|
ລັດຖະມົນຕີຊ່ວຍວ່າການກະຊວງກະສິກຳຈີນກ່າວວ່າ ລະດັບຄວາມປອດໄພດ້ານຄຸນນະພາບຂອງຜະລິດຕະພັນນ້ຳຂອງຈີນສູງຂຶ້ນຢ່າງເດັ່ນຊັດ
cri
Author: cai
ຕາມຂ່າວCRI:ວັນທີ 18 ກັນຍາ,ຢູ່ປັກກິ່ງ,ທ່ານຈາງປາວເວີນ ລັດຖະມົນຕີຊ່ວຍວ່າການກະຊວງກະສິກຳຈີນເວົ້າວ່າ,ເນື່ອງຈາກວ່າໄດ້ປະຕິບັດຕາມມາດຖານການຜະລິດຂອງການປາມົງ,ລະດັບຄວາມປອດໄພດ້ານຄຸນນະພາບຂອງຜະລິດຕະພັນນ້ຳຂອງຈີນໄດ້ສູງຂຶ້ນຢ່າງເດັ່ນຊັດ.
ທ່ານຈາງປາວເວີນແມ່ນໃຫ້ທັດສະນະດັ່ງກ່າວໃນກອງປະຊຸມຄະນະກຳມະການຜະລິດຕະພັນນ້ຳແລະການປຸງແຕ່ງຜະລິດຕະພັນນ້ຳຂອງປະມວນກົດໝາຍອາຫານສາກົນຄັ້ງທີ 28 ທີ່ໄຂປະຊຸມຢູ່ປັກກິ່ງ.
ທ່ານສະເໜີໃຫ້ຮູ້ວ່າ,ໃນ 5 ປີທີ່ຜ່ານມາ,ການສົ່ງອອກຜະລິດຕະພັນນ້ຳຂອງຈີນໄດ້ຮັກສາທ່ວງທ່າເພີ່ມຂຶ້ນຢ່າງວ່ອງໄວ,ຍອດມູນຄ່າການສົ່ງອອກໄດ້ຄອງຖານະທີ 1 ຂອງໂລກຕະຫຼອດມາ.ເພື່ອສະໜອງຜະລິດຕະພັນທີ່ປອດໄພກວ່າເກົ່າໃຫ້ແກ່ຜູ້ບໍລິໂພກຂອງຈີນແລະຕ່າງປະເທດ,ຈີນໄດ້ຕັ້ງໜ້າດຳເນີນການສ້າງສາລະບົບມາດຖານການປາມົງ,ນັບລວມແລ້ວ,ໄດ້ວາງມາດຖານຜະລິດຕະພັນນ້ຳ 600 ກວ່າລາຍ,ແລະໄດ້ເລັ່ງລັດບາດກ້າວເຊື່ອມໂຍງກັບມາດຖານຜະລິດຕະພັນນ້ຳສາກົນ,ໄດ້ນຳໃຊ້ມາດຖານຜະລິດຕະພັນນ້ຳຂອງປະມວນກົດໝາຍອາຫານສາກົນຢ່າງຫຼວງຫຼາຍ.ຜ່ານຈາກການປະຕິບັດຕາມມາດຖານດັ່ງກ່າວ,ປີກາຍນີ້,ອັດຕາໄດ້ມາດຖານໃນການກວດກາຄຸນນະພາບຜະລິດຕະພັນນ້ຳຂອງຈີນໄດ້ບັນລຸ 97% ຂຶ້ນໄປ,ຄວາມປອດໄພໃນການບໍລິໂພກຜະລິດຕະພັນນ້ຳໄດ້ມີການຮັບປະກັນໂດຍພື້ນຖານ.
|
|
