|
ຢູ່ອິນໂດເນເຊຍມີ 49 ຄົນຕາຍຍ້ອນໄຂ້ຫວັດສັດປີກ
cri
Author: min
ຕາມຂ່າວສານຊິນຮວາ: ວັນທີ 14 ກັນຍາ, ຢູ່ນະຄອນຫຼວງຈາກາກຕາ, ໂຄສົກອົງການອະນາໄມໂລກຢືນຢັນວ່າ, ໃນ 65 ຄົນທີ່ເປັນພະຍາດໄຂ້ຫວັດສັດປີກຢູ່ອິນໂດເນເຊຍ, ໄດ້ມີ 49 ຄົນເສຍຊີວິດແລ້ວ.
ໃນເວລາໃຫ້ສຳພາດຕໍ່ນັກຂ່າວ, ໂຄສົກຜູ້ນີ້ເວົ້າວ່າ, ຈຳນວນຜູ້ຕິດແລະຕາຍຍ້ອນໄຂ້ຫວັດສັດປີກຢູ່ອິນໂດເນເຊຍເພີ່ມຂຶ້ນ, ແມ່ນຍ້ອນອົງການອະນາໄມໂລກໄດ້ດັດແປງມາດຖານຂອງການກວດກາເຊື້ອພະຍາດໄຂ້ຫວັດສັດປີກແບບ H5N1 ໃນວັນທີ 29 ສິງຫາ. ການດັດແປງດັ່ງກ່າວໄດ້ຢືນຢັນວ່າ 3 ຄົນຂອງອິນໂດເນເຊຍເປັນໄຂ້ຫວັດສັດປີກແລ້ວ.
|
|
