|
|
(GMT+08:00)
2006-09-14 20:38:17
|
|
ຝ່າຍຈີນສົ່ງເສີມໃຫ້ສປປເກົາຫຼີກັບອາເມລິກາຕິດຕໍ່ກັນໂດຍກົງເພື່ອສ້າງເງື່ອນໄຂໃຫ້ການຟຶ້ນຟູການເຈລະຈາຫົກຝ່າຍ
cri
Author: shuo
ຕາມຂ່າວCRI:ມື້ນີ້(ວັນທີ14ກັນຍາ),ໃນກອງປະຊຸມນັກຂ່າວປະຈຳ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນສົ່ງເສີມແລະສະໜັບສະໜູນໃຫ້ສປປເກົາຫຼີກັບອາເມລິກາຕິດຕໍ່ພົວພັນໂດຍກົງ,ແລກປ່ຽນຄວາມເຫັນກ່ຽວກັບບັນຫາທີ່ຕ່າງສົນໃຈນຳ,ເພື່ອສ້າງເງື່ອນໄຂໃຫ້ການຟຶ້ນຟູການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີ.
ໃນເວລາຕອບຄຳຖາມກ່ຽວກັບບັນຫາທີ່ຈີນມີແຜນຈະດັດແກ້ສົນທິສັນຍາວ່າດ້ວຍການ ຮ່ວມມືດ້ວຍໄມຕີຈິດແລະຊ່ອຍເຫຼືອກັນລະຫວ່າງຈີນກັບສປປເກົາຫຼີຫຼືບໍ່,ທ່ານເຊິນກ່າງເວົ້າວ່າ,ການຂະຫຍາຍການພົວພັນຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນກັບສປປເກົາຫຼີຢ່າງບໍ່ຢຸດຢັ້ງແມ່ນນະໂຍບາຍຂອງຈີນໂດຍຕະຫຼອດ,ສົນທິສັນຍາສະບັບນີ້ໄດ້ເສີມຂະຫຍາຍບົດບາດສຳຄັນແລະຕັ້ງໜ້າໃນການຊຸກຍູ້ການຂະຫຍາຍຕົວຂອງການ ພົວພັນໄມຕີຈິດລະຫວ່າງຈີນກັບສປປເກົາຫຼີ,ຝ່າຍຈີນບໍ່ໄດ້ພິຈາລະນາວ່າຈະດັດແກ້ສົນທິສັນຍາດັ່ງກ່າວ.
ທ່ານກ່າວເນັ້ນວ່າ,ຝ່າຍຈີນຂະຫຍາຍການພົວພັນກັບສປປເກົາຫຼີແມ່ນເພື່ອເພີ່ມທະວີການຮ່ວມມືລະຫວ່າງສອງປະເທດ,ປົກປັກຮັກສາສັນຕິພາບແລະສະຖຽນລະພາບຂອງພາກພື້ນແຫຼມເກົາຫຼີ.
|
|
|