|
|
 |
| (GMT+08:00)
2006-09-14 17:11:05
|
 |
|
ຈີນຈະເພີ່ມການກໍ່ສ້າງວິທະຍຸ ຮູບເງົາແລະໂທລະພາບຢູ່ຊົນນະບົດ
cri
Author: sayvanny
ຕາມຂ່າວ CRI: ວັນທີ 14 ກັນຍາ,ໃນກອງປະຊຸມຖະແຫລງຂ່າວທີ່ຫ້ອງການຖະແຫລງຂ່າວຄະນະລັດຖະບານຈີນຈັດຂຶ້ນເພື່ອແນະນຳໂຄງຮ່າງພັດທະນາວັດທະນະທຳໄລຍະ 5 ປີຄັ້ງທີ 11,ທ່ານນາງຈ້າວສື ເຈົ້າຫນ້າທີ່ກົມໃຫຍ່ວິທະຍຸ ຮູບເງົາແລະໂທລະພາບຈີນເວົ້າວ່າ,ໃນ 5 ປີຂ້າງຫນ້ານີ້, ຈີນຈະເພີ່ມການກໍ່ສ້າງວິທະຍຸ ຮູບເງົາແລະໂທລະພາບຢູ່ຊົນນະບົດ.
ທ່ານນາງຈ້າວສືເວົ້າວ່າ, ເມື່ອຮອດປີ 2010, ໃນບ້ານນ້ອຍຊົນນະບົດທີ່ມີ 20 ຄອບຄົວຂຶ້ນໄປແລະມີໄຟຟ້າໃຊ້ແລ້ວນັ້ນຈະໄດ້ເບິ່ງໂທລະພາບ 8 ຊ່ອງແລະຈະໄດ້ຮັບຟັງວິທະຍຸ 4 ຊ່ອງ;ພື້ນຖານໂຄງລ່າງແລະເງື່ອນໄຂດ້ານວິທະຍຸໂທລະພາບຢູ່ເຂດພາກຕາເວັນຕົກແລະເຂດຊົນເຜົ່າສ່ວນຫນ້ອຍທີ່ຢູ່ເຂດຊາຍແດນຈະໄດ້ຮັບການປັບປຸງໃຫ້ດີຂຶ້ນເລື້ອຍໆ,ແລະເປີດກວ້າງເນື້ອທີ່ທີ່ໄດ້ຮັບສັນຍານໂທລະພາບແລະວິທະຍຸ;ລັດຖະບານຍັງຈະປະຕິບັດໂຄງການສາຍຮູບເງົາຢູ່ຊົນນະບົດ,ເມື່ອຮອດປີ 2010, ຈະບັນລຸເປົ້າຫມາຍທີ່ໃຫ້ບ້ານຫນຶ່ງໄດ້ເບິ່ງຮູບເງົາເລື່ອງຫນຶ່ງຕໍ່ເດືອນ.
|
|
|
