|
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ້ຟັງທີ່ເຄົາລົບ,ຍິນດີຕ້ອນຮັບທ່ານເຂົ້າສູ່ລາຍການ"ເພື່ອນມິດຜູ້ຟັງ",ມື້ນີ້,ສັງຂານ ຈູມຄຳພັນເປັນຜູ້ດຳເນີນລາຍການຕາມເຄີຍ.ຫວ່າງມໍ່ໆນີ້,ທ່ານບຸນຊູ ພົງສະຫວັດມີໄຊ ຫົວໜ້າກົມເຕັກນິກອາຍາຂອງກົມໃຫຍ່ຕຳຫຼວດກະຊວງປ້ອງກັນຄວາມສະຫງົບສຸກຂອງລາວໄດ້ນຳພາສຳມະນາກອນຈາກກະຊວງປ.ກ.ສ.ລາວເຊິ່ງມີສະມາຊິກ10ຄົນມາເຂົ້າຮ່ວມ"ຊຸດອົບຮົມປະຕິບັດກົດໝາຍແລະເຕັກນິກອາຍາຈີນກັບອາຊຽນ"ທີ່ກະຊວງປ້ອງກັນຄວາມສະຫງົບຈີນເປັນເຈົ້າພາບ,ຫຼັງຈາກຊຸດອົບຮົມ,ຝ່າຍຈີນໄດ້ຈັດໃຫ້ສຳມະນາກອນໄປທັດສະນະຈອນຢູ່ນະຄອນຫຼວງປັກກິ່ງແລະເມືອງຄູນມີງແຂວງຢຸນນານ,ເມື່ອໄດ້ສຳຜັດກັບທັດສະນີຍະສະຖານແລະພາບວິວທິວທັດທຳມະຊາດຂອງຈີນແລ້ວ, ທຸກຄົນລ້ວນແຕ່ຮູ້ສຶກດີໃຈຫຼາຍທີ່ມີໂອກາດມາທັດສະນະຈອນຢູ່ຈີນ.ໃນໄລຍະທັດສະນະຈອນແລະທ່ຽວຢູ່ເມືອງຈີນ,ນັກຂ່າວCRIໄດ້ສຳພາດບັນດາສຳມະນາກອນທັງຫຼາຍ,ຜູ້ໃຫ້ສຳພາດທຸກຄົນກໍ່ໄດ້ເວົ້າເຖິງຜົນໄດ້ຮັບໃນການເດີນທາງເທື່ອນີ້ແລະພາບປະທັບໃຈອັນດີງາມຕໍ່ຈີນດ້ວຍຄວາມຕື້ນເຕັ້ນ.ໃນລາຍການ"ເພື່ອນມິດຜູ້ຟັງ"ມື້ນີ້,ທ່ານຈະໄດ້ຟັງພວກເພິ່ນເວົ້າເຖິງສິ່ງທີ່ໄດ້ຮູ້ໄດ້ຫັນຢູ່ຈີນ.(ດົນຕີຂັ້ນ)
ທ່ານວົງເຊໂດນ ພັນທະແກ້ວເປັນຫົວໜ້າຫ້ອງການຄູເຕັກນິກອາຍາຂອງໂຮງຮຽນວິທະຍາຄານປ້ອງກັນຄວາມສະຫງົບແຫ່ງຊາດລາວ,ເມື່ອເວົ້າເຖິງການເດີນທາງຢ້ຽມຢາມຈີນເທື່ອນີ້,ທ່ານກໍ່ໜ້າເບີກຕາບານແລະເວົ້າວ່າ,ເທື່ອນີ້,ມີໂອກາດມາຮຽນຢູ່ຈີນແລະໄປທ່ຽວຢູ່ສະຖານທີ່ຕ່າງໆຂອງຈີນ,ຮູ້ສຶກມີກຽດຫຼາຍ,ສ່ວນສິ່ງທີ່ເປັນພາບປະທັບໃຈທີ່ລືມບໍ່ໄດ້ນັ້ນກໍ່ແມ່ນກຳແພງຍັກ.ທ່ານເວົ້າວ່າ,(ສຽງ1) ທ່ານອຳໄອ ຫຼວງປາກດີ ຫົວໜ້າໜ່ວຍງານເຕັກນິກອາຍາປ.ກ.ສ.ນະຄອນຫຼວງວຽງຈັນແມ່ນມາປະເທດຈີນເທື່ອທຳອິດ,
ທ່ານປະຫຼາດໃຈນຳພາບວິວທິວທັດທຳມະຊາດແລະວັດທະນະທຳຂອງຈີນຫຼາຍ,ແລະຮູ້ສຶກຕື້ນຕັນໃຈຕໍ່ຄວາມເປັນມິດຂອງປະຊາຊົນຈີນ.ທ່ານອຳໄອເວົ້າ,(ສຽງ2) ທ່ານສີເວີນ ພຸດທະວົງສີແມ່ນວິຊາການຂອງກະຊວງປ.ກ.ສ.ລາວ,ທ່ານບອກນັກຂ່າວວ່າ,ແຕ່ກ່ອນ,ພຽງແຕ່ເຄີຍເຫັນຫຼືເຄີຍຍິນຂ່າວກ່ຽວກັບຈີນໃນໂທລະພາບແລະວິທະຍຸເທົ່ານັ້ນ,ແຕ່ບໍ່ເຄີຍມາຮອດຈີນ,ເທື່ອນີ້ໄດ້ເຫັນປະເທດຈີນຕົວຈິງ,ໄດ້ຮູ້ສຶກເຖິງຫົວຄິດປະດິດສ້າງທີ່ມີມາຫຼາຍພັນປີຂອງປະຊາຊົນຈີນ, ຍິ່ງໃຫຍ່ແທ້ໆ.ທ່ານເວົ້າວ່າ,
