|
ຕາມຂ່າວສານຊິນຮວາ:ເຂດຕິເບດປົກຄອງຕົນເອງຂອງຈີນຕັ້ງໜ້າພັດທະນາອາຍເມຕານ ເຊິ່ງເປັນພະລາງງານແບບໃໝ່ຢູ່ເຂດກະສິກຳແລະເຂດລ້ຽງສັດ,ປີນີ້,ຈະລົງທຶນ16ລ້ານກວ່າຢວນສ້າງສະອາຍເມຕານ2500ແຫ່ງຢູ່ເຂດກະສິກຳແລະເຂດລ້ຽງສັດ.
ໃນໄລຍະຍາວນານມານີ້,ຊາວກະສິກອນແລະຊາວລ້ຽງສັດຂອງເຂດຕິເບດແມ່ນໃຊ້ຂີ້ງົວມາດັງໄຟ,ແຕ່ຄຽງຄູ່ກັບການພັດທະນາແລະການນຳໃຊ້ພະລາງງານແບບໃໝ່,ເຕົາໄຟຂີ້ງົວທີ່ໃຊ້ສຳລັບຝີງໄຟແລະແຕ່ງກິນຂອງຊາວກະສິກອນແລະຊາວລ້ຽງສັດຂອງເຂດຕິເບດໄດ້ຄ່ອຍໆຖອນອອກຈາກຊີວິການເປັນຢູ່ຂອງປະຊາຊົນ,ພະລັງງານແບບໃໝ່ຊະນິດຕ່າງໆ,ເຊັ່ນ,ພະລັງງານລົມແລະພະລັງງານຕາເວັນໄດ້ເລິ່ມເຂົ້າສູ່ຊີວິດການເປັນຢູ່ປະຈຳວັນ.ໃນຫຼາຍປີມໍ່ໆມານີ້,ເຂດຕິເບດໄດ້ສ້າງຈຸດທົດລອງສ້າງອາຍເມຕານຢູ່ເຂດກະສິກຳແລະເຂດລ້ຽງສັດສ່ວນໜຶ່ງ,ນຳເອົາພະລັງງານໃໝ່ແບບນີ້ທີ່ໃຊ້ຢູ່ຊົນນະບົດເຂດໃນຂອງຈີນໂດຍທົ່ວໄປນັ້ນມາໃຊ້ຢູ່ພູພຽງຫິມະ.
ກະຊວງກະສິກຳຈີນໄດ້ເລືອກຊ່າງອາຍເມຕານທີ່ມີລະດັບວິຊາສະເພາະຂ້ອນຂ້າງສູງ50ຄົນຈາກແຂວງເຊສວນແລະແຂວງລຽວນີງໄປເຂດຕິເບດກໍ່ສ້າງອາຍເມຕານ,ພວກເຂົາເຈົ້າຈະເຮັດວຽກຢູ່8ເມືອງນ້ອຍຂອງຕິເບດເປັນເວລາ2ເດືອນ,ນອກຈາກຈະຊ່ອຍເຂດຕິເບດສ້າງສາໂຄງການອາຍເມຕານແລ້ວ,ຊ່າງອາຍເມຕານທຸກຄົນຍັງຮັດຜິດຊອບອົບຮົມຊາວກະສິກຳແລະຊາວລ້ຽງສັດ10ຄົນຂອງເຂດຕິເບດ.
|
