ລັດທິປົກປ້ອງການຄ້າບໍ່ມີຜົນດີຕໍ່ການແກ້ໄຂບັນຫາການຄ້າລະຫວ່າງຈີນອາເມລິກາ
cri
Author: shuo
ຕາມຂ່າວCRI:ວັນທີ15ກັນຍາ,ຢູ່ທີ່ປັກກິ່ງ,ທ່ານຊົງຊວນ ໂຄສົກກະຊວງການຄ້າຈີນກ່າວວ່າ,ລັດທິປົກປ້ອງການຄ້າບໍ່ມີຜົນດີຕໍ່ການແກ້ໄຂບັນຫາການຄ້າລະຫວ່າງຈີນກັບອາເມລິກາໃນປະຈຸບັນ.
ຫວ່າງມໍ່ໆນີ້,ສະມາຊິກລັດຖະສະພາບາງຄົນຂອງອາເມລິກາກ່າວວ່າ,ຈະສືບຕໍ່ຊຸກຍູ້ໃຫ້ລັດຖະສະພາອາເມລິກາຜ່ານຮັບຮອງຍັດຕິກົດໝາຍທີ່ເກັບພາສີທີ່ມີລັກສະນະປັບໄໝຕໍ່ຜະລິດຕະພັນຈີນ.ກ່ຽວກັບເລື່ອງນີ້,ທ່ານຊົງຊວນວິຈານວ່າ,ໃນຂະບວນການທີ່ການພົວພັນດ້ານເສຖະກິດການຄ້າລະຫວ່າງຈີນກັບອາເມລິກາຂະຫຍາຍຕົວຢ່າງວ່ອງໄວ,ປະກົດມີບັນຫາແລະການຂັດສີກັນຈຳນວນໜຶ່ງແມ່ນເລື່ອງປົກກະຕິ,ແຕ່ຖ້າຈຳກັດການຄ້າປົກກະຕິຫຼືໃຊ້ມາດຕະການລັດທິປົກປ້ອງນັ້ນ,ມີແຕ່ຈະທຳລາຍຜົນປະໂຫຍດຂອງສອງຝ່າຍ,ບໍ່ມີຜົນດີຕໍ່ການແກ້ໄຂບັນຫາໃຫ້ຕົກໄປ.
ທ່ານຊົງຊວນຍັງໄດ້ສະແດງຄວາມຊົມເຊີຍຕໍ່ທ່າທີຂອງທ່ານເຮັນລີ ປາວຊັນ ລັດຖະມົນຕີວ່າການກະຊວງການເງິນຜູ້ໃໝ່ຂອງອາເມລິກາກ່ຽວກັບບັນຫາການຄ້າຈີນອາເມລິກາ, ຫວ່າງມໍ່ໆນີ້,ທ່ານປາວຊັນເຄີຍກ່າວວ່າ,ທ່ານຈະບໍ່ວາງກຳແພງການຄ້າຕໍ່ຈີນຍ້ອນການຄ້າອາເມລິກາເສຍປຽບຕໍ່ຈີນ.
|
|