ນາງທິບພາວັນ ພຽນມະນີກໍ່ແມ່ນວິຊາການຂອງກະຊວງປ.ກ.ສ.ລາວ,ນາງສົນໃຈນຳວັດທະນະທຳສະໄໝບູຮານຂອງຈີນຫຼາຍ,ແຕ່ພະຣາຊະວັງໃຕ້ດິນຄືສຸສານຕີ້ງລີງຂອງເຈົ້າຊີວິດສະໄໝລາດຊະວົງມີງຮອດພະລາດຊະວັງບູຮານທີ່ໃຫຍ່ໂຕ,ກໍ່ເຮັດໃຫ້ນາງຕື່ນເຕັ້ນແລະອອນຊອນໃຈນຳຫຼາຍ.ນາງເວົ້າວ່າ,(ສຽງ4
ໃນເວລາສຳພາດ,ນັກຂ່າວໄດ້ຮູ້ວ່າທ່ານບຸນຊູ ພົງສະຫວັດມີໄຊ ຫົວໜ້າກົມເຕັກນິກອາຍາຂອງກົມໃຫຍ່ຕຳຫຼວດກະຊວງປ.ກ.ສ.ລາວພ້ອມດ້ວຍທ່ານວົງເຊໂດນ ພັນທະແກ້ວແລະທ່ານອຳໄວ ຫຼວງປາກດີກໍ່ແມ່ນຜູ້ຟັງຂອງວິທະຍຸCRI,ເນື່ອງໃນໂອກາດນີ້,ເຂົາເຈົ້າກໍ່ໄດ້ສະເໜີຄຳຄິດຄຳເຫັນທີ່ດີຫຼາຍອັນຕໍ່ລາຍການຂອງພວກເຮົາ,ທ່ານບຸນຊູໄດ້ຕີລາຄາຢ່າງດີງາມຕໍ່ລາຍການຂອງCRI,ແລະສະເໜີໃຫ້ພວກເຮົາຈົ່ງເພິ່ມລາຍການດ້ານກົດໝາຍຂອງຈີນ.ທ່ານເວົ້າວ່າ,(ສຽງ5)
ທ່ານວົງເຊໂດນ ພັນທະແກ້ວຢາກໃຫ້ລາຍການດົນຕີມີເພງຈີນກັບເພງລາວສະລັບກັນ,ທ່ານເວົ້າວ່າ,ທ່ານອຳໄອ ຫຼວງປາກດີເຫັນວ່າຈີນມີປະຫວັດສາດອັນຍາວນານແລະສະຫງ່າລາສີ,ໃນຫຼາຍປີມານີ້,ເສດຖະກິດຂອງຈີນກໍ່ພັດທະນາຢ່າງວ່ອງໄວ,ສະນັ້ນ,ສະເໜີໃຫ້ພວກເຮົາຈົ່ງແນະນຳປະຫວັດສາດ,ວັດທະນະທຳຈີນ,ແລະຖ່າຍທອດບົດຮຽນການປະຕິວັດຂອງຈີນ ໃນລາຍການຂອງພວກເຮົາ.
ທ່ານຜູ້ຟັງທີ່ເຄົາລົບ,ທີ່ທ່ານຟັງມານັ້ນແມ່ນລາຍການ"ເພື່ອນມິດຜູ້ຟັງ",ພວກເຮົາໄດ້ສຳພາດຄະນະສຳມະນາກອນລາວທີ່ເຂົ້າຮຽນຢູ່"ຊຸດອົມຮົມປະຕິບັດກົດໝາຍແລະເຕັກນິກອາຍາຈີນກັບອາຊຽນແລະໄປທັດສະນະຈອນຢູ່ຈີນນັ້ນ,ໃຫ້ພວກເຂົາເຈົ້າເລົ່າສິ່ງທີ່ໄດ້ຍິນໄດ້ເຫັນຢູ່ຈີນ,ພ້ອມກັນນັ້ນ,ພວກເຂົາເຈົ້າກໍ່ໄດ້ສະແດງຄວາມເຫັນອັນດີງາມຕໍ່ລາຍການCRI.ລາຍການພາກນີ້ກໍ່ຂໍສ້ຽວສຸດລົງພຽງທໍ່ນີ້,ຕໍ່ໄປພວກເຮົາມາຢ່ອນອາລົມນຳກັນ,ມາຟັງເພງມ່ວນໆເພງໜຶ່ງ,ເພງນີ້ຊື່ວ່າ"ສ່ຽນຫຼີຈື່ວ້າຍ",ແປວ່າ"ຫ່າງໄກແສນໂຍດ",
ເຖິງວ່າພວກເຮົາຫ່າງໄກກັນຫຼາຍ,ແຕ່ກະແສຄື່ນໄຟຟ້າພັດເຮັດໃຫ້ພວກເຮົາໄດ້ເປັນເພື່ອນມິດທີ່ດີ.ວັນສຸກໜ້າເວລາດຽວກັນນີ້ຈຶ່ງພົບກັບລາຍການ"ເພື່ອນມິດຜູ້ຟັງໃໝ່ຢ່າລືມ ຖ້າມີເວລາຫວ່າງ ກໍ່ຂຽນຈົດໝາຍມາຍັງພວກເຮົາເດ່,ສະບາຍດີ!
|
