄດ້ຮັບຄວາມນິຍົມຊົມຊອບຈາກຜູ້ໃຊ້ອິນເຕີເນັດທົ່ວໄປ,ແຕ່ທ່ານເສີນໄຂເກີ່ຊ້ຳພັດໂມໂຫຂຶ້ນຈົນຢາກຟ້ອງຮ້ອງຕໍ່ສານ.ແຕ່ທ່ານຮູເກີເວົ້າວ່າ,ໃນເວລາເຮັດເລື້ອງສັ້ນນີ້,ເພີ່ນບໍ່ໄດ້ມີເຈຕະນາຮ້າຍໃດໆ.
"ຂ້າພະເຈົ້າເຮັດເລື້ອງສັ້ນນີ້,ມີສາມສາຍເຫດ,ໜຶ່ງຢາກວິຈານຮູບເງົາ, ສອງເຮັດສິ່ງທີ່ໜ້າຫຼິ້ນໜ້າເບິ່ງເພື່ອຄວາມບັນເທີງ;ສາມໃນເວລານັ້ນພວມຮຽນເຕັກນິກວີດີໂອ,ເຮັດເລື້ອງສັ້ນນີ້ເພື່ອເຝິກວິຊາຂອງຕົນ.ຕົ້ນຕໍຍັງແມ່ນເພື່ອມ່ວນໃຈ,ວິຈານປະກົດການໃນສັງຄົມໂດຍຜ່ານແບບວິທີທີ່ເບົາອົກເບົາໃຈ."
ນອກຈາກເລື້ອງສັ້ນວີດີໂອໃນອິນເຕີເນັດແລ້ວ,ການຢອກໄຍຍັງແຜ່ຜາຍຮອດສຽງກະດິງໂທລະສັບມືຖື,ຮູບພາບ,ຮູບແຕ້ມດ້ວຍສີນ້ຳມັນແລະໃຊ້ຄົນສະແດງ.ອາຈານວິຈິດຕະກຳຂອງມາຫາວິທະຍາໄລຊິງຮວາຜູ້ໜຶ່ງຊື່ວ່າໄດ້ເອົາຮູບແຕ້ມດາລາດ້ວຍສີນ້ຳມັນແບບສຽດສີນັ້ນຂຶ້ນອິນເຕີເນັດ.ພາຍຫຼັງຮູບແຕ້ມຂອງທ່ານຖືກພິມຕໍ່ແລ້ວ,ໄດ້ພາໃຫ້ເກີດການຖົກຖຽງກັນຢ່າງອຶກກະທຶກ.ທ່ານອ່ານດີກ່າວວ່າ:
"ນີ້ໄດ້ສະໜອງຂອງມຸມມອງໃໝ່ໃຫ້ຜູ້ຄົນທັງຫຼາຍສັງເກດດາລາ.ຂ້າພະເຈົ້າເຫັນວ່າຈຸດປະສົງຕົ້ນຕໍທີ່ສຸດຍັງແມ່ນເພື່ອຄວາມລື່ນເລີງ,ບາງຄົນເວົ້າວ່າຂ້າພະເຈົ້າໂຈມຕີ,ອາດຈະແມ່ນພວກເຂົາເຈົ້າຍັງໄລ່ບໍ່ທັນສຳນວນລັບລົມຄົມໃນຂອງຂ້າພະເຈົ້າ."
ເລື້ອງຍິ່ງເຮັດໃຫ້ຄົນສົນໃຈນັ້ນແມ່ນ,ຫວ່າງມໍ່ໆນີ້,ເປົ້າໝາຍຂອງການຢອກໄຍໃນອິນເຕີເນັດນອກຈາກຮູບເງົາໂທລະພາບແລະເພງທັນສະໄໝແລ້ວ,ຍັງເປີດກວ້າງຮອດນະວະນິຍາຍປະຫວັດສາດທີ່ລືຊື່,ຮູບເງົາຄຳພີ, ວິລະຊົນ,ການຖົກຖຽງກັນໄດ້ລື່ນກາຍວົງການອິນເຕີເນັດນັ້ນຢ່າງຫຼວງຫຼາຍ,ກາຍເປັນຈຸດສຸມຂອງວົງການຕ່າງໆໃນສັງຄົນ.ຄົນສ່ວນຫຼາຍເຫັນວ່າ,ໃນຍຸກປັດຈຸບັນທີ່ວັດທະນະທຳແລະຄວາມລື່ນເລີງຫຼາກຫຼາຍນັ້ນໄດ້ເຮັດໃຫ້ ປະກົດມີການເຍາະເຍີ້ຍຢອກໄຍທີ່ບໍ່ເໝາະສົມໃນອິນເຕີເນັດ,ແຕ່ການຢອກໄຍຕໍ່ນະວະນິຍາຍທີ່ລືຊື່,ວິລະຊົນ,ທັດສະນະຄະທີ່ລ້ຳຄ່າລືມມາແຕ່ເກົ່ານັ້ນ,ໄດ້ບິດເບື່ອນພາບພົດທີ່ດີງາມ,ມັນບໍ່ພຽງແຕ່ທຳລາຍອາລົມຈິດຂອງຄົນທັງຫຼາຍທໍ່ນັ້ນ,ຍັງມີຜົນກະທົບທາງລົບຕໍ່ຊາວໜຸ່ມເຍົາວະຊົນທີ່ກຳລັງສ້າງໂລກກະທັດແລະທັດສະນະຄະຕິທີ່ດີ.ໃນເວລາໃຫ້ສຳພາດຕໍ່ນັກຂ່າວ,ນັກສຶກສາຜູ້ໜຶ່ງຂອງມະຫາວິທະຍາໄລສ້າງຄູປັກກິ່ງເວົ້າວ່າ,ການຢອກໄຍໃນອິນເຕີເນັດຕ້ອງມີຂອບເຂດຈຳກັດ.ທ່ານເວົ້າວ່າ:
ການຢອກໄຍສ່ວນຫຼາຍແມ່ນດີ,ສ່ວນຫຼາຍໄດ້ສຽດສີຕໍ່ປະກົດການຫຍໍ້ທໍ້ຂອງສັງຄົມ.ແຕ່ຕ້ອງມີຂອບເຂດຈຳກັດ,ເພາະການກະທຳດັ່ງກ່າວຈະລ່ອງລ້ຳກຽດສັກສີຂອງຜູ້ອື່ນບໍ່ໄດ້ແລະຖືການທຳຮ້າຍຜູ້ອື່ນເປັນເປົ້າໝາຍບໍ່ໄດ້."
