ຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ເນື້ອໃນທີ່ພົວພັນເຖິງຈີນໃນບົດລາຍງານຂອງກະຊວງການຕ່າງປະເທດອາເມລິກາກ່ຽວກັບເສລີພາບທາງສາສະໜາສາກົນປີ2006
cri
ຕາມຂ່າວສານຊິນຮວາ, ມື້ວານນີ້(ວັນທີ18ກັນຍາ), ຢູ່ປັກກິ່ງ, ໃນເວລາທ່ານສິນກາງ ໂຄສົກກະຊວງການຕ່າງປະເທດຈີນຕອບຄຳຖາມທີ່ກ່ຽວຂ້ອງຂອງນັກຂ່າວນັ້ນ, ທ່ານກ່າວວ່າ, ເນື້ອໃນທີ່ພົວພັນເຖິງຈີນໃນບົດລາຍງານຂອງກະຊວງການຕ່າງປະເທດອາເມລິກາກ່ຽວກັບເສລີພາບທາງສາສະໜາສາກົນສົກປີ2006, ຍັງສືບຕໍ່ຕິຕຽນນະໂຍບາຍສາສະໜາແລະຊົນເຜົ່າຂອງຈີນຢ່າງໄຮ້ເຫດຜົນ, ໄດ້ລະເມີດຫຼັກການພື້ນຖານຂອງການພົວພັນລະຫວ່າງຊາດ, ແຊກແຊງວຽກງານພາຍໃນຂອງຈີນ, ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ເລື່ອງນີ້.
ທ່ານສິນກາງກ່າວວ່າ, ລັດຖະບານຈີນປົກປ້ອງສິດເສລີພາບໃນການເຊື່ອຖືສາສະໜາຂອງພົນລະເມືອງຕາມກົດໝາຍ. ຊົນເຜົ່າງຕ່າງໆແລະປະຊາຊົນໃນທ້ອງຖິ່ນຕ່າງໆຂອງຈີນມີສິດເສລີພາບຢ່າງເຕັມສ່ວນໃນການເຊື່ອຖືສາສະໜາຕາມກົດໝາຍ, ນີ້ແມ່ນເລື່ອງຈິງທີ່ບຶດເບືອນບໍ່ໄດ້.
ທ່ານສິນກາງເວົ້າວ່າ, ຝ່າຍຈີນທວງໃຫ້ຝ່າຍອາເມລິກາປ່ຽນແປງສາຍຕາຂອງຕົນ, ເອົາໃຈໃສ່ນຳບັນຫາສິດເສລີພາບທາງສາສະໜາທີ່ມີຢູ່ໃນປະເທດຂອງຕົນ, ຢຸດຕິການໃຊ້ບັນຫາສາສະໜາເພື່ອແຊກແຊງວຽກງານພາຍໃນຂອງຈີນ.
|
|