|
|
 |
| (GMT+08:00)
2006-09-18 17:13:50
|
 |
|
ທ່ານຮວງອີ້ຕະກັບເພງຂອງທ່ານ
cri
Author: mo
|
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ເຄົາລົບ, ແສງແກ້ວຍິນດີຕ້ອນຮັບທ່ານເຂົ້າສູ່ລາຍການຢ່ອນອາລົມໃນວັນເສົາ, ໃນລາຍການມື້ນີ້, ພວກເຮົາຂໍແນະນຳທ່ານຮວງອີ້ຕະ ນັກຮ້ອງສິງກະໂປກັບເພງຂອງທ່ານ.
ຄົນທັງຫຼາຍໄດ້ຍິນສຽງເພງຂອງທ່ານຮວງອີ້ຕາຄັ້ງທຳອິດ, ສ່ວນຫຼາຍແມ່ນຢູ່ໃນຮູບເງົາເລື່ອງ"ລົດໄຟໃຕ້ດິນ" ເຊິ່ງຜະລິດໂດຍທ່ານວາງເຈຍເວີ້ຍ ຜູ້ກຳກັບການສະແດງທີ່ມີຊື່ສຽງຂອງຮົງກົງໃນທ້າຍປີ 2003, ເວລານັ້ນ, ທ່ານຮວງອີ້ຕະໄດ້ຮ້ອງເພງເປິດສາກຂອງຮູບເງົາເລື່ອງນີ້. ໃນຮູບເງົາເລື່ອງນີ້, ທຸກບົດບາດທີ່ສຳຄັນ ກໍຈະມີສຽງຮຶມຮ້ອງຢ່າງຄ່ອຍໆຂອງທ່ານຊ້ອນເຂົ້າຕະຫຼອດ. ໄດ້ສ້າງພາບປະທັບໃຈອັນເລິກເຊິ່ງໃຫ້ແກ່ຜູ້ຊົມ. ຄຽງຄູ່ກັບຮູບເງົາເລື່ອງນີ້ນຳອອກສາຍແລະໂຄສະນາຢູ່ພາກພື້ນອາຊີ, ຄົນນັບມື້ນັບຫຼາຍໄດ້ຮູ້ຈັກທ່ານຮວງອີ້ຕະ. ທີ່ທ່ານພວມຟັງຢູ່ນີ້ແມ່ນເພງ"ລົດໄຟໃຕ້ດິນ" ຂັບຮ້ອງໂດຍທ່ານຮວງອີ້ຕະ.
ໃນຍາມຮຽນຊັ້ນມັດທະຍົມ, ທ່ານຮວງອີ້ຕະແມ່ນເດັກທີ່ບໍ່ມັກຮຽນໜັງສື, ຢູ່ສິງກະໂປທີ່ຖືການຮຽນຕໍ່ເປັນເລື່ອງສຳຄັນນັ້ນ, ໃຜກໍເຫັນວ່າ, ລາວບໍ່ມີຫວັງແລະບໍ່ມີອະນາຄົດ, ຈົນລາວເອງກໍບໍ່ຮູ້ວ່າຈະເຮັດແນວໃດກັບຊີວິດຂອງຕົນໃນອະນາຄົດ. ຈົນມາຮອດມື້ໜຶ່ງ, ເອື້ອຍຂອງລາວໄດ້ຊື້ກິດຕາໜ່ວຍໜຶ່ງໃຫ້, ໃນຂະນະນີ້, ທ່ານຮວງອີ້ຕະຈຶ່ງສຳນຶກຮູ້ວ່າ, ໃນຊາດນີ້, ຕົນເອງມີສາຍແນນກັບດົນຕີ, ໃນທີ່ສຸດ, ທ່ານກໍໄດ້ຊອກພົບເສັ້ນທາງຊີວິດຂອງຕົນ.
