|
ທີ່ນີ້,ວິທະຍຸສາກົນແຫ່ງປະເທດຈີນ,ສະບາຍດີ,ທ່ານຜູ້ຟັງທີ່ເຄົາລົບ,ລາຍການ"ຂົວທາງອາກາດ"ໄດ້ວຽນມາພົບກັບທ່ານອີກຕາມເຄີຍ,ເປັນຈັ່ງໃດ?ທ່ານຜູ້ຟັງໃນວັນເສົາວັນອາທິດຜ່ານມານີ້ໄດ້ໄປຫຼິ້ນໄປທ່ຽວໃສແດ່?ມ່ວນຫຼາຍບໍ່?ອາທິດແລ້ວນີ້,ພວກເຮົາໄດ້ຮັບຈົດໝາຍຂອງນ້ອງສຸລິນ ໄຊຍະສອນ ທີ່ກອງບັນຊາການທະຫານເມືອງຮຸນ ແຂວງອຸດົມໄຊ,ໃນຈົດໝາຍນ້ອງສຸລິນຂຽນວ່າ:"ນ້ອງດີໃຈຫຼາຍທີ່ໄດ້ຮັບຈົດໝາຍຈາກອ້າຍ,ນ້ອງບໍ່ມີໂອກາດຕອບດ່ວນ,ເພາະວ່າ,ນ້ອງອອກປະຕິບັດໜ້າທີ່ຂອງນ້ອງຢູ່ເຂດຊົນນະບົດຫ່າງຈາກຕົວເມືອງໄປຫຼາຍກິໂລແມັດ,ຈົນເຖິງປະຈຸບັນກໍ່ຍັງບໍ່ທັນສຳເລັດເທື່ອ.ສະນັ້ນ,ໃນໂອກາດນີ້,ນ້ອງມີເວລາເຂົ້າມາໃນເມືອງ,ຈິ່ງຂຽນຈົດໝາຍສະບັບນີ້ຕອບອ້າຍ,ເຖິງວ່ານ້ອງຈະອອກຈາກຕົວເມືອງໄກປານໃດກໍ່ຕາມ,ນ້ອງແລະໝູ່ເພື່ອນຫຼາຍຄົນກໍ່ຍັງຮັບຟັງແລະຕິດຕາມລາຍການ CRI ຂອງພວກເຮົາເປັນປະຈຳ,ທຸກວັນບໍ່ຂາດ."
ນ້ອງສຸລິນ ໄຊຍະສອນພໍມີເວລາໜ້ອຍໜຶ່ງກໍ່ຂຽນຈົດໝາຍມາຫາພວກເຮົກໂລດ,ເຮັດໃຫ້ພວກເຮົາຮູ້ສຶກດີໃຈຫຼາຍ,ພ້ອມກັນນີ້,ກໍ່ຂອບໃຈນ້ອງສຸລິນແລະເພື່ອນມິດຂອງນ້ອງທຸກຄົນທີ່ຕິດຕາມຮັບຟັງລາຍການຂອງວິທະຍຸCRIເປັນປະຈຳ.ຜູ້ຟັງຫຼາຍທ່ານ,ຍ້ອນວ່າໃນຍາມປົກກະຕິຂັດວຽກງານຫຼາຍ,ຈິ່ງບໍ່ມີເວລາຝາກຈົດໝາຍມາຫາພວກເຮົາ,ພວກເຮົາເຂົ້າໃຈດີ,ວຽກງານແມ່ນສຳຄັນກວ່າສິ່ງອື່ນໃດ,ພວກທ່ານຕິດຕາມຮັບຟັງລາຍການຂອງພວກເຮົາທຸກມື້,ກໍ່ໄດ້ເຮັດໃຫ້ພວກເຮົາຮູ້ສຶກມີກຳລັງໃຈຫຼາຍແລ້ວພວກເຮົາມີຄວາມຍິນດີທີ່ສຸດທີ່ໃນເວລາຫວ່າງທ່ານຍາດເວລາຂຽນຈົດໝາຍເຂົ້າສູ່ເອົາລະ,ໃນຕອນທ້າຍຂອງລາຍການມື້ນີ້,ພວກເຮົາຂໍຈັດເພງມ່ວນໆເພງໜຶ່ງສູ່ທ່ານຟັງ,ເພງນີ້ຊື່ວ່າ"ຊີ່ງກວ່າງ",ແປວ່າ"ແສງດາວ",ຫວັງວ່າຄ່ຳຄືນນີ້ຄົງຈະເປັນຕອນຄ່ຳທີ່ດີງາມສຳລັບຜູ້ຟັງທຸກທ່ານທີ່ພວມຟັງລາຍການຢູ່ໃນຂະນະນີ້.ພົບກັນໃໝ່ໃນມື້ອື່ນ,ສະບາຍດີ.
|