ຜູ້ບໍລິຫານລະດັບສູງຂອງເວບໄຊ້ຊີນາເຊິ່ງເປັນເວບໄຊ້ສະເພາະກິດໃຫຍ່ທີ່ສຸດຂອງຈີນກໍ່ມີທັດສະນະຄືກັນ.ໃນເວລາໃຫ້ສຳພາດຂ່າວ,ທ່ານໂຮສຽວຊຽງ ຜູ້ບັນນາທິການໃຫຍ່ຂອງເວບໄຊ້ຊີນາເວົ້າວ່າ,ເວບໄຊ້ສະເພາະກິດ ເປັນອົງການຄຸ້ມຄອງການເຜີຍແຜ່ເນື້ອໃນອິນເຕີເນັດ,ມີໜ້າທີ່ຮັບຜິດຊອບແມ່ນບໍ່ໃຫ້ເນື້ອໃນທີ່ເຜີຍແຜ່ອອກທາງເວບໄຊເປັນໄປໃນທາງທີ່ບໍ່ດີ,ພ້ອມກັນນັ້ນ,ຂະແໜງການບໍລິຫານກ່ຽວຂ້ອງຂອງລັດຄວນຄຸ້ມຄອງການກະທຳທີ່ບໍ່ເໝາະສົມທາງວີດີໂອເນັດ.ທ່ານເວົ້າວ່າ"
"ພວກຂ້າພະເຈົ້າຈະຕິດຕາມເບິ່ງມີການຢອກໄຍອັນໃດແຕ່.ຖ້າວ່າພຽງແຕ່ແມ່ນເພື່ອລື່ນເລີງ,ແລະບໍ່ກາຍຂອບເຂດຈຳກັດຂອງສິນທຳແລະກົດໝາຍ,ພ້ອມກັນນັ້ນກໍບໍ່ທຳລາຍສິດແລະຜົນປະໂຫຍດທີ່ຊອມດ້ວຍກົດໝາຍຂອງຜູ້ອື່ນແລ້ວ,ພວກຂ້າພະເຈົ້າກໍ່ອະນຸຍາດໃຫ້ເຜີຍແຜ່ໄດ້.ແຕ່ວ່າຖ້າກາຍຂອບເຂດຂອງສິນທຳແລະກົດໝາຍ,ທຳລາຍສິດແລະຜົນປະໂຫຍດທີ່ຊອມດ້ວຍກົດໝາຍຂອງຜູ້ອື່ນ,ການກະທຳດັ່ງກ່າວກໍ່ບໍ່ຄວນໄດ້ຮັບການສະໜັບສະໜູນ.ຖ້າບໍ່ດັ່ງນັ້ນ,ອິນເຕີເນັດທີ່ບໍ່ມີລະບຽບຈະສ້າງຜົນຮ້າຍຫຼາຍກວ່າຜົນດີ."
ໂດຍແນໃສ່ຂ່າວກ່ຽວກັບກົມໃຫຍ່ວິທະຍຸ ຮູບເງົາແລະໂທລະພາບແຫ່ງຊາດຈີນຈະປະກາດກົດຂໍ້ກຳນົດສະເພາະເພື່ອເຮັດໃຫ້ການຢອກໄຍຕ່າງໆເຂົ້າສູ່ລະບຽບນັ້ນ,ນັກຂ່າວໄດ້ສຳພາດທ່ານນາງຢາງໄພຮົງ ເຈົ້າໜ້າທີ່ກ່ຽວຂ້ອງຂອງກົມນີ້.ທ່ານນາງຢາງໄພຮົງໄດ້ປະຕິເສດຂ່າວລືດັ່ງກ່າວນີ້.ເພິ່ນເວົ້າວ່າ,ສື່ມວນຊົນຄວນມີຄວາມສາມາດວິນິໄສບັນຫາທີ່ຄວນຫຼືບໍ່ຄວນເຜີຍແຜ່ເນື້ອໃນຫຍັງແດ່.
ທ່ານຜູ້ຟັງທີໂຄລົບ,ລາຍການຈີນປັດຈຸບັນຂໍຈົບລົງພຽງທໍ່ນີ້,ສະບາຍດີ.
|
