|
ທ່ານປູຕີນເວົ້າວ່າ ການພົວພັນລະຫວ່າງຣັດເຊຍກັບຈີນຈະຮັກສາລະດັບດີກວ່າໝູ່ຢ່າງຍາວນານ
cri
Author: cai
ຕາມຂ່າວສານຊີນຮວາ:ຫວ່າງກ່ອນນີ້ບໍ່ດົນ,ທ່ານປູຕີນ ປະທານາທິບໍດີຣັດເຊຍເວົ້າວ່າ,ຣັດເຊຍກັບຈີນມີຜົນປະໂຫຍດຮ່ວມກັນດ້ານການເມືອງແລະເສດຖະກິດຢ່າງກວ້າງຂວາງ,ການພົວພັນລະຫວ່າງສອງປະເທດຈະຮັກສາລະດັບດີກວ່າໝູ່ຢ່າງຍາວນານ.
ວັນທີ 13 ກັນຍາ,ເວັບໄຊປະທານາທິບໍດີຣັດເຊຍໄດ້ເຜີຍແຜ່ຄຳປາໄສຂອງທ່ານປູຕີນໃນເວລາພົບປະນັກວິຊາການຕ່າງປະເທດໃນຫວ່າງມໍ່ໆນີ້.ທ່ານປູຕີນເວົ້າວ່າ,ການພົວພັນຣັດເຊຍຈີນໃນສະເພາະໜ້ານີ້,ແມ່ນຕິດແທດຕົວຈິງແລະມີໄມຕີຈິດ,ພວມຢູ່ໃນໄລຍະດີກວ່າໝູ່ໃນປະຫວັດສາດ.ສະພາບການເມືອງສາກົນແລະທ່ວງທ່າພັດທະນາຂອງໂລກໄດ້ຕັດສິນວ່າ,ຣັດເຊຍກັບຈີນຈະຮັກສາການພົວພັນທີ່ດີກວ່າໝູ່ຢ່າງຍາວນານ.
ທ່ານປູຕີນກ່າວເນັ້ນວ່າ,ຣັດເຊຍກັບຈີນນອກຈາກມີຜົນປະໂຫຍດດ້ານການເມືອງທີ່ເປັນເອກະສັນກັນແລ້ວ,ຍັງມີຜົນປະໂຫຍດຮ່ວມດ້ານເສດຖະກິດ,ນີ້ສະແດງໃຫ້ເຫັນຢູ່ໃນຂົງເຂດຕ່າງໆເຊັ່ນ ການປຸງແຕ່ງໄມ້ ການບິນອາວະກາດ ການຮ່ວມມືດ້ານເຕັກນິກການທະຫານແລະພະລັງງານເປັນຕົ້ນ.
|
|
