|
|
 |
| (GMT+08:00)
2006-09-18 15:09:10
|
 |
|
ຈີນກັບອິນໂດເນເຊຍຈະລົງເລິກຮ່ວມມືກັນໃນຂົງເຂດຕ່າງໆ
cri
ຕາມຂ່າວCRI, ວັນທີ17ກັນຍາ, ຢູ່ປັກກິ່ງ, ທ່ານຖາງເຈຍສວນ ທີ່ປຶກສາແຫ່ງລັດຈີນກັບທ່ານວີໂດໂດ ອາດີ ຊຸດຈິບໂຕ ລັດຖະມົນຕີວ່າການກະຊວງຈັດວາງວຽກງານການເມືອງ, ກົດໝາຍແລະຄວາມປອດໄພອິນໂດເນເຊຍໄດ້ຈັດກອງປະຊຸມຄັ້ງທຳອິດຂອງກົນໄກສົນທະນາຂັ້ນຮອງນາຍົກລັດຖະມົນຕີລະຫວ່າງສອງປະເທດ, ສອງຝ່າຍເປັນເອກະສັນກັນເຫັນດີຜ່ານຈາກການວາງແຜນການດຳເນີນງານ, ລົງເລິກຮ່ວມມືໃນຂົງເຂດເສດຖະກິດການຄ້າ, ຄວາມປອດໄພ, ຕ້ານລັດທິກໍ່ການຮ້າຍ, ປ້ອງກັນແລະຫຼຸດໄພທຳມະຊາດພ້ອມດ້ວຍການຮ່ວມມືໃນວຽກງານສາກົນແລະພາກພື້ນ.
ທ່ານຖາງເຈຍສວນກ່າວວ່າ, ປີກາຍນີ້ຈີນກັບອິນໂດເນເຊຍໄດ້ສ້າງການພົວພັນແບບຄູ່ຮ່ວມມືຍຸດທະສາດ, ແມ່ນການເລືອກເອົາທາງຍຸດທະສາດຂອງສອງປະເທດໂດຍຢູ່ບົນພື້ນຖານຜົນປະໂຫຍດຮ່ວມ. ສອງຝ່າຍເລີ່ມປະຕິບັດຕາມກົນໄກສົນທະນາຂັ້ນຮອງນາຍົກລັດຖະມົນຕີຢ່າງເປັນທາງການນັ້ນ, ແມ່ນສອດຄ່ອງກັບຄວາມຕ້ອງການຂອງການຊຸກຍູ້ການພົວພັນແບບຄູ່ຮ່ວມມືຍຸດທະສາດລະຫວ່າງສອງປະເທດ, ແລະກໍສອດຄ່ອງກັບຄວາມຕ້ອງການແຫ່ງການຂະຫຍາຍຕົວຂອງສະຖານະການສາກົນແລະພາກພື້ນ.
ທ່ານຊຸດຈິບໂຕກ່າວວ່າ, ອິນໂດເນເຊຍຍິນດີພ້ອມກັບຝ່າຍຈີນທຳຄວາມພະຍາຍາມ, ຂະຫຍາຍການພົວພັນລະຫວ່າງສອງຝ່າຍໃຫ້ກວ້າງອອກແລະກ້າວສູ່ລ່ວງເລິກ. ທ່ານກ່າວຢ້ຳວ່າອິນໂດເນເຊຍຈະສືບຕໍ່ຍຶດໝັ້ນນະໂຍບາຍຈີນດຽວ.
|
|
|
