|
ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າແຜ່ນດິນໃຫຍ່ຈີນຫວັງໃຫ້ສັງຄົມໄຕ້ຫວັນມີຄວາມສະຫງົບ
cri
Author: min
ຕາມຂ່າວCRI: ວັນທີ 13 ກັນຍາ, ໃນເວລາຕອບຄຳຖາມຂອງນັກຂ່າວກ່ຽວກັບການເຄື່ອນໄຫວ "ໂຄ່ນລົ້ມເຊີນຊຸຍປຽນ", ທ່ານຫຼີເວີຍອີ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນເວົ້າວ່າ, ພີ່ນ້ອງໄຕ້ຫວັນແມ່ນພີ່ນ້ອງຮ່ວມຊາດຂອງປະຊາຊົນແຜ່ນດິນໃຫຍ່, ແຜ່ນດິນໃຫຍ່ຫວັງໃຫ້ສັງຄົມໄຕ້ຫວັນມີຄວາມສະຫງົບ, ເສດຖະກິດພັດທະນາ, ປະຊາຊົນສາມາດຢູ່ດີມີສຸກ, ບໍ່ຢາກເຫັນມີເຫດການເຄາະຮ້າຍເກີດຂຶ້ນ.
ທ່ານຫຼີເວີຍອີແມ່ນໃຫ້ທັດສະນະດັ່ງກ່າວໃນງານຖະແຫຼງຂ່າວປະຈຳທີ່ຈັດຂຶ້ນໃນວັນທີ 13 ກັນຍາ. ທ່ານເວົ້າວ່າ, ແຜ່ນດິນໃຫຍ່ຈີນຈະສືບຕໍ່ພ້ອມກັນກັບພີ່ນ້ອງຮ່ວມຊາດ, ເດັດດ່ຽວຄັດຄ້ານການເຄື່ອນໄຫວແບ່ງແຍກໄຕ້ຫວັນ, ປົກປັກຮັກສາສັນຕິພາບແລະຄວາມໝັ້ນທ່ຽງຂອງເຂດຊ່ອງແຄບໄຕ້ຫວັນ, ສືບຕໍ່ຊຸກຍູ້ການພົວພັນລະຫວ່າງສອງຝັ່ງໃຫ້ພັດທະນາໄປສູ່ທິດສັນຕິພາບແລະຄວາມໝັ້ນຄົງ.
ແຕ່ວັນທີ 9 ກັນຍາເປັນຕົ້ນມາ, ມວນຊົນໄຕ້ຫວັນເລີ່ມດຳເນີນການເຄື່ອນໄຫວນັ່ງມິດ, ຮຽກຮ້ອງໃຫ້ທ່ານເຊີນຊຸຍປຽນ ຜູ້ນຳເຈົ້າໜ້າທີ່ໄຕ້ຫວັນລາອອກຈາກຕຳແໜ່ງ.
|
|
