|
IMFຮຽກຮ້ອງໃຫ້ຮ່ວມມື ຮັບມືກັບຄວາມສ່ຽງທີ່ເສດຖະກິດທົ່ວໂລກປະເຊີນ
cri
Author: min
ຕາມຂ່າວສານຊິນຮວາ: ວັນທີ 15 ກັນຍາ, ຢູ່ສິງກະໂປ, ທ່ານໂຣດຣີໂກ ຣາໂຕ ປະທານອົງການກອງທຶນສາກົນຫຼື IMF ກ່າວເນັ້ນວ່າ, ດຽວນີ້, ເສດຖະກິດທົ່ວໂລກໄດ້ພັດທະນາຢ່າງແຂງແຮງ, ແຕ່ກໍປະເຊີນກັບຄວາມສ່ຽງຫຼາຍ, ດັ່ງນັ້ນ, ມີແຕ່ດຳເນີນການຮ່ວມມືລະຫວ່າງຊາດຢ່າງຕັ້ງໜ້າ, ຈຶ່ງສາມາດສະກັດກັ້ນຄວາມສ່ຽງເຫຼົ່ານີ້ແລະຮັກສາທ່ວງທ່າພັດທະນາຂອງເສດຖະກິດທົ່ວໂລກໃນປະຈຸບັນ.
ທ່ານຣາໂຕແມ່ນໃຫ້ທັດສະນະດັ່ງກ່າວໃນກອງປະຊຸມຂ່າວທີ່ຈັດຂຶ້ນກ່ອນກອງປະຊຸມປະຈຳປີໃນລະດູໃບໄມ້ຫຼົ່ນຂອງ IMF ແລະທະນາຄານໂລກ.
ທ່ານຣາໂຕຍັງເວົ້າວ່າ, ໂລກພວມປ່ຽນແປງຢ່າງວ່ອງໄວ, ຖ້າ IMF ຢາກຮັກສາບົດບາດແລະຄວາມເຊື່ອໃຈໄດ້, ກໍຕ້ອງດຳເນີນການປະຕິຮູບບາງຢ່າງທີ່ມີຜົນສະທ້ອນເລິກເຊິ່ງຍາວໄກ.
|
|
