|
ລັດຖະບານອາເມລິກາຄັດຄ້ານການສ້າງກຳແພງຕໍ່ຜະລິດຕະພັນຈີນຍ້ອນການເສຍປຽບດຸນການຄ້າ
cri
Author: sayvanny
ຕາມຂ່າວສານຊີນຮວາ: ວັນທີ 13 ກັນຍາ,ທ່ານເຮນຣີປາວຊັນ ລັດຖະມົນຕີວ່າການກະຊວງການເງິນອາເມລິກາກ່າວເນັ້ນວ່າ, ລັດຖະບານອາເມລິກາເດັດດ່ຽວຄັດຄ້ານການສ້າງກຳແພງຕໍ່ຜະລິດຕະພັນຈີນຍ້ອນບັນຫາການຄ້າຂອງອາເມລິກາເສຍປຽບຕໍ່ຈີນ.
ໃນເວລາກ່າວຄຳປາໃສກ່ຽວກັບບັນຫາເສດຖະກິດສາກົນຢູ່ກະຊວງການເງິນ, ທ່ານປາວຊັນເວົ້າວ່າ, ເຖິງວ່າລັດທິປົກປ້ອງການຄ້າຈະຫລຸດຜ່ອນຄວາມເສຍຫາຍໃນສະເພາະຫນ້ານີ້ກໍ່ຕາມ, ແຕ່ຊ້ຳພັດໄດ້ຮັບການພາດໂອກາດໃນອະນາຄົດເປັນສິ່ງຕອບແທນ.ສະນັ້ນ, ອາເມລິກາຈະບໍ່ເອົາສົນໃຈນຳລັດທິປົກປ້ອງແລະລັດທິໂດດດ່ຽວ.
ທ່ານປາວຊັນເວົ້າວ່າ, ໃນເສດຖະກິດທົ່ວໂລກ, ຄວາມຈະເລີນຮຸ່ງເຮືອງຂອງອາເມລິກາແລະຈີນແມ່ນພົວພັນກັນ, ການທຳຄວາມພະຍາຍາມໃນບັນຫາລະຫວ່າງສອງຝ່າຍແລະຫລາຍຝ່າຍ,ຈະສົ່ງຜົນສະທ້ອນທີ່ດີທີ່ສຸດເພື່ອເຮັດໃຫ້ເສດຖະກິດທົ່ວໂລກເຕີບໂຕຢ່າງປອດໃສ.
|
|
