|
|
 |
| (GMT+08:00)
2006-09-19 12:57:58
|
 |
|
ຜູ້ແທນຈີນບັນລະຍາຍເຈດຈຳນົງສີ່ຂໍ້ໃນກອງປະຊຸມໃຫຍ່ອົງການພະລັງງານປະລະມານູສາກົນ
cri
Author: shuo
ຕາມຂ່າວສານຊິນຮວາ:ວັນທີ18ກັນຍາ,ທ່ານຊຸ່ນຊິນ ຫົວໜ້າອົງການພະລັງງານປະລະມານູແຫ່ງຊາດຈີນ ຫົວໜ້າຄະນະຜູ້ແທນຈີນທີ່ນຳພາຄະນະໄປເຂົ້າຮ່ວມກອງປະຊຸມປະຈຳຄັ້ງທີ50ຂອງກອງປະຊຸມໃຫຍ່ອົງການພະລັງງານປະລະມານູສາກົນຢູ່ນະຄອນວຽນໄດ້ປະກອບຄຳຄິດຄຳເຫັນໃນການອະພິປາຍທົ່ວໄປ,ໄດ້ບັນລະຍາຍຫຼັກໝັ້ນຂອງລັດຖະບານຈີນກ່ຽວກັບບັນຫາທີ່ກ່ຽວຂ້ອງ,ແລະໄດ້ສະເໜີຂໍ້ສະເໜີແລະເຈດຈຳນົງສີ່ຂໍ້ເພື່ອຮັບປະກັນໃຫ້ອົງການພະລັງງານປະລະມານູສາກົນຂະຫຍາຍຕົວຢ່າງປອດໄສ.
ຂໍ້ສະເໜີແລະເຈດຈຳນົງສີ່ຂໍ້ນີ້ແມ່ນ:ໜຶ່ງ,ອົງການນີ້ຄວນອອກແຮງເພີ່ມທະວີການຮ່ວມມືດ້ານເຕັກນິກ;ສອງ,ອົງການນີ້ຄວນສືບຕໍ່ສ້າງແລະເຜີຍແຜ່ວັດທະນະທຳຄວາມປອດໄພນິວເຄຼຍ,ຊ່ອຍໃຫ້ປະເທດພາຄີຍົກລະດັບຄວາມປອດໄພນິວເຄຼຍໃຫ້ສູງຂຶ້ນ;ສາມ,ອົງການນີ້ຄວນສືບຕໍ່ສະໜອງການຄ້ຳປະກັນຢ່າງແຂງແຮງໃຫ້ການບໍ່ແຜ່ຜາຍນິວເຄຼຍແລະການຮັກສາຄວາມປອດໄພດ້ານນິວເຄຼຍ;ສີ່,ອົງການນີ້ຄວນເສີມຂະຫຍາຍບົດບາດຢ່າງຕັ້ງໜ້າໃຫ້ການແກ້ໄຂບັນຫາຈຸດຮ້ອນດ້ານນິວເຄຼຍໃຕ້ຂອບຂອງອົງການດັ່ງກ່າວ,ຫາລືແລະແກ້ໄຂບັນຫາຕ່າງໆຢ່າງເໝາະສົມ,ຄື ບັນຫານິວເຄຼຍແຫຼມເກົາຫຼີ ບັນຫານິວເຄຼຍຂອງອີຣານ ການສະໜອງວັດຖຸເຊື້ອໄຟນິວເຄຼຍພ້ອມດ້ວຍການໂຈມຕີລັດທິກໍ່ການຮ້າຍ.
ກອງປະຊຸມປະຈຳຂອງອົງການພະລັງງານປະລະມານູສາກົນຄັ້ງນີ້ໄຂຂຶ້ນໃນວັນທີ18ກັນຍາ,ແລະຈະດຳເນີນໄປເປັນເວລາ5ມື້.ໃນໄລຍະປະຊຸມ,ຜູ້ແທນຂອງ140ປະເທດພາຄີຂອງອົງການດັ່ງກ່າວຈະບັນລະຍາຍຫຼັກໝັ້ນຂອງປະເທດຕົນຕໍ່ການນຳໃຊ້ພະລັງງານນິວເຄຼຍ,ຫາລືຫົວຂໍ້ປະຊຸມຕ່າງໆ ເຊັ່ນແຜນການພັດທະນາພະລັງງານນິວເຄຼຍຂອງໂລກແລະງົບປະມານປີ2007ເປັນຕົ້ນ.
|
|
|
