|
ທ່ານອານນັນເວົ້າວ່າ ຜູ້ນຳປະເທດພາກພື້ນຕາເວັນອອກກາງສ່ວນຫຼາຍເຫັນວ່າ ສົງຄາມອີຣັກແມ່ນໄພພິບັດແທ້ໆ
cri
Author: min
ຕາມຂ່າວ CRI: ວັນທີ 13 ກັນຍາ, ທ່ານໂກຟີ ອານນັນເລຂາທິການໃຫຍ່ອົງການສະຫະປະຊາຊາດຊີ້ອອກວ່າ, ຫວ່າງມໍ່ໆນີ້, ເວລາໄປຢ້ຽມຢາມພາກພື້ນຕາເວັນອອກກາງນັ້ນ, ທ່ານໄດ້ຊາບວ່າ, ຜູ້ນຳຂອງປະເທດໃນພາກພື້ນຕາເວັນອອກກາງສ່ວນຫຼາຍເຫັນວ່າ, ສົງຄາມອີຣັກທີ່ອາເມລິກາກໍ່ຂຶ້ນໄດ້ນຳໄພພິບັດອັນແທ້ຈິງມາໃຫ້ພາກພື້ນຕາເວັນອອກກາງ.
ທ່ານອານນັນເວົ້າວ່າ, ສົງຄາມອີຣັກເຮັດໃຫ້ສະຖານະການພາກພື້ນຕາເວັນອອກກາງປັ່ນປ່ວນ, ແລະເຮັດໃຫ້ອາເມລິກາຕົກຢູ່ໃນສະພາບກືນບໍ່ເຂົ້າຄາຍບໍ່ອອກ. ກອງທະຫານອາເມລິກາຄວນຖອນອອກຈາກອີຣັກໃນເວລາອັນເໝາະສົມ.
ວັນທີ 13 ກັນຍາ, ຢູ່ເຕເຮລານ, ໃນເວລາພົບປະທ່ານນົວຣີ ອານ ມາລີຄີ ນາຍົກລັດຖະມົນຕີອີຣັກທີ່ໄປຢ້ຽມຢາມ, ທ່ານອາລີ ຮາເມເນອີ ຜູ້ນຳສູງສຸດອີຣານເວົ້າວ່າ, ຖ້າທະຫານຕ່າງປະເທດຖອນອອກຈາກອີຣັກ, ບັນຫາທັງຫຼາຍທີ່ອີຣັກພວມປະເຊີນໃນສະເພາະໜ້ານີ້ກໍຈະໄດ້ຮັບການແກ້ໄຂ. ທ່ານຍັງໄດ້ກ່າວຢ້ຳເຖິງການສະໜັບສະໜູນຂອງອີຣານທີ່ມີຕໍ່ລັດຖະບານອີຣັກ. ໃນການພົບປະ, ທ່ານມາລີຄີ ນາຍົກລັດຖະມົນຕີອີຣັກກ່າວເນັ້ນວ່າ, ການຂະຫຍາຍການພົວພັນໄມຕີຈິດກັບອີຣານແມ່ນນະໂຍບາຍບູລິມະສິດຂອງການຕ່າງປະເທດອີຣັກ.
|
|
