|
ເຈົ້າໜ້າທີ່ອົງການທ່ອງທ່ຽວໂລກຂອງສະຫະປະຊາຊາດກ່າວວ່າ ຊາວຈີນໄປທ່ອງທ່ຽວຢູ່ຕ່າງປະເທດເພີ່ມຫຼາຍຂຶ້ນຢ່າງວ່ອງໄວ
cri
Author: cai
ຕາມຂ່າວສານຊີນຮວາ:ຊາວຈີນໄປທ່ອງທ່ຽວຢູ່ຕ່າງປະເທດໄດ້ເພີ່ມຫຼາຍຂຶ້ນຢ່າງວ່ອງໄວ,ທ່ານຟຼານສິສໂກ ຟຼານເກຍລີ ເລຂາທິການໃຫຍ່ອົງການທ່ອງທ່ຽວໂລກຂອງສະຫະປະຊາຊາດເຫັນວ່າ,ກະວ່າ,ເມື່ອຮອດປີ 2020,ຍອດຈຳນວນເທື່ອຄົນຂອງຈີນທີ່ໄປທ່ອງທ່ຽວຢູ່ຕ່າງປະເທດຈະບັນລຸ 100 ລ້ານເທື່ອຄົນ.
ຫວ່າງມໍ່ໆນີ້,ໃນເວລາໄປທັດສະນະສຶກສາການທ່ອງທ່ຽວຢູ່ແຂວງກຸ້ຍໂຈວ ພາກຕາເວັນຕົກສຽງໃຕ້ແລະແຂວງອື່ນໆຂອງຈີນ,ທ່ານຟຼານສິສໂກ ຟຼານເກຍລີຊີ້ອອກວ່າ,ເຖິງແມ່ນວ່າຄື້ນຊູນາມີມະຫາສະໝຸດອິນເດຍໄດ້ທຳລາຍການທ່ອງທ່ຽວຂອງທົ່ວພາກພື້ນອາຊີຢ່າງໜັກໜ່ວງກໍ່ຕາມ,ແຕ່ວ່າ,ອັດຕາເພີ່ມຂຶ້ນທີ່ຄິດສະເລ່ຍຂອງຈຳນວນເທື່ອຄົນທີ່ໄປທ່ອງທ່ຽວລະຫວ່າງຊາດໃນປີກາຍນີ້ໄດ້ສູງເຖິງ 5,5%.ໃຕ້ສະພາບເບື້ອງຫຼັງດັ່ງກ່າວ,ຈຳນວນນັກທ່ອງທ່ຽວທີ່ເຂົ້າອອກເມືອງຈີນກໍ່ໄດ້ເພີ່ມຂຶ້ນຢ່າງເດັ່ນຊັດ.
ປີກາຍນີ້,ຊາວຈີນທີ່ໄປທ່ອງທ່ຽວຢູ່ຕ່າງປະເທດໄດ້ມີເຖິງ 31 ລ້ານເທື່ອຄົນ.ປະຈຸບັນ,ມີ 110 ກວ່າປະເທດໄດ້ເຊັນສັນຍາເປົ້າໝາຍການທ່ອງທ່ຽວກັບຈີນ,ໃນນັ້ນ,ມີ 70 ກວ່າປະເທດໄດ້ຮັບຕ້ອນນັກທ່ອງທ່ຽວຂອງຈີນແລ້ວ.
|
|
