|
|
 |
| (GMT+08:00)
2006-09-19 20:47:28
|
 |
|
ຈີນແລະປະເທດອາຊຽນຈະຮ່ວມກັນສຸມກຳລັງເຂົ້າໃນການຮ່ວມມືແລະແລກປ່ຽນກັນດ້ານອຸດສາຫະກຳວັດທະນະທຳ
cri
ຕາມຂ່າວສານຊິນຮວາ,ວັນທີ19ກັນຍາ,ໃນເວທີປາໄສອຸດສາຫະກຳວັດທະນະທຳຈີນອາຊຽນຄັ້ງປະຖົມມະເລີກທີ່ຈັດຂຶ້ນຢູ່ນະຄອນນານນິງເຂດກວາງຊີຈີນ,ຜູ່ຮ່ວມປະຊຸມໄດ້ປະກາດຖະແຫຼງການນານນິງຂອງເວທີປາໄສອຸດສາຫະກຳວັດທະນະທຳຈີນອາຊຽນ,ກ່າວເນັ້ນວ່າບັນດາປະເທດຈະຮ່ວມກັນສຸມໃສ່ການຮ່ວມມືແລະແລກປ່ຽນກັນໃນດ້ານອຸດສາຫະກຳວັດທະນະທຳ.
ຈີນກັບບັນດາປະເທດອາຊຽນເປັນປະເທດໃກ້ຄຽງຂອງກັນ,ມີຊັບພະຍາກອນວັດທະນະທຳທີ່ອຸດົມສົມບູນແລະຕ່າງມີສີສັນພິເສດຂອງໃຜລາວ,ແລະມີຊ່ອງຫວ່າງບໍລິໂພກວັດທະນະທຳທີ່ເພີ່ມຂຶ້ນຢ່າງບໍ່ຢຸດຢັ້ງແລະມີກຳລັງບົ່ມຊ້ອນອັນມະຫາສານ.ຕາມຖະແຫຼງການ,ເວທີປາໄສອຸດສາຫະກຳວັດທະນະທຳຈີນອາຊຽນຄວນສຸມໃສ່ການບູລະນະເວທີປາໄສທີ່ເປັນກົນໄກສຳຄັນສຳລັບເຈົ້າໜ້າທີ່ລັດຖະບານ,ຜູ່ຊ່ຽວຊານນັກວິຊາການ,ຜູ່ນຳວິສາຫະກິດຂອງຈີນແລະບັນດາປະເທດອາຊຽນດຳເນີນການສົນທະນາກ່ຽວກັບອຸດສາຫະກຳວັດທະນະທຳນັ້ນໃຫ້ສົມບູນຂຶ້ນ,ສ້າງເວທີປາໄສໃຫ້ເປັນເວທີສັງລວມສຳລັບການແລກປ່ຽນຂໍ້ມູນຂ່າວສານ,ວາງສະແດງຜະລິດຕະພັນແລະໂຄງການຮ່ວມມືອຸດສາຫະກຳວັດທະນະທຳຂອງພາຍໃນພາກພື້ນແຫ່ງນີ້.ອອກແຮງສົ່ງເສີມການຊົມໃຊ້ຊັບພະຍາກອນນຳກັນ,ສ້າງຕັ້ງເຄືອຂ່າຍຂໍ້ມູນຂ່າວສານດ້ານອຸດສາຫະກຳວັດທະນະທຳຂອງຈີນແລະບັນດາປະເທດອາຊຽນຂຶ້ນເທື່ອລະກ້າວ.ເພີ່ມທະວີການພັດທະນາແລະການຮ່ວມມືດ້ານຊັບພະຍາກອນມະນຸດຂອງອຸດສາຫະກຳວັດທະທຳລະຫວ່າງຈີນກັບບັນດາປະເທດອາຊຽນຢ່າງແທ້ຈິງ.
|
|
|
