|
ໂຄສົກກະຊວງການຄ້າຈີນເວົ້າວ່າ ການເອົາອັດຕາແລກປ່ຽນເງິນຕາພົວພັນກັບບັນຫາການຄ້ານັ້ນບໍ່ມີຜົນປະໂຫຍດຕໍ່ຈີນແລະອາເມລິກາ
cri
Author: cai
ຕາມຂ່າວສານຊີນຮວາ:ວັນທີ 15 ກັນຍາ,ທ່ານສົງສວນ ໂຄສົກກະຊວງການຄ້າຈີນເວົ້າວ່າ,ການພົວພັນເສດຖະກິດການຄ້າລະຫວ່າງຈີນອາເມລິກາເກີດມີຄວາມຂັດແຍ່ງກັນນັ້ນ,ແມ່ນເລື່ອງປົກກະຕິ,ຖ້າເອົາອັດຕາແລກປ່ຽນເງິນຕາພົວພັນກັບບັນຫາການຄ້າ,ຈະບໍ່ມີຜົນປະໂຫຍດຕໍ່ທັງສອງຝ່າຍ.
ທ່ານສົງສວນແມ່ນໃຫ້ທັດສະນະດັ່ງກ່າວໃນກອງປະຊຸມຖະແຫຼງຂ່າວປະຈຳທີ່ຈັດຂຶ້ນຢູ່ປັກກິ່ງ.
ຕາມໄດ້ຊາບ,ວັນທີ 15 ກັນຍາ,ທ່ານຈາລີສ ຊູເມີແລະທ່ານລີນດ໌ເຊ ເກຼຮາມ ສະມາຊິກສະພາສູງອາເມລິກາເວົ້າວ່າ,ເນື່ອງຈາກໃນຫຼາຍເດືອນມານີ້,ຈີນມີຄວາມຄືບໜ້າໜ້ອຍທີ່ສຸດໃນດ້ານການປະຕິຮູບອັດຕາແລກປ່ຽນເງິນຕາ,ພວກເຂົາເຈົ້າຈະຊຸກຍູ້ໃຫ້ລົງຄະແນນສຽງຕໍ່ຍັດຕິເກັບພາສີແບບລົງໂທດຕໍ່ຜະລິດຕະພັນຂອງຈີນ.ພາຍຫຼັງໄດ້ມາຢ້ຽມຢາມຈີນໃນເດືອນມີນາປີນີ້ແລ້ວ,ພວກເຂົາເຈົ້າເຄີຍເວົ້າວ່າ,ເວລາລົງຄະແນນສຽງຕໍ່ຍັດຕິດັ່ງກ່າວຈະເລື່ອນໄປຮອດວັນທີ 29 ເດືອນກັນຍາ.
ໃນເວລາໃຫ້ສຳພາດຕໍ່ນັກຂ່າວ,ທ່ານສົງສວນເວົ້າວ່າ,ການໃຊ້ມາດຕະການຈຳກັດແລະລັດທິປົກປ້ອງໃດໆໃນການພົວພັນເສດຖະກິດການຄ້າລະຫວ່າງຈີນອາເມລິການັ້ນ,ລ້ວນແຕ່ຈະທຳລາຍຜົນປະໂຫຍດຂອງທັງສອງຝ່າຍ,ຝ່າຍຈີນຫວັງຜ່ານຈາກການຫາລືກັນຢ່າງສະເໝີພາບມາແກ້ໄຂບັນຫາ.
|
|
