|
ອົງການ IMF ເຫັນວ່າ ເສດຖະກິດຈີນຈະຮັກສາທ່ວງທ່າເຕີບໂຕຢ່າງແຂງແຮງ
cri
Author: cai
ຕາມຂ່າວສານຊີນຮວາ:ວັນທີ 14 ກັນຍາ,ຢູ່ສິງກະໂປ,ອົງການກອງທຶນເງິນຕາສາກົນຫຼື IMF ໄດ້ປະກາດບົດລາຍງານ"ການຈ້ອງມອງເສດຖະກິດໂລກ",ໂດຍຄາດຄະເນວ່າ,ໃນປີ 2006 ແລະປີ 2007,ເສດຖະກິດຈີນຈະສືບຕໍ່ຮັກສາທ່ວງທ່າເຕີບໂຕຢ່າງແຂງແຮງ,ເສດຖະກິດຂອງເຂດອື່ນໆໃນອາຊີກໍ່ຈະໄດ້ຮັບຜົນປະໂຫຍດໄປນຳ.
ບົດລາຍງານຄາດວ່າ,ໃນປີ 2006 ແລະປີ 2007,ອັດຕາເຕີບໂຕທາງເສດຖະກິດຂອງຈີນຈະຢູ່ໃນລະດັບ 10% ໝົດ.
ບົດລາຍງານຍັງຂຽນວ່າ,ການເຕີບໂຕທາງເສດຖະກິດໃນຕະຫຼາດທີ່ຈະເລີນຂຶ້ນໃໝ່ຂອງອາຊີສ່ວນຫຼາຍແມ່ນໄດ້ຮັບຜົນປະໂຫຍດຈາກການເຕີບໂຕຢ່າງແຂງແຮງຂອງເສດຖະກິດຈີນແລະອິນເດຍ.ໂດຍສະເພາະແມ່ນເສດຖະກິດຈີນ,ຖ້າຈີນສາມາດຮັກສາຈັງຫວະເຕີບໂຕໃນສະເພາະໜ້ານີ້,ຈັງຫວະເຕີບໂຕທາງເສດຖະກິດຂອງຈີນກໍ່ອາດຈະໄວກວ່າການຄາດຄະເນ,ສ່ວນການເຕີບໂຕຢ່າງໄວກວ່າເກົ່າຂອງເສດຖະກິດຈີນຈະຊັກຈູງເສດຖະກິດຂອງເຂດອື່ນໆໃນອາຊີໃຫ້ເຕີບໂຕເຊັ່ນກັນ.
|
|