ເພື່ອເພີ່ມຄວາມຮູ້ທາງດ້ານດົນຕີ, ໃນຄາວອາຍຸ 15 ປີ, ທ່ານຮວງອີ້ຕະ ທີ່ໄດ້ອອກຈາກໂຮງຮຽນທຳມະດາ ໄປຮຽນຢູ່ໂຮງຮຽນດົນຕີຂອງທ່ານລີສື່ຊົງກັບທ່ານລີເວີຍຊົງ ນັກດົນຕີທີ່ມີຊື່ສຽງຂອງສິງກະໂປ. ທ່ານເລີ່ມຮຽນຄວາມຮູ້ດົນຕີຢ່າງດຸໝັ່ນ, ແລະຮຽນດີດກິດຕາແລະຫຼິ້ນເປຍໂນຢ່າງທໍລະຫົດອົດທົນ, ພ້ອມນີ້, ຍັງລອງແຕ່ງເພງນຳອີກ. ປີ 2004, ທ່ານຮວງອີ້ຕະໄດ້ເຊັນສັນຍາກັບບໍລິສັດແຜ່ນສຽງໂຊນີ, ບໍ່ດົນ, ກໍໄດ້ນຳແຜ່ນCDສ່ວນຕົວແຜ່ນທຳອິດອອກຈຳໜ່າຍ. ໃນCDຊຸດນີ້, ທ່ານຮວງອີ້ຕະບໍ່ໄດ້ໄປນຳລົດນິຍົມດົນຕີເອເລັກໂຕຼນິກ ດົນຕີຮິບຮັອບແລະດົນຕີແຣັບ, ແຕ່ເພິ່ນໃຊ້ດົນຕີຣອກແອັນໂຣນປະສົມກັບດົນຕີເຄື່ອງສາຍ, ເອົາດົນຕີພື້ນເມືອງ ດົນຕີສະໄໝໃໝ່ກັບດົນຕີຣອກແອນໂຣນປະສົມກົມກືນເຂົ້າກັນເປັນຢ່າງດີ. ໃນＣＤແຜ່ນນີ້, ມີຫຼາຍເພງ ແຟນເພງມັກຫຼາຍ, ຄືເພງ"ຄວາມຮັກໃຕ້ກ້ອງຈຸນລະທັດ"ທີ່ວາດພາບຈິດໃຈຂອງຄົນອົກຮັກ, ເພງ"ທ້ອງຟ້າສີຄາມ"ທີ່ສະແຫວງຫາຄວາມຮັກແທ້, ແລະເພງ"ຄົນໜ້າຮັກທີ່ບໍ່ເຜີຍຊື່" ເຊິ່ງສະແດງໃຫ້ເຫັນວິທີຂັບຮ້ອງແບບມືອາຊີບຂອງທ່ານຮວງອີ້ຕະ.
ທີ່ທ່ານພວມຟັງຢູ່ນີ້ແມ່ນເພງ"ຄວາມຮັກໃຕ້ກ້ອງຈຸນລະທັດ", ຂັບຮ້ອງໂດຍທ່ານຮວງອີ້ຕະ. ເນື້ອເພງມີຢູ່ວ່າ: "ສຽງນ້ຳຝົນຢອດບັອກບັອກ, ຄືສຽງທ້ອງຟ້ານ້ຳຕາຕົກ, ລ້າງຄວາມຝັນຖີ້ມສ່ວນໜຶ່ງ, ເອົາມັນຝັງໄວ້ໃນເມືອງ. ຈົດໝາຍກ້ານໜຶ່ງ, ເສື້ອແລັນເກົ່າຜືນໜຶ່ງ, ອັນໃດແມ່ນຂອງລະລຶກຂອງໃຜ? ເອົາຫຍັງມາຫວນຄຶດ? ນ້ຳຝົນຢອດໃສ່ຕາ, ຖາມຕົນເອງວ່າ, ຖ້າບໍ່ມີເຈົ້າຈະທົນໄດ້ບໍ່? ເບິ່ງຄວາມຮັກໃນກ້ອງຈຸນລະທັດ, ມັນຂະຫຍາຍຄວາມຮັກທັງໝົດຢ່າງທາລຸນ. ເມື່ອພໍ້ເຈົ້າແລ້ວກໍຮັກເຈົ້າ, ແລ້ວຊັງເຈົ້າຈົນເຂົ້າກະດູກ, ທີ່ຈິງ, ຄວາມຮັກແມ່ນການທ່ອງທ່ຽວທີ່ກັບຄືນບໍ່ໄດ້."
