|
|
 |
| (GMT+08:00)
2006-09-13 18:32:41
|
 |
|
ແຜ່ນດິນໃຫຍ່ຈີນຈະສືບຕໍ່ສົ່ງເສີມວິສາຫະກິດໄຕ້ຫວັນມາພັດທະນາຢູ່ແຜ່ນດິນໃຫຍ່
cri
Author: sayvanny
ຕາມຂ່າວ CRI: ວັນທີ 13 ກັນຍາ, ທ່ານເຢ້ເຄີ້ຕົງ ຮອງຫົວຫນ້າຫ້ອງການວຽກງານໄຕ້ຫວັນຂອງຄະນະລັດຖະບານຈີນເວົ້າວ່າ, ຝ່າຍແຜ່ນດິນໃຫຍ່ຈີນຈະສືບຕໍ່ສົ່ງເສີມໃຫ້ວິສາຫະກິດໄຕ້ຫວັນມາພັດທະນາຢູ່ແຜ່ນດິນໃຫຍ່,ປົກປັກຮັກສາສິດທິຜົນປະໂຫຍດທີ່ຊອບກົດຫມາຍຂອງນັກທຸລະກິດໄຕ້ຫວັນຢ່າງແທ້ຈິງ, ຍິນດີຮັບຟັງຄວາມເຫັນແລະຂໍ້ສະເຫນີຂອງພີ່ນ້ອງຮ່ວມຊາດໄຕ້ຫວັນຢ່າງກວ້າງຂວາງກ່ຽວກັບການສ້າງກົນໄກຮ່ວມມືເສດຖະກິດລະຫວ່າງສອງຝັ່ງຊ່ອງແຄບໄຕ້ຫວັນ.
ໃນເວລາເຂົ້າຮ່ວມເວທີປາໃສການພັດທະນາແລະການຮ່ວມມືລະ ຫວ່າງວິສາຫະກິດສອງຝັ່ງຊ່ອງແຄບໄຕ້ຫວັນຄັ້ງທີສອງທີ່ໄຂຂຶ້ນຢູ່ເມືອງຊີອານ ຕົວເມືອງພາກຕາເວັນຕົກຂອງຈີນ, ທ່ານເຢ້ເຄິ້ຕົງເວົ້າວ່າ, ວິສາຫະກິດໄຕ້ຫວັນມີທ່າແຮງໃນດ້ານເຕັກນິກແລະການຄຸ້ມຄອງ, ສາມາດອາໄສຕະ ຫລາດອັນກວ້າງຂວາງຂອງແຜ່ນດິນໃຫຍ່,ມາຕາບຈູນຊັບພະຍາກອນທີ່ບໍ່ພຽງພໍຂອງຕົນ.ໃຕ້ເບື້ອງຫລັງເສດຖະກິດໂລກາພິວັດ,ວິສາຫະກິດຂອງສອງຝັ່ງເພີ່ມທະວີການຮ່ວມມືຈະມີຄວາມຫມາຍສຳຄັນຕໍ່ການຍົກຄວາມສາມາດຮັບມືກັບຄວາມສ່ຽງໃຫ້ສູງຂຶ້ນແລະຊຸກຍູ້ໃຫ້ເສດຖະກິດພັດທະນາແບບຍືນຍົງ.
|
|
|