ໃນCDຊຸດທຳອິດຂອງທ່ານຮວງອີ້ຕະທີ່ໃຫ້ຊື່ວ່າ"ບໍ່ສາມາດຕີຄວາມໝາຍ"ນັ້ນ, ມີເພງ"ມັກເຈົ້າ"ທີ່ວາດພາບຄວາມຮັກຄັ້ງແລກ, ການຂັບຮ້ອງຂອງທ່ານຮວງອີ້ຕະໄດ້ສະແດງໃຫ້ເຫັນຄວາມລະມຸມລະໄມຂອງຜູ້ຊາຍ, ເພງນີ້, ຟັງແລ້ວພາໃຫ້ຄົນຫວນຄຶດເຖິງຄວາມຮັກຄັ້ງແລກທີ່ດີງາມ. ຕໍ່ໄປເຊີນຟັງເພງ"ມັກເຈົ້າ"。
ປີ2005, ທ່ານຮວງອີ້ຕະໄດ້ອັດCDຊຸດທີສອງທີ່ຊື່ວ່າ: ລະຫັດລັບສະເພາະ. ໃນCDຊຸດນີ້, ໄດ້ສະແດງໃຫ້ເຫັນເອກະລັກດົນຕີຂອງທ່ານຮວງອີ້ຕະ ຢ່າງຈະແຈ້ງ.
ທີ່ທ່ານພວມຟັງຢູ່ນີ້ແມ່ນເພງ"ລະຫັດລັບສະເພາະ" ຂັບຮ້ອງໂດຍທ່ານຮວງອີ້ຕະ. ໃນເພງນີ້, ທ່ານຮວງອີ້ຕະໄດ້ສະແດງນ້ຳໃຈຂອງຕົນທີ່ຍຶດໝັ້ນຄວາມຝັນແຫ່ງດົນຕີ. ເນື້ອເພງມີຢູ່ວ່າ: ທຸກວິນາທີ, ດົນຕີແມ່ນການເລີ່ມຕົ້ນຂອງທຸກສິ່ງທຸກຢ່າງ. ບໍ່ວ່າໄກປານໃດ, ເມື່ອເມື່ອຍແລ້ວ, ຮ້ອງເພງກໍດີໂລດ. ຄວາມເຊື່ອຖືແມ່ນຄວາມໝັ້ນຄົງ, ເມື່ອຍປານໃດຂ້ອຍກໍຍິ້ມ. ຂ້ອຍຮູ້ວ່າ, ມື້ໃດມື້ໜຶ່ງ, ຄວາມຝັນຫາກຈະກາຍເປັນຄວາມຈິງ."
ໃນCDຊຸດ: ລະຫັດລັບສະເພາະ, ມີເພງໜຶ່ງຊື່ວ່າ"Set me free" ເຊິ່ງທ່ານຮວງອີ້ຕະຮ້ອງຮ່ວມກັບນາງມໍ້ເວີນເວີ້ຍ ນັກຮ້ອງຮົງກົງ. ນາງມໍ້ເວີນເວີ້ຍເປັນຜູ້ເວົ້າພາສາຝຣັ່ງໃນເພງ. ສຸດທ້າຍເຊີນຟັງເພງນີ້ນຳກັນ.
ທ່ານຜູ້ຟັງທີ່ຮັກແພງ, ທີ່ຟັງມານັ້ນແມ່ນເພງຂອງທ່ານຮວງອີ້ຕະ ນັກຮ້ອງສິງກະໂປ, ລາຍການຢ່ອນອາລົມໃນວັນເສົາພາກນີ້ຂໍຈົບລົງພຽງທໍ່ນີ້, ສະບາຍດີ.
|
|
|